ហូបអាហារតិច តែហូបច្រើនម្តងគិតថា ហូបបែបនេះស្រកគីឡី។ នេះជាការគិតខុសហើយ ការហូបរបស់អ្នកតិចមែន រាងកាយរបស់អ្នកស្រូបជាតិពីអាហារដែលអ្នកហូបបានច្រើនបំផុត។ ពេលអ្នកហូបអាហារតិច ២០%ចុះ រាងកាយអ្នកស្រូប២០%។ មួយម៉ោងក្រោយមកទៀត ហូបអាហារ ២០% រាងកាយស្រូបជាតិពីអាហារហ្នឹង ២០%។ ការហូបច្រើនម្តង ហូបតិចៗបែបនេះ សម្រាប់អ្នកចង់ឡើងគីឡូទេ។ ចំណែកអ្នកចង់សម្រកគីឡូអាចហូបអាហារបីពេល ឬពីរពេលតាមកាលវិភាគ មិនមែនហូបតាមអារម្មណ៍ទេ។ ពេលអ្នកហូបឆ្អែត ១០០% រាងកាយអ្នកទទួលសារធាតុចិញ្ចឹម ៦០%ទេ រយៈពេល៤ឬ៥ម៉ោងក្រោយមក រាងកាយរបស់អ្នកប្រើប្រាស់អាហារហ្នឹងទៅជាថាមពលអស់ ហើយរាងកាយក៏ស្រូបជាតិខ្លាញ់នៅក្នុងខ្លួនអ្នកមកប្រើបន្ថែម ឱ្យអ្នកស្រកគីឡូ។

បើយោងតាមអ្នកឱកញ៉ា វេជ្ជបណ្ឌិត គួចម៉េងលី បានចែករំលែកពីការទាក់ទងនិងបញ្ហាអ្នកធាត់ចង់ស្គម តែគីឡូពីមួយថ្ងៃទៅមួយថ្ងៃមិនស្រកទាល់តែសោះគឺថា ម៉ោងត្រូវញុំាអាហារ អ្នកមួយចំនួនធំប្រាកដជាញុំាមិនទៀតឡើយ ដោយសាររវល់ការងារ និងមុខរបរ។ ដូចជាអ្នកខ្លះអាហារពេលព្រឹកម៉ោង១០ គាត់ញ៉ាំម៉ោង២ល្ងាច។ អាហារញ៉ាំម៉ោង ៧ យប់ គាត់ញ៉ាំអាហារម៉ោង១០យប់។ កត្តាញុំាអាហារមិនទៀតនេះហើយទើបបណ្ដាលឱ្យប៉ះពាល់ដល់ប្រព័ន្ធរំលាយអាហារ។ មួយវិញទៀតធ្វើឱ្យអ្នកឃ្លានខ្លាំង កាលណាឃ្លានខ្លាំងធ្វើឱ្យអ្នកញុំាច្រើន នោះគីឡូក៏ឡើងទៅតាមនិងដូចគ្នា ដូច្នេះអ្នកត្រូវព្យាយាមយ៉ាងណាញុំាអាហារឱ្យទៀតទាត់ ព្រោះល្អសម្រាប់ក្រពះដូចគ្នា។

យោងយាមគេហទំព័រសុខភាព Yourtango បានចុះផ្សាយថា មូលហេតុធាត់មួយទៀត ហាត់ប្រាណតិច ជាមូលហេតុធ្វើឱ្យអ្នកមិនអាចសម្រកជាតិខ្លាញ់ក្បាលពោះបានទេ។ ដូចជាអ្នករត់ និងដើរ វាស្រកទាំងខ្លាញ់ និងសាច់របស់អ្នក។ តាមលោកគ្រូ សំបូរ នន់ ជាអ្នកកាយវប្បកម្មអាជីកបាននិយាយថា “គ្រប់លំហាត់ប្រាណជួយឱ្យយើងមានសុខភាពល្អ តែវាមានភាពខុសប្លែកគ្នាចំពោះរាងកាយ សម្រាប់អ្នករត់ម៉ាស៊ីន និងហាត់ស្រាលៗ ដើរ រត់តិចៗ វាធ្វើរាងកាយបញ្ចុះជាតិខ្លាញ់តិច ហើយសាច់ក៏បញ្ចុះតាមហ្នឹងដែរ។ អ្នកគួរហាត់ប្រាណ ៣០នាទីឱ្យបែកញើស និងតមអាហារជាតិខ្លាញ់ ជាតិផ្អែមចេញ ទើបអ្នកស្រកគីឡូបានសម្រេច៕ អត្ថបទដោយ៖ ទ្រ សុភាព