គូស្វាមីភរិយាជាច្រើនបានជួយប្រទះបញ្ហាគ្មានកូនដោយសារតែកត្តាជាច្រើន។ តាមលោកវេជ្ជបណ្ឌិត Nguyen Cong Minh ជាអ្នកជំនាញប្រដាប់បន្តពូជបានលើកឡើងថា អ្នកមានជំងឺសរសៃឈាមបេះដូង និងភាពគ្មានកូនជាក្រុមជំងឺដែលមានការទាក់ទងគ្នាទៅវិញទៅមក។ បេះដូងជាអ្នកផ្គត់ផ្គង់ឈាមទៅកាន់សរីរាង្គសំខាន់ៗដូចជាខួរក្បាល និងគ្រប់ផ្នែកនៃរាងកាយរហូតមានលំហូរឈាមទៅកាន់សរីរាង្គប្រដាប់បន្តពូជរបស់បុរស។ ៣សញ្ញានេះបុរសច្បាស់ជាគ្មានកូនប្រើនឹងគេនោះទេ។
១. ការងាប់លិង្គ និងជំងឺសរសៃឈាមបេះដូង៖ ការខូចមុខងារស្រទាប់កោសិកា endothelium (ស្រទាប់ខាងក្នុងនៃសរសៃឈាមនិងសរសៃឈាមវ៉ែនប្រដាប់បន្តពូជ)។ សរសៃឈាមក្នុងលិង្គមានទំនាក់ទំនងជាមួយសរសៃឈាមបេះដូង។ វេជ្ជបណ្ឌិត Minh លើកឡើងថា ការប្រមូលផ្តុំបន្ទះ (atherosclerosis) ជាតិខ្លាញ់ច្រើននាំឱ្យស្ទុះដល់សរសៃឈាម ហើយលែងហូរឈាមទៅកាន់ប្រដាប់បន្តពូជបុរសនាំឱ្យងាប់លិង្គ ឬមេជីវិតខ្សោយណាស់។
២.អ័រម៉ូនតេស្តូស្តេរ៉ូនមានតួនាទីជួយរាងកាយរបស់បុរសក្នុងការផលិតស្ពែមឬមេជីវិត។ បើកម្រិតអ័រម៉ូនតេស្តូស្តេរ៉ូនទាបជាស្ថានភាពមួយនាំឱ្យរាងកាយបុរសមានបញ្ហាមេតាប៉ូលីសដូចជា dyslipidemia (កូលេស្តេរ៉ុលខ្ពស់ ទ្រីគ្លីសេរីតខ្ពស់) និងសម្ពាធឈាមខ្ពស់ជាកត្តាមានហានិភ័យចម្បងសម្រាប់សរសៃឈាមបេះដូងនិងប្រដាប់បន្តពូជ។ អ័រម៉ូនតេស្តូស្តេរ៉ូនដើរតួយ៉ាងសំខាន់ក្នុងសុខភាពបុរស ពេលបរិមាណស្ពែមបុរសតិច វាពិបាកមានកូនណាស់។
៣. មេជីវិតឈ្មោលខ្សោយអាចមកពីកត្តាហ្សែន ការរលាកជាប្រព័ន្ធ និងភាពតានតឹងអុកស៊ីតកម្មខ្ពស់នៅក្នុងរាងកាយ។ កត្តានេះអាចចូលរួមចំណែកដល់ការវិវត្តទៅជាជំងឺសរសៃឈាមបេះដូង។ កត្តាមួយនាំឱ្យមានមេជីវិតខ្សោយគឺកត្តាគេងមិនលក់។ វាអាចប៉ះពាល់ដល់បរិមាណនៃអ័រម៉ូនmelatonin ដែលមានតួនាទីជួយឲ្យយើងគេងលក់ស្រួល និងការពារមេជីវិត។ បើកង្វះអ័រម៉ូនមួយនេះធ្វើឱ្យគុណភាពមេជីវិតរបស់បុរសច្បាស់ជាខ្សោយហើយបង្កកំណើតគឺពិបាកមានកូនណាស់សម្រាប់បុរស៕ អត្ថបទដោយ៖ ទ្រ សុភាព