យោងតាមរយៈវេជ្ជបណ្ឌិត Pratik Tibdewal ឯកទេសក្រពះពោះវៀន មន្ទីរពេទ្យ Wockhardt, Mira Road នៅប្រទេសឥណ្ឌា បានចែករំលែកពីវិធីខ្លះៗដើម្បីអាចជួយកាត់បន្ថយនិងការពារការច្រាលជាតិអាស៊ីត និងបង្ការកុំឱ្យឧស្ម័នក្នុងពោះវៀនកើនឡើង អាចអនុវត្តក្នុងការរស់នៅប្រចាំថ្ងៃបានដូចខាងក្រោម
១ មានទម្លាប់ផឹកតែក្ដៅៗ៖ ភេសជ្ជៈមិនមានជាតិកាបូន ដូចជាពពួកតែខ្ញី តែផ្កាឆាម៉ូមែល អាចជួយបន្ថយជាតិអាស៊ីតក្នុងក្រពះបាន។
២ ញ៉ាំអាហារស្រាល៖ អាហារស្រាលឬអាចនិយាយថាអាហារដែលងាយរំលាយឱ្យបានច្រើន ដើម្បីជួយសម្រួលដល់ការរំលាយអាហារបាន ដូចជាពពួកអាហារសម្បូរបន្លែ ផ្លែឈើ ពពួកសណ្ដែក គ្រប់ធញ្ញជាតិ មានជាតិកាកសរសៃ។ សម្រាប់របៀបញ៉ាំអាហារវេជ្ជបណ្ឌិត ណែនាំឱ្យព្យាយាមទំពារអាហារឱ្យបានម៉ត់ល្អ ជាផ្នែកមួយជួយសម្រាលដល់ប្រព័ន្ធរំលាយអាហារផងដែរ។
លើសពីនេះបើយោងតាមរយៈគេហទំព័រ stylecraze.com ក៏បានសិក្សារកឃើញថា មើមត្រាវក៏មានប្រយោជន៍ជួយដល់សុខភាពរបស់ក្រពះរួមទាំងសុខភាពផ្នែកផ្សេងៗទៀតផងដែរ។ មើមត្រាវមានប្រយោជន៍ជួយសម្អាតក្រពះពោះវៀន ក៏ព្រោះវាសម្បូរដោយជាតិសរសៃជាច្រើន ដែលមានប្រយោជន៍ជួយឱ្យប្រព័ន្ធរំលាយអាហារល្អ ការពារការទល់ទាមកក្នុងពោះយុរថ្ងៃ ជាហេតុនាំឱ្យក្រពះមានសសុខភាពល្អ។ ក្រៅពីនេះ មើមត្រាវក៏មានប្រយោជន៍ជួយដល់សុខភាពបេះដូង ការពារជំងឺបេះដូង ស្ទះសរសៃឈាមបេះដូងឡើងមកផងដែរ ក៏ព្រោះតែមើមត្រាវសម្បូរដោយវីតាមីន អឺដែលជួយការពារជំងឺបេះដួង។ បន្ថែមលើសពីនេះទៀត មើមត្រាវក៏មានប្រយោជន៍ជួយកាត់បន្ថយភាពចាស់ ក៏ព្រោះមើមត្រាវសម្បូរដោយវីតាមីន សារធាតុប្រឆាំងអុកស៊ីតកម្ម មានប្រយោជន៍ក្នុងការការពារប្រឆាំងនឹងជំងឺនិង បន្ថយដំណើរការនៃភាពចាស់ នេះក៏មានផ្ទុកនូវប្រូតេអ៊ីន និងគ្មានជាតិស្ករ គ្មានកូលេស្តេរ៉ុល និងសូដ្យូមទាបផងដែរ។
អត្ថបទដោយ៖ ប៉ែត ធីតា