នេះជាឱកាសល្អសម្រាប់សិស្សនិស្សិតដែលមានសមត្ថភាពពូកែហើយមានបំណងចង់ធ្វើជាគ្រូ គួរតែត្រៀមខ្លួនដាក់ពាក្យប្រឡងធ្វើជាគ្រូបង្រៀនជាប់កិច្ចសន្យា។ តាមអប់រំ យុវជន និងកីឡាខេត្តតាកែវបានចុះផ្សាយថា សំណើសុំចំនួនបន្ថែម ១៧២នាក់ សម្រាប់ប្រើប្រាស់ជាគ្រូបង្រៀនជាប់កិច្ចសន្យាចំណេះទូទៅ ជំនួសគ្រូបង្រៀនចូលនិវត្តន៍ និងមរណៈភាពក្នុងឆ្នាំសិក្សា២០២៥-២០២៦ នៅខេត្តតាកែវ។
តាមសេចក្តីដូចមានចែងក្នុងកម្មវត្ថុ សូមជម្រាបជូន ឯកឧត្តម បណ្ឌិតសភាចារ្យឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា មេត្តាជ្រាបថា៖ ឆ្នាំសិក្សា២០២៤-២០២៥ នៅតាមគ្រឹះស្ថានបឋមសិក្សាសាធារណៈ ខ្វះគ្រូបង្រៀនសរុបចំនួន ១ ១១៨នាក់ ដើម្បីដោះស្រាយបញ្ហានេះ មន្ទីរអប់រំ យុវជន និងកីឡាខេត្ត បានប្រើប្រាស់គ្រូបង្រៀន ២ថ្នាក់២ពេល ចំនួន ៦២៩នាក់ គ្រូបង្រៀនថ្នាក់គួប២កម្រិតចំនួន ៩៣នាក់ និងគ្រូបង្រៀនជាប់កិច្ចសន្យាចំណេះទូទៅ ចំនួន ៣៩៦នាក់។
បន្ទាប់ពីការធ្វើបច្ចុប្បន្នភាពស្ថិតិសិស្ស ថ្នាក់ បុគ្គលិក នៅឆ្នាំសិក្សា២០២៥-២០២៦នេះ គ្រឹះស្ថានបឋមសិក្សាសាធារណៈមួយចំនួនមានកំណើនសិស្ស ធ្វើឱ្យមានការកើនថ្នាក់បុគ្គលិកអប់រំមួយចំនួន បានទទួលមរណៈភាព និងចូលនិវត្តន៍ធ្វើឱ្យខ្វះគ្រូបង្រៀនបន្ថែមចំនួន ១៧២នាក់ (តារាងឧបសម្ព័ន្ធជូនភ្ជាប់) លើចំនួនដែលបានប្រើប្រាស់នៅឆ្នាំសិក្សាចាស់២០២៤-២០២៥។
