ចំពោះវ៉ាក់សាំងនេះដំណើរការដោយកំណត់គោលដៅប្រូតេអ៊ីនជាក់លាក់មួយហៅថា alpha-lactalbumin ដែលមាននៅលើកោសិកាមហារីកសុដន់ដោយមិនចាំបាច់បំផ្លាញកោសិកាដែលមានជំងឺ គ្រាន់តែធ្វើឱ្យប្រព័ន្ធភាពស៊ាំក្នុងការទទួលស្គាល់ពង្រឹងអង្គបដិប្រាណរបស់ខ្លួនដើម្បីប្រឆាំងនឹងអាល់ហ្វា-ឡាក់តាល់ប៊ូមីន ។ តាមអ្នកវិទ្យាសាស្ត្រនៅគ្លីនិក Cleveland Clinic បានស្នើឱ្យបង្កើតវ៉ាក់សាំងដែលកំណត់គោលដៅប្រូតេអ៊ីននេះ ជាពិសេសសម្រាប់ស្ត្រីដែលលែងមានគម្រោងមានកូន។

នៅក្នុងដំណាក់កាលដំបូងនៃការសាកល្បង អ្នកស្រាវជ្រាវបានចាក់វ៉ាក់សាំងនេះទៅកាន់ស្ត្រីចំនួន ៣៥នាក់ ដែលភាគច្រើនមានជំងឺមហារីកសុដន់ ជាទម្រង់ជំងឺកម្រិតធ្ងន់។ ពួកគេបានធ្វើតេស្តឈាមជាប្រចាំធ្វើការតាមដានកម្រិតអង្គបដិប្រាណក្នុងខ្លួនរបស់ពួក មានភាពល្អប្រសើរជាងមុន។​ ដោយការឆ្លើយតបប្រព័ន្ធភាពស៊ាំក្នុងការវាស់ស្ទង់ការកើនឡើងនៃអង្គបដិប្រាណនៅលើកោសិកាឈាមស វាជាសញ្ញាល្អដែរ។ ប៉ុន្តែវាមានផលរំខានមួយទៀតគឺធ្វើឱ្យរលាករាងស្រាលកន្លែងចាក់ថ្នាំបន្តិច។

លោកវេជ្ជបណ្ឌិត Amit Kumar នាយកប្រតិបត្តិនៃក្រុមហ៊ុន Anixa Biosciences បាននិយាយថា "នេះជាយន្តការថ្មីបំផុត។ បើជោគជ័យ ១០០% យើងអាចលុបបំបាត់ជំងឺមហារីកសុដន់បានដូចដែលយើងបានធ្វើជាមួយការពារចំពោះជំងឺស្វិតដៃជើងដែរ"។ លោក​បាន​សង្កត់​ធ្ងន់​ថា វ៉ាក់សាំង​ការពារ​មហារីក​សុដន់នេះជា​វិស័យ​ពិបាក​ក្នុង​ការ​អភិវឌ្ឍណាស់។ មក​ដល់​ពេល​នេះ មិនទាន់មាន​ថ្នាំ​បង្ការ​មហារីក​ណា​ដែល​ទទួល​បាន​ជោគជ័យ​ពិត​ប្រាកដ​ក៏ដោយ ក៏ពួកយើងបន្តការព្យាយាមប្រឹងឱ្យអស់ពីលទ្ធផលបង្កើតវ៉ាកសុំានេះដែរ។

លោកវេជ្ជបណ្ឌិត Kumar បាននិយាយថា ដំណាក់កាលទីពីរក្នុងការសាកល្បងនេះ ត្រូវចាប់ផ្តើមសាកល្បងនៅឆ្នាំក្រោយដោយមានការរួមបញ្ចូលប្រភេទជំងឺមហារីកសុដន់ផ្សេងៗ ទៀត។ សម្រាប់គម្រោង​ការណ៍​ត្រូវបញ្ជាក់ចេញពី​ក្រសួង​សុខាភិបាក​អាមេរិក​ក្នុង​ឆ្នាំ​នេះដែរ។ ការខំប្រឹងផលិតវ៉ាក់សាំងការពារជំងឺមហារីក​សុដន់ជាផ្នែកមួយក្តីសង្ឃឹមសម្រាប់ស្រ្តីគ្រប់រូបផងដែរ៕ អត្ថបទដោយ៖ ទ្រ សុភាព