ជឿថាត្រង់ចំណុចនេះមានគូស្វាមីភរិយាភាគតិចណាស់ដែលបានគិតគូរ ពីព្រោះគូស្វាមីភរិយាខ្លះមានកូនដោយមិនបានប្រៀងទុកផង មានកូនទាំងមិនដឹងខ្លួន មិនបានត្រៀមសុខភាព មិនបានត្រៀមលក្ខណៈធ្វើជាម្តាយជាឪពុករបស់គេ នេះជាមូលហេតុដែលនាំឱ្យទារកដែលក៏សុខភាពមិនល្អ មានជំងឺច្រើនទៅតាមនោះដែរ។

ជាការពិតណាស់យោងតាមការឱ្យដឹងពីគេហទំព័រ indiatimes បានបញ្ជាក់ថា ជារៀងរាល់ឆ្នាំមានទារកប្រមាណជា ១.៣៥លាននាក់ដែលកើតមកជាមួយនិងជំងឺបេះដូងទាំងពីដំណើត ក៏ព្រោះតែហ្សែនដែលបានមកពីឪពុកម្តាយ។ ពីព្រោះឪពុកម្តាយមួយចំនួនធំមិនបានត្រៀមសុខភាពក្នុងការយកកូន ជាពិសេសគឺភាគីបុរសដែលត្រូវជាឪពុកគឺបានផឹកស្រាក្នុងអំឡុងពេលដែលយកកូន។

ការស្រាវជ្រាវបានរកឃើញថា បុរសដែលផឹកស្រាជាប្រចាំ៣ខែមុនពេលបង្កកំណើតបង្កើនហានិភ័យនៃជំងឺបេះដូង ៤៤% ដល់កូនដែលកើតមក។ ជាក់ស្តែង គូស្វាមីភរិយាត្រៀមយកកូន ភាគីខាងបុរសគួរបញ្ឈប់ការទទួលទានគ្រឿងស្រវឹងយ៉ាងហោចណាស់ប្រាំមួយខែមុនពេលបង្កកំណើត ខណៈដែលស្ត្រីគួរតែបញ្ឈប់ការទទួលទានគ្រឿងស្រវឹងយ៉ាងហោចណាស់១ឆ្នាំមុន ដើម្បីជៀសវាងបញ្ចៀសកូនដែលនឹងកើតមកកុំឱ្យកើតជំងឺបេះដូង។

អ្នកស្រាវជ្រាវបាននិយាយថា ជាតិអាល់កុល ផ្ទុកសារធាតុ teratogen ដែលបណ្តាលឱ្យខូចទ្រង់ទ្រាយនៃអំប្រ៊ីយ៉ុង ហើយត្រូវបានផ្សារភ្ជាប់ជាមួយនឹងជំងឺវិសាលគមអាល់កុលរបស់ទារក (FASD) ។ តាមរយៈការសិក្សាស្រាវជ្រាវបានរកឃើញថា ទារក១នាក់ក្នុងចំណោមទារក ៤នាក់ដែល មានផ្ទុកជំងឺ FASD (ខូចជំងឺបេះដូងពីកំណើត) ព្រោះឪពុកម្តាយបានពាក់ព័ន្ធជាមួយគ្រឿងស្រវឹងក្នុងអំឡុងពេលយកកូន(រួមភេទ)។

សរុបមកវិញជាជម្រើសល្អបំផុតសម្រាប់កូនដែលកើតមក គឺឪពុកម្តាយគ្រប់រូបគួរឈប់ផឹកស្រាមុនពេលបង្កកំណើត៦ខែទៅ១ឆ្នាំ។ មានន័យថា ប្រសិនជាឆ្នាំនឹងអ្នកមានគម្រោងយកកូន ទី១ អ្នកត្រូវថែទាំសុខភាពឱ្យរឹងមាំ ទាំងបុរសនិងស្រី។ ទី២ ត្រូវបញ្ឃប់ការទទួលទានគ្រឿងមួយឆ្នាំនេះពេញ ដើម្បីកូនមានសុខភាពល្អ៕

អត្ថបទដោយ៖ មឿន គន្ធា