យោងតាមការបញ្ជាក់លើកទំព័រហ្វេសប៊ុកនិស្សិតស្ត្រីទាំង២ ពួកគេទើបបានបញ្ចប់ការសិក្សាពេលដំណាលគ្នា នៅចុងខែឧសភា ឆ្នាំ២០២៥ នេះ នៅសាលាដ៏ល្បីល្បាញលំដាប់ពិភពលោក គឺសាលា Harvard ដែលពួកគេទាំង២បញ្ចប់ការសិក្សាដោយជោគជ័យលើជំនាញអប់រំ តែឯកទេសផ្សេងគ្នា។
សម្រាប់និស្សិតស្ត្រីទី១ កញ្ញា សេង រ័ត្នសេដ្ឋាមុនី ធ្លាប់បានបញ្ចប់ការសិក្សាថ្នាក់អនុបណ្ឌិតមួយរួចទៅហើយនៅសកលវិទ្យាល័យNorthern Illinois University មុនបញ្ចប់ការសិក្សាថ្នាក់អនុបណ្ឌិតនៅ Harvard ជំនាញអប់រំ នៅឆ្នាំ២០២៥។
ចំណែកនិស្សិតទី២ កញ្ញា តាន់ សម្ផស្ស ខំប្រឹងរហូត មានឱកាសទទួលបានអាហារូបករណ៍សិក្សានៅសាកលវិទ្យាល័យលំដាប់ពិភពលោក Harvard ជំនាញអប់រំ ក្រោយសិស្សឆ្នើមរូបនេះបានបញ្ចប់ការសិក្សាថ្នាក់បរិញ្ញាបត្រនៅសហរដ្ឋអាមេរិក Kenyon College ហើយបានបញ្ចប់ដោយជោគជ័យនៅឆ្នាំ២០២៥នេះផងដែរ។
ពិតជាមានមោកទភាពណាស់ ដែលមាននិស្សិតជាស្ត្រីខ្មែរមានសមត្ថភាពខ្ពស់អាចបញ្ចប់ការសិក្សានៅសាលាដ៏ល្បីនេះ ហើយអាចប្រកួតប្រជែងយកអាហារូបករណ៍នៅសាកលវិទ្យាល័យកំពូលមួយនេះ។
យើងសង្ឃឹមថា ធនធានដ៏ពូកែនេះ នឹងចូលរួមចំណែកកសាងជាតិមាតុភូមខ្មែរយើងឲ្យកាន់តែរីកចម្រើន។
ជូនពរឲ្យអ្នកទាំង២ទទួលជោគជ័យក្នុងការសិក្សា និងខិតខំប្រឹងប្រែងបន្តទៀត។
ប្រភពរូបភាពពីហ្វេសប៊ុកនិស្សិតទាំង២៖ Somphors Tann ,SENG Rothsethamony - សេង រ័ត្នសេដ្ឋាមុនី
