យោងតាមរយៈគេហទំព័រ livescience-com. បានចុះផ្សាយ កាលពីថ្ងៃទី១២ ខែ ធ្នូ ឆ្នាំ២០២៣នះ មានករណីទី១លើលោក ​មានបុរសម្នាក់បានព្យាយាមខ្ទប់កណ្ដាស់របស់គាត់ រហូត​មានការរហែកត្រង់បំពង់ខ្យល់ ត្រូវទទួលការព្យាបាល។

ប្រភពដដែលបានបន្ថែមឱ្យដឹងថា នៅពេលបើកបររថយន្ដ​ របស់ម្នាក់នេះគាត់មានអារម្មណ៍ចង់កណ្ដាស់យ៉ាងខ្លាំង តែគាត់ព្យាយាមទប់ ដោយយកដៃបិទមាត់របស់គាត់ និងបិទមាត់។ តាមការបកស្រាយបានឱ្យដឹង វាពិតជាគ្រោះថ្នាក់ណាស់ប្រសិនណាចង់កណ្ដាស់ហើយយើងព្យាយាមទប់ ដោយយកដៃបិទ ឬក៏បិទមាត់បែបនេះ ព្រោះអាចនាំឱ្យ សម្ពាធខ្យល់នៅផ្លូវដង្ហើម កើនឡើងលើសគុណនឹង២០ដង។ ចំពោះ ករណីរបស់បុរសម្នាក់ខាងលើ​ គឺមានសម្ពាធខ្លាំងណាស់ ជាហេតុនាំឱ្យគាត់រហែក បំពង់ខ្យល់   0.08 inch x 0.08 inch (2 x 2 millimeter)បន្ទាប់ពីគ្រូពេទ្យបានថតកាំរស្មីអ៊ិច ។ បន្ទាប់មកគ្រូពេទ្យក៏តម្រូវឱ្យទទួលការព្យាបាលនៅមន្ទីរពេទ្យចំនួន២ថ្ងៃ តែមិនមានការវះកាត់នោះទេ។

គូសបញ្ជាក់ឱ្យដឹងបុរសខាងលើមិនមានគ្រោះថ្នាក់ដល់អាយុជីវិតរបស់គាត់នោះទេ គ្រាន់តែគាត់មានអាការ ហើមបំពង់កសងខាង មានការឈឺចាប់ ត្រូវសម្រាកនៅមន្ទីរពេទ្យ២ថ្ងៃបន្ទាប់ពីរមានបញ្ហារហែកបំពង់ខ្យល់ ហើយក្រុមគ្រូពេទ្យបានហាមកុំឱ្យគាត់ធ្វើការធ្ងន់ៗចំនួន២សប្ដាហ៍ ហើយគាត់ក៏មិនមានបញ្ហាដង្ហើមអ្វីដែរ ។ គ្រូពេទ្យបានបន្ថែមថា ករណីរហែកបំពង់ខ្យល់ក៏មានករណីស្លាប់ដែរគ្រាន់តែកម្រ ហើយបានណែនាំកុំឱ្យធ្វើសកម្មភាពដូចបុរសខាងលើប្រសិនណាអ្នកចង់កណ្ដាស់ កណ្ដាស់ចេញមក ដើម្បីចៀសវាងជួយគ្រោះថ្នាក់ដូចបុរសខាងលើនេះ៕