ភាគច្រើននៃបុគ្គលកំពុងប្រឈមបញ្ហាក្នុងជីវិតតែង ស្រ្តេស តានតឹងផ្លូវចិត្ត គិតច្រើន ឥតដែនកំណត់ ពីមួយថ្ងៃទៅមួយថ្ងៃកាន់តែយ៉ាប់ទៅៗបន្តិចម្ដងៗ។យ៉ាងណាក្ដីគឺមិនគួរបណ្ដោយខ្លួនឱ្យនៅតែបែបនេះឡើយ ពោលគឺត្រូវបង្កើតទម្លាប់មកជំនួយដើម្បីកាត់បន្ថយបញ្ហាស្រ្តេសកំពុងប្រឈមនេះ បើពុំនោះទេផ្លូវចិត្តកាន់តែដុនដាបធ្លាក់ដល់ជំងឺផ្លូវចិត្តក៏ថាបាន។

តាមការឱ្យដឹងពីគេហទំព័រសុខភាពHeart.orgបានបង្ហាញនូវទម្លាប់១០ចំណុចដែលជាថ្នាំមានប្រសិទ្ធភាពជួយឱ្យអារម្មណ៍អ្នកស្រ្តេសតិចជាងមុន៖

១.មានផែកការច្បាស់លាស់លើការធ្វើការងារដែលចាំបាច់ ហើយបញ្ចប់ការងារដែលចាំបាច់នោះមុនគេ ដើម្បីកុំឱ្យបន្តមានភាពស្មុគស្មាញ។

២.គេងឱ្យបានពី៧ទៅ៩ម៉ោងជារៀងរាល់យប់ ដើម្បីចៀសផុតពីបញ្ហានៃការគេងមិនល្អ ហើយជួយឱ្យខួរក្បាលអ្នកស្រលះល្អមានថាមពលពេញលេញ។

៣.កុំអោបទុកភាពភ័យខ្លាចជាប់ខ្លួន ត្រូវអនុញាតិឱ្យភាពភ័យខ្លាចនោះចេញទៅខ្លះ ព្រោះការបារម្ភភ័យខ្លាចច្រើនអាចធ្វើឱ្យអារម្មណ៍អ្នកកាន់តែធ្លាក់ចុះ។ហើយត្រូវចាំថារឿងដែលបរាជ័យឬបាត់បង់២ឬ៣នោះ មិនអាចធ្វើឱ្យជីវិតអ្នកអស់ផ្លូវដើរទេ ហេតុនេះត្រូវបន្តក្ដីសង្ឃឹមទៅមុខ។

៤.សើចឱ្យច្រើនៗអស់ពីពោះ ជាមួយសម្លេងសើចខ្លាំងៗមិនថាអ្នកនៅម្នាក់ឯងក្ដី ព្រោះការសើចអាចជួយជំរុញអរម៉ូនល្អឱ្យកើនឡើង កាត់បន្ថយស្រ្តេសបានយ៉ាងល្អ។

៥.បន្តរក្សាទំនាក់ទំនងជាមួយមិត្ត ឬគ្រួសារ ឬនរណាម្នាក់ដែលធ្វើឱ្យអ្នករីករាយ។ការបន្តរក្សាទំនាក់ទំនងល្អបែបនេះ ចិត្តគំនិតអារម្មណ៍របស់អ្នកនឹងមានភាពប្រសើរឡើង។

៦.កត់ត្រាអ្វីដែលអ្នកត្រូវធ្វើថ្ងៃនេះឱ្យអស់ចូលក្នុងក្រដាស់មួយ ហើយធ្វើរឿងដែលសំខាន់មុនហើយធ្វើវាម្ដងមួយៗរហូតទាល់តែអស់។

៧.ផ្ដល់ការជួយត្រឡប់ទៅវិញមិនជួយសង្គម ជួយមិត្តភក្តិឬមិត្តរួមការងារជាដើម។ការជួយអ្នកដទៃមិនថាជារឿងតូចឬធំ ធ្វើឱ្យអ្នកសប្បាយរីករាយជាងមុនបានយ៉ាងមានប្រសិទ្ធភាព។

៨.មានសកម្មភាពជារៀងរាល់ថ្ងៃ ពិសេសគឺការហាត់ប្រាណ។ អ្នកអាចជ្រើសរបៀបហាត់ប្រាណណាមួយដែលធ្វើឱ្យអ្នកសប្បាយហើយមានអារម្មណ៍ល្អ ហើយបន្តធ្វើវាជាប្រចាំព្រោះបញ្ហាស្រ្តេសរបស់អ្នកនឹងទៅតាមញើសដែលអ្នកបញ្ចេញមក ។

៩.កាត់ចោលទម្លាប់មិនល្អជាប់ខ្លួន ពិសេសការទទួលទានស្រា បារី និងភេសជ្ជៈដែលមានកាហ្វេអីនខ្ពស់ពេក។ ព្រោះវាអាចនាំជំងឺចូលរាងកាយបន្ថែមបានរួមទាំងជំងឺបេះដូង ហើយបញ្ហាស្រ្តេសអ្នកនឹងរឹតតែកើនដោយមិនដឹងខ្លួន។

១០.ចំណាយពេលខ្លីៗខ្លះដើម្បីរៀនអ្វីដែលថ្មីហើយជួយឱ្យសមត្ថភាពអ្នកកាន់តែកើន ដើម្បីសម្រេចក្ដីស្រមាំរបស់អ្នក និងជួយមនុស្សក្បែរខ្លួនបានទៀត។ធ្វើបែបនេះបានអ្នកនឹងក្លាយជាមនុស្សពូកែ ហើយរីករាយជាងមុនជាមិនខាន។

អត្ថបទដោយ៖ ភោគ ម៉ារី