នៅក្នុងចំណោមវីតាមីនជាច្រើនមានវិតាមីនC ជាវិតាមីនលើកកម្ពស់ជួយសុខភាពផ្លូវចិត្ត ខួរក្បាល និងការពារជំងឺមួយចំនួនផងដែ។ ស្រ្តីគួរតែហូបអាហារមានជាតិវីតាមីន C ចាប់ពី ៧៥មិល្លីក្រាម និងបុរស ៩០មិល្លីក្រាមក្នុងមួយថ្ងៃ អាចតាមរយៈអាហារ ឬអាហារបំប៉ន ព្រោះថាវីតាមីន C មានអត្ថប្រយោជន៍កាត់ស្រ្តេស ឱ្យអារម្មណ៍រីករាយ និងការពារកោសិកាឈាមសទាំងនេះពីពពួករ៉ាឌីកាលសេរី។
បើយោងតាមគេហទំព័រ onegreenplanet បានលើកឡើងថា អាហារដែលមានជាតិវីតាមីន C ពិតជាមានតួនាទីសំខាន់ក្នុងការជម្រុញដល់ប្រព័ន្ធភាពសុំាក្នុងរាងកាយក្នុងការជំនួយដល់សុខភាពសរសៃឈាមបេះដូង រួមទាំងផ្តល់សុខភាពទៅកាន់ស្បែក ភ្នែក និងផ្លូវចិត្ត។ សាធាតុវីតាមីនC ក៏ជួយសម្រួលទៅដល់សាច់ដុំ និងឆ្អឹងមួយកម្រិតទៀត។ បន្ថែមពីនោះ វិតាមីនC មានសារធាតុប្រឆាំងអុកស៊ីតកម្ម មានពង្រឹងកោសិកា ហើយជួយឱ្យឆាប់ជាសះស្បើយពេលមានរបួសស្នាមលើរាងកាយផងដែរ”។ សម្បីតែសម្ពាធឈាមខ្ពស់ក៏ជាកត្តាចម្បងនាំឲ្យមានជំងឺបេះដូងប៉ុន្តែការសិក្សាជាច្រើនបង្ហាញថា វីតាមីនC អាចជួយកាត់បន្ថយកម្រិតសម្ពាធឈាម និងឱ្យអារម្មណ៍ស្រាលពីបញ្ហាផ្លូវចិត្ត។
សម្រាប់អាហារដែលមានជាតិវិតាមីន C មានដូចជាក្រូច ម្ទេស ផ្លែប៊្លូបឺរី ស្ត្របឺរី ម្នាស់ ដំឡូងបារាំង ប៉េងបោះ ផ្កាខាត់ណា ស្ពៃ... ប៉ុន្តែនៅក្នុងលក្ខខណ្ឌសុខភាពរបស់មនុស្សម្នាក់ៗ មានសភាពខុសៗគ្នា ទើបមនុស្សចាំបាច់ទទួលទានអាហារបំប៉នដែលមានវីតាមីន C ជាជំនួយបន្ថែមដើម្បីបង្កើនថាមពល និងសារធាតុប្រឆាំងអុកស៊ីតកម្ម និងជាតិសរសៃខ្ពស់ជួយការពារជំងឺផងដែរ។ នេះបើយោងតាមរយៈគេហទំព័រ Tasteofhome។ ព្រោះវីតាមីនC សារធាតុប្រឆាំងអុកស៊ីតកម្មដែលជួយគាំទ្រដល់ប្រព័ន្ធសរសៃប្រសាទកណ្តាល (CNS) ដែលមានសុខភាពល្អ។ CNS រួមមានខួរក្បាល និងខួរឆ្អឹងខ្នង ដែលដើរតួនាទីក្នុងមុខងារជាច្រើនក្នុងរាងកាយរបស់យើងផងដែរ៕ អត្ថបទដោយ៖ ទ្រ សុភាព