១. ជំងឺបេះដូង៖ ស្ត្រេសអាចធ្វើឱ្យអត្រាបេះដូង និងលំហូរឈាមកើនឡើង ហើយបង្កឱ្យរាងកាយបញ្ចេញកូលេស្តេរ៉ុល និងទ្រីគ្លីសេរីតចូលក្នុងឈាម។ ទាំងនេះជាហានិភ័យនាំឱ្យមានជំងឺលើសឈាម និងជំងឺបេះដូង។ វេជ្ជបណ្ឌិតក៏បានរកឃើញថា ភាពតានតឹងអាចជាកត្តាបង្កឱ្យមានការគាំងបេះដូងបានដែរ។ ដូច្នេះអ្នកដែលមានបញ្ហាបេះដូងរ៉ាំរ៉ៃ ត្រូវប្រុងប្រយ័ត្នជៀសវាងស្ថានភាពស្ត្រេសខ្លាំង និងរៀនរកវិធីគ្រប់គ្រងអារម្មណ៍ខ្លួនឯងប្រចាំថ្ងៃឱ្យបានល្អ។ 

២. ជំងឺបាក់ទឹកចិត្ត និងការថប់បារម្ភ៖ វាមិនមែនជារឿងចម្លែកទេដែលបញ្ហាស្ត្រេសធ្វើឱ្យកើតទៅជាជំងឺបាក់ទឹកចិត្ត និងជំងឺថប់បារម្ភ។ តាមរយៈការសិក្សាមួយបានបង្ហាញថា អ្នកដែលមានស្ត្រេសច្រើនក្នុងការងារ មានហានិភ័យខ្ពស់ជាង 80% នៃការវិវត្តទៅជាជំងឺបាក់ទឹកចិត្ត បើប្រៀបធៀបនឹងអ្នកដែលមានស្ត្រេសទាប។ ការសិក្សាថ្មីនេះបង្ហាញថា សុខភាពផ្លូវចិត្តរបស់យើងពិតជាទាក់ទងជិតស្និទ្ធជាមួយភាពស្ត្រេស ដូច្នេះបើយើងមិនអាចគ្រប់គ្រងភាពស្ត្រេសរបស់យើងឱ្យបានល្អទេ ផ្លូវចិត្តរបស់យើងគឺងាយរងនូវការប៉ះពាល់ខ្លាំងបំផុត។ 

៣. ជំងឺភ្លេចភ្លាំង៖ ការស្រាវជ្រាវបានបង្ហាញថា បញ្ហាស្ត្រេសខ្លាំងអាចធ្វើឱ្យជំងឺភ្លេចភ្លាំងកាន់តែអាក្រក់ជាងមុន ដោយបង្កឱ្យដំបៅខួរក្បាលកើតឡើងលឿន។ ទោះបីជាមិនទាន់មានការបញ្ជាក់ច្បាស់លាស់ក៏ដោយ ក៏អ្នកវិទ្យាសាស្ត្រអះអាងថា ការកាត់បន្ថយស្ត្រេសអាចជួយពន្យារពេលការវិវត្តនៃជំងឺនេះបាន។

៤. ពន្លឿនភាពចាស់៖ មិនត្រឹមតែប៉ះពាល់ដល់ជំងឺទេ ស្ត្រេសក៏អាចធ្វើឱ្យរាងកាយយើងចាស់លឿនខុសពីធម្មតាដែរ។ វាជារឿងដែលមិនអាចប្រកែកព្រោះវាធ្លាប់កើតទៅលើមនុស្សជាច្រើនរួចមកហើយ នៅពេលណាមានស្ត្រេសខ្លាំង វាប្រាកដណាស់ថាយើងនឹងគ្មានអារម្មណ៍ដើម្បីមើលថែខ្លួនឯងនោះទេ ។ ខណៈដែលអ្នកស្រាវជ្រាវបានរកឃើញថានៅពេលអ្នកដែលមានស្ត្រេសខ្លាំង ធ្វើឱ្យតំបន់អូម៉ូសូមមានឥទ្ធិពលដល់ការពន្លឿននៃភាពចាស់។ នេះបញ្ជាក់ថា ភាពស្ត្រេសគឺជាកត្តាបង្កើនល្បឿននៃភាពចាស់ វាអាចធ្វើឱ្យចាស់លើសពីអាយុអាចជា ៩ ទៅ ១៧ ឆ្នាំ៕

អត្ថបទដោយ៖ សារួ