ក្រលៀនជាសរីរាង្គដ៏សំខាន់បំផុតមួយនៅក្នុងរាងកាយដែលទទួលខុសត្រូវក្នុងការលាងសម្អាតឈាមចេញពីជាតិពុល និងយកកាកសំណល់ចេញពីរាងកាយ។ ទម្លាប់អាក្រក់ ៧យ៉ាងបំផ្លាញ់ក្រលៀនរបស់អ្នកឱ្យខូចលឿន។
១. ទម្លាប់ហូបអាហារប្រៃអាចបង្កើនសម្ពាធឈាម។ ពេលសម្ពាធឈាមខ្ពស់ធ្វើឱ្យក្រលៀនធ្វើការកាន់តែខ្លាំងដែលអាចបំផ្លាញសរសៃឈាមតូចៗ នៅក្នុងតម្រងនោម។ ការខូចខាតនេះរារាំងក្រលៀនពីការសម្អាតឈាម។ អ្នកគួរហូបអាហារដែលមានប្រៃតិចដើម្បីសុខភាពក្រលៀនរបស់អ្នករឹងមាំ។
២. ក្រលៀនខ្វះជាតិទឹក៖ ជារៀងរាល់ថ្ងៃបើអ្នកមិនសូវបានជាផឹកទឹកច្រើនទេ ត្រូវកែប្រែទម្លាប់នេះចេញ ព្រោះទម្លាប់នេះគ្រោះថ្នាក់ខ្លាំងបំផុតដល់គ្រឿងក្នុងជាពិសេសគឺខូចក្រលៀនអត់ដឹងខ្លួនទេ។ មានមនុស្សជាច្រើនគ្រោះថ្នាក់ព្រោះតែចូលចិត្តផឹកភេសជ្ជៈផ្អែមៗ ជំនួសការផឹកទឹកធម្មតា។ ទង្វើបែបនេះនឹងធ្វើឱ្យសុខភាពក្រលៀនរបស់អ្នកកាន់តែទ្រុឌទ្រោមពីមួយថ្ងៃទៅមួយថ្ងៃ ឆាប់ធ្លាក់ខ្លួនឈឺជាក់ជាមិនខាន អ្នកគួរកែប្រែទម្លាប់នេះចេញទៅ។
៣. ការលេបថ្នាំច្រើនដើម្បីបំបាត់ការឈឺចាប់ជាប្រចាំថ្ងៃ ឬក្នុងបរិមាណច្រើនក្នុងពេលតែមួយអាចធ្វើឱ្យខូចក្រលៀនអត់ដឹងខ្លួនទេ។ ថ្នាំបំបាត់ការឈឺចាប់កាត់បន្ថយលំហូរឈាមទៅកាន់ក្រលៀន។ អ្នកជំងឺគួរតែធ្វើតាមការណែនាំរបស់គ្រូពេទ្យអំពីកម្រិតថ្នាំ និងជៀសវាងការប្រើថ្នាំដោយខ្លួនឯង បើមិនចង់ខូចក្រលៀនទេនោះ។
៤. ចូលចិត្តអាហារកែច្នៃដូចជាប្រហិត ចេកចៀនសម្បូរខ្លាញ់ សាច់ក្រក បឺហ្គឺ ដំឡូងបំពង នំឃេក និងស្ករគ្រាប់... វាជាអាហារសម្រន់ដែលបានវេចខ្ចប់ដែលមានជាតិអំបិល ស្ករ និងខ្លាញ់មិនល្អ។ សារធាតុផ្សំទាំងនេះបង្កើនហានិភ័យដល់ជំងឺលើសឈាម ធាត់លឿន និងជំងឺទឹកនោមផ្អែម ថែមទាំងនាំឱ្យខូចក្រលៀនមួយកម្រិតទៀត។
៥. អ្នកផឹកភេសជ្ជៈផ្អែម ផឹកស្រា ជក់បារីសុទ្ធតែគ្រោះថ្នាក់ដល់សុខភាពក្រលៀន និងជំងឺមហារីកថែមទៀត។ជាពិសេសជាតិអាល់កុលជាថ្នាំបញ្ចុះជាតិទឹកនោមនាំឱ្យរាងកាយខ្សោះជាតិទឹកហើយក្រលៀនចុះខ្សោយ។ បើអ្នកបន្តទម្លាប់បែបនេះយូរ ខូចក្រលៀនកាន់តែឆាប់។ យើងផឹកស្រវឹងក្នុងកម្រិតសមស្របទើបជាការប្រសើរជាង។
៦.បញ្ហាគ្មានលំហាត់ប្រាណអាចនាំឱ្យអ្នកប្រឈមនឹងជំងឺធាត់ជ្រុល កើតជំងឺទឹកនោមផ្អែម និងមានសម្ពាធឈាមខ្ពស់ដែលសុទ្ធតែប៉ះពាល់ដល់ក្រលៀនខ្លាំង។ ការធ្វើលំហាត់ប្រាណជាប្រចាំជួយលើកកម្ពស់សុខភាពសរសៃឈាមបេះដូង រក្សាទម្ងន់ខ្លួនបានល្អ ព្រមទាំងកាត់បន្ថយហានិភ័យខ្ពស់ក្រលៀនរបស់អ្នកផងដែរ។
៧.ការគេងមិនគ្រប់ក៏ប៉ះពាល់ដល់ក្រលៀនដែរ។ អំឡុងពេលគេងជាពេលក្រលៀនងើបឡើងព្យាបាលដោយខ្លួនឯងឡើងវិញ។ បើអ្នកគេងមិនគ្រប់វាបង្កឱ្យមានបញ្ហាខូចក្រលៀនលឿន។ ភាពតានតឹងក៏ប៉ះពាល់ដល់សម្ពាធឈាម និងបំផ្លាញ់សុខភាពដោយប្រយោលជាពិសេសសរីរាង្គក្រលៀននេះតែម្តង៕ អត្ថបទដោយ៖ ទ្រ សុភាព