បញ្ហាមាត់ក៏ជារឿងសំខាន់ដែរ។ គ្រាន់តែមានបញ្ហាឈឺធ្មេញ និងពងមាត់បន្តិចក៏ហូបបាយមិនឆ្ងាញ់ដែរ។ មានបញ្ហាមួយដែល គឺបញ្ហាគីសបបូរមាត់ សូមអ្នកគួរប្រយ័ត្នផងដែរ។ តាមមន្ទីរពេទ្យកាល់ម៉ែត - Calmette Hospital បានលើកឡើងថា នៅក្នុងប្រអប់មាត់សម្បូរទៅដោយក្រពេញទឹកមាត់តូចៗ (Minor salivary glands) រាប់លានដែលស្ថិតនៅក្រោមភ្នាសស្តើងសើមក្នុងមាត់។ នៅពេលដែលមានការស្ទះ ឬដាច់រហែកនៃក្រពេញនេះ ធ្វើឲ្យមានកំណើនទឹកដក់ (Mucin) ទៅជាជាលិកាជុំវិញបង្កើតជាគីសក្រពេញទឹកមាត់។ ប្រភេទគីសនេះវាអាចកើតឡើងគ្រប់កន្លែងក្នុងមាត់ លើកលែងតែលើអញ្ចាញធ្មេញ ហើយភាគច្រើនកើតឡើងញឹកញាប់លើបបូរមាត់។
១. មូលហេតុ៖ ១. ការស្ទះនៃក្រពេញទឹកមាត់តូចៗ ២. មូលហេតុចំបងមកពីការខាំបបូរមាត់ ឬប៉ះទង្គិចបបូរមាត់។
២. រោគសញ្ញា៖ ១. មិនមានការឈឺចាប់នោះទេ។ ២. មានពណ៌ក្រហមថ្លា ឬខៀវ។ ៣. មានសភាពឡើងប៉ោង និងពេលប៉ះជាដុំទន់រអិល ក្រឡាច់។
៣. ការព្យាបាល៖១. ក្នុងករណីមានទំហំតូច វាអាចបាត់ទៅវិញដោយឯងៗ។ ២. ក្នុងករណីឡើងប៉ោងទំហំលើសពី ១cmឡើង ត្រូវការវះកាត់យកចេញ
៤. ភាពងាយកើតឡើងវិញ៖ ១. បច្ចេកទេសវះកាត់ត្រូវយកចេញទាំងស្រុងនូវដុំនោះ និងក្រពេញទឹកមាត់នៅជុំវិញ បើមិនដូចនោះទេ វានឹងកើតឡើងវិញ។ ២. ការខាំបបូរមាត់កន្លែងដដែល។
បញ្ជាក់៖ ការលេបថ្នាំ មិនអាចព្យាបាលដុំគីសនេះបានទេ។ សូមអញ្ជើញមកពិគ្រោះ និងប្រឹក្សាផ្ទាល់ជាមួយទន្តបណ្ឌិតឯកទេសនៃមន្ទីរពេទ្យកាល់ម៉ែត ពីជំងឺ ឬដំបៅផ្សេងៗក្នុងមាត់ និងទទួលបានសេវាព្យាបាលមាត់ធ្មេញ ប្រកបដោយគុណភាព និងប្រសិទ្ធភាពខ្ពស់។