មានអ្នកមានចំនួនបានស្រែកថា ហេតុអ្វីជីវិតវេទនាខ្លាំងម្ល៉េះ? ខ្ញុំមិនចង់ក្រោកពីព្រឹកនេះទេ ខ្ញុំចង់ដេកតទៀត? ខ្ញុំចង់បានជីវិតមួយមានគុណភាព? នេះជាសម្តីមនុស្សជាច្រើនតែងគិតហើយលាក់ក្នុងអារម្មណ៍។ រួចហើយបន្តដេកត្រាំនឹងជីវិតបែបនេះបន្តទៀត។ អ្នកមានជីវិតរស់ក្នុងលទ្ធផល រស់នៅជាមួយគុណភាព មានចំណូលគ្រប់គ្រាន់ និងមានអនាគតរុញរឿង ជាការក្រោកពីព្រឹកដោយអារម្មណ៍រីករាយ។
ហេតុអ្វីពួកគេមានទម្លាប់ឆាប់ក្រោកពីព្រឹកលឿនម្ល៉េះ? នៅខាងក្រោមនេះជាហេតុផលជម្រុញការគិតរបស់អ្នកឱ្យមានផ្លាស់ប្តូរជាមុនសិន បានជីវិតរបស់អ្នកផ្លាស់ប្តូរសន្សឹមៗ តាមក្រោយ។ តាមលោក Hector Garcia និងលោក Francesc Miralles ជាអ្នកស្រាវជ្រាវកោះអូគីណាវ៉ា បានរកឃើញថា “ប្រជាជនប៉ុននៅទីននេះមានអាយុវែង(កោះអូគីណាវ៉ា) និងក្រោកពីគេងនៅពេលព្រឹកព្រលឹម គឺមកពីពួកគេរស់មានគោលបំណក្នុងការប្រើជីវិតនេះ។” ពេលអ្នកមានហេតុផលជាប្រយោជន៍រួមដើម្បីក្រោកពីព្រឹក វានឹងធ្វើឱ្យអ្នកមានថាមពលភ្ញាក់ពីគេងយ៉ាងអស្ចារ្យ។
សម្រាប់ខ្ញុំជាអ្នកនិពន្ធ ខ្ញុំក្រោកម៉ោង ៦ព្រឹកមិនមែន ដើម្បីធ្វើការនោះទេ ខ្ញុំរីករាយជាមួយការផឹកកាហ្វេមួយកែវ និងការអានសៀវភៅជាមុនសិន ដើម្បីរុញទឹកចិត្តរបស់ខ្ញុំឱ្យខួរក្បាលក្រោកមានថាមពល ហើយបន្តធ្វើការដោះស្រាយបញ្ហា។ តាមសៀវភៅ លំហូរចិត្ត និពន្ធដោយលោកទ្រ សុភាព បានលើកឡើងថា អ្នកត្រូវមានហេតុផលក្រោកពីគេងដើម្បីធ្វើរឿងអស្ចារ្យមួយក្នុងជីវិត តើអ្នករស់នៅដើម្បីអ្វី? តើអ្វីជាកត្តាកម្លាំងជម្រុញចិត្តអ្នកឱ្យធ្វើវា? តើអ្នកចង់មានអ្វីនៅពេលអនាគត? នេះជាសំណួរខ្លះៗ ដាស់ចិត្តអ្នកកុំឱ្យខ្ចិលងើបទៅធ្វើការនៅពេលព្រឹក។
តាមសៀវភៅ លំហូរចិត្ត ដដែលបានបន្ថែមថា ខួរក្បាលរបស់មនុស្សយើងអាចធ្វើការមានថាមពលនៅពេលព្រឹក ចាប់ពីម៉ោង៨ ជាពេលខួរក្បាលផលិតគំនិតច្នៃប្រតិដ្ឋបានល្អបំផុត។ លុះដល់នៅម៉ោង១២ ថ្ងៃត្រង់ ខួរក្បាលចាប់ផ្តើមធ្លាក់រហូតដល់ម៉ោង ៤ ជាពេលខួរក្បាលត្រូវការសម្រាក ប៉ុន្តែមនុស្សស្រ្តេស ស្មុគស្មាញ និងតានតឹងអារម្មណ៍ខ្លាំង មកពីបង្ខំខួរក្បាលធ្វើការខ្លាំងនៅម៉ោង៤ ឬម៉ោង៥ ល្ងាចនេះឯង៕ អត្ថបទដោយ៖ ទ្រ សុភាព