ពេលមនុស្សគេងមិនគ្រប់មានបញ្ហាអ្វីខ្លះសម្រាប់សុខភាព? នេះជាសំណួរមួយអ្នកគួរគិតដើម្បីឱ្យកែទម្លាប់ឆាប់គេងលក់ឡើងវិញ។ ហើយអ្នកគេងមិនគ្រប់គ្រាន់ធ្វើឱ្យមានការប្រឆាំងសុខភាពនាំឱ្យកើតជំងឺទឹកនោមផ្អែម ជំងឺលើសឈាម និងធ្វើឱ្យប៉ះពាល់ដល់អរម៉ូនអាំងស៊ូលីន ជាអម៉ូនជួយរក្សាលំនឹងជាតិស្ករក្នុងរាងកាយផងដែរ។ តាមលោក Shawn Stevenson ជាអ្នកនិពន្ធដ៏ល្បីល្បាញខាងគេងឱ្យបានល្អបានលើកឡើងថា អ្នកគួរធ្វើបែបណាដើម្បីគេងលក់?
នៅក្នុងរាងកាយរបស់យើងមានអរម៉ូនម្យ៉ាង ជាអ្នកកំណត់ការគេង និងការភ្ញាក់ពីគេងរបស់មនុស្សម្នាក់ៗ គឺអរម៉ូនមេឡាតូនីន (Melatonin) ដែលវាបញ្ចេញសារធាតុក្រពេញទៅកាន់ខួរក្បាល ដើម្បីឱ្យមនុស្សគេងលក់បានល្អ។ រឿងទីមួយអ្នកគួរធ្វើគឺថា អ្នកត្រូវក្រោកពីគេងពេលព្រឹក ដើម្បីស្រូបយកពន្លឺព្រះអាទិព្យចាប់ពីម៉ោង ៦ ដល់ ៨. ៣០ នាទី ដើម្បីឱ្យអរម៉ូនមេឡាតូនីនបានបញ្ចេញកាន់តែច្រើននៅពេលយប់ វាធ្វើយើងគេងលក់ស្រួល។ សម្រាប់ជនជាតិជប៉ុនតែងធ្វើលំហាត់ប្រាណពេលព្រឹក និងធ្វើការនៅចម្ការនៅពេលព្រឹក ដើម្បីស្រូបពន្លឺព្រះអាទិត្យបានល្អ ហើយពេលយប់ គឺពួកគេឆាប់ចូលគេង ដើម្បីឱ្យដំណើរអរម៉ូនមេឡាតូនីន ផលិតកសាងសុខភាពរាងកាយ និងផ្លូវចិត្តមានថាមពលផងដែរ។
សម្រាប់រឿងទីពីរ បើអ្នកចង់ចូលគេងឱ្យលក់ស្រួល អ្នកគួរអានសៀវភៅចំនួន ៣០ នាទីជាមុន ដើម្បីសម្រួលអារម្មណ៍ឱ្យបានល្អ មុនចូលគេង។ ខ្ញុំនិយាយនេះ មិនមែនជាការអានសៀវភៅតាមទូរសព្ទ និងមើលទូរសព្ទមុនចូលគេងទេ វាធ្វើឱ្យពន្លឺទូរសព្ទជះចូលកែវភ្នែករបស់អ្នក ហើយវាក៏បញ្ជូនដល់ផ្លូវអារម្មណ៍។ ខ្ញុំគួរអានសៀវភៅបែបក្រដាស និងធ្វើសមាធិជាដើម។
ចំណែករឿងទី៤ ការទទួលភេសជ្ជៈមានជាតិកាហ្វេអ៊ីនដូចជា ភេសជ្ជៈកំប៉ុង តែបៃតង កាហ្វេ និងគ្រឿងស្រវឹង ជិតចូលគេងវាអាចនឹងធ្វើឱ្យរំខានដល់ដំណេកដូចគ្នា។ ចូរអ្នកកុំផឹកគ្រឿងស្រវឹង និងកាហ្វេអ៊ីន ទើបអ្នកគេងលក់ស្រួល។ ហើយចុងក្រោយ នៅក្នុងបន្ទប់គេងរបស់អ្នកគួរមានសីតុណ្ហភាពត្រជាក់ ងងឹត ស្ងប់ស្ងាត់ និងជាបន្ទប់ដែលរៀបចំបានស្អាតមានរបៀបរៀបរយ អាចជះផលល្អជួយអនុញ្ញាតឱ្យរាងកាយ និងខួរក្បាលសម្រាកបានលឿន កាត់បន្ថយបញ្ហាតានតឹងអំឡុងពេលមុនចូលគេង៕ អត្ថបទដោយ៖ ទ្រ សុភាព