ជំងឺ
ហានិភ័យ! ស្រ្តីវ័យនេះប្រឈមនឹងកើតគីស បើប៉ះចំគីសកាចព្យាបាលមិនទាន់ វិវត្តជាមហារីកស្បូនលឿនបំផុត
Mourn Kunthea
September 14 2022
6.1 K views

ដុំគីសដៃស្បូនជាជំងឺមួយដែលតែងតែកើតទៅលើមនុស្សស្រីពេញវ័យ មនុស្សស្រីដែលមានវដ្តរដូវ។ ដុំគីសដៃស្បូនមាន២ប្រភេទខុសពីគ្នា ប្រភេទទីមួយជាប្រភេទគីសស្លូត និងប្រភេទទី២ជាប្រភេទគីសកាច ដែលស្រ្តីគ្រប់រូបត្រូវប្រុងប្រយ័ត្ន និងតាមដានអាការឱ្យបានហ្មត់ចត់។

ជាការពិតណាស់ បើតាមការឱ្យដឹងពីកេហទំព័រ healthline បានបញ្ជាក់ច្បាស់ៗថា ដុំគីសប្រភេទទី១ មានទំហំតូចជាង៣សង់ទីម៉ែត្រ ជាដុំគីសធម្មតាដែលកើតមានទៅលើមនុស្សស្រីគ្រប់រូបអំឡុងពេលវដ្តរដូវ ហើយវានឹងរលាយបាត់ទៅវិញបន្ទាប់ពីវដ្តរដូវប្រចាំខែរបស់ស្រ្តីត្រូវបានបញ្ចប់រយៈពេលចាប់ពី ៣ទៅ ៥ថ្ងៃ។

ចំណែកឯដុំគីសទី២ ជាដុំគីសសរីរាង្គឬហៅម្យ៉ាងទៀតថាជាដុំគីសកាច ជាគីសមិនធម្មតាដែលមានទំហំធំជាង ៣សង់ទីម៉ែត្រ ហើយវាមានទីតាំងស្ថិតនៅក្នុងដៃស្បូនទាំងសងខាងរបស់ស្រ្តី។ ដុំគីសកាច នេះវាមិនរលាយទៅវិញនោះទេ ប្រសិនបើស្រ្តីមិនបានពិនិត្យ ឬមិនបានទៅព្យាបាលឱ្យទាន់ពេលទេនោះវាអាចវិវត្តទៅជាមហារីក ឬធ្វើឱ្យស្រ្តីមិនអាចមានកូនអស់មួយជីវិត។

លើសពីនេះទៀត ចំពោះស្រ្តីដែលកើតដុំគីសស្លូតគឺវាមិនបញ្ចេញអាការអ្វីខុសប្លែកឬធ្វើឱ្យស្រ្តីមានគ្រោះថ្នាក់នោះទេ ដោយឡែកប្រសិនជាកើតចំប៉ះគីសកាច វានឹងធ្វើឱ្យស្រ្តីមានអាការមិនប្រក្រតីមួយចំនួនដូចជា៖

១. ចុកចង្កេះមុនពេលមករដូវឬអំឡុងពេលមករដូវ

២. ឧស្សាហ៍ឈឺចុកចាប់នៅត្រង់ត្រគាក

៣. ហើមពោះ

៤. ឈឺពោះវៀនធំ

៥. មានឈាមហូរតិចៗនៅតាមទ្វារមាស

៦. មានការចុករមួលក្នុងពោះនៅត្រង់ចំណុចស្បូន

៧. វិលមុខញឹកញាប់

៨. រកក្អួតចង្អោរជាដើម។

លើសពីនេះទៅទៀត មូលហេតុដែលបណ្តាលឱ្យស្រ្តីកើតជំងឺដុំគីសដៃស្បូនសរីរាង្គឬគីសកាចនេះ គឺដោយសារតែកត្តារបបអាហារ និងទម្លាប់រស់នៅប្រចាំថ្ងៃមិនបានត្រឹមត្រូវ។ ស្រ្តីដែលចូលចិត្តបរិភោគអាហារប្រភេទ Fat food ដូចជាអាហារបំពង(ស្លាបមាន់បំពង ភ្លៅមាន់បំពង ប្រហិតបំពង...) អាហារលើសជាតិខ្លាញ់ផ្សេងៗទៀត ដែលធ្វើឱ្យអរម៉ូនរបស់ស្រ្តីកើនឡើងខ្លាំងវិវត្តទៅជាដុំគីសក្នុងដៃស្បូន។ មួយវិញទៀត វាអាចមកពីកត្តាការប្រើប្រាស់ថ្នាំ ស្រ្តីដែលតែងតែលេបថ្នាំពាក់ព័ន្ធជាមួយអរម៉ូនក៏បណ្តាលឱ្យមានដុំគីសនៅដៃស្បូនដែរ។

គូសបញ្ជាក់ផងដែរថា ប្រសិនជាស្រ្តីចង់ដឹងថាខ្លួនមានជំងឺដុំគីសដៃស្បូនទី២ឬអត់ ហើយចង់ព្យាបាលឱ្យទាន់ពេលវេលា ស្រ្តីត្រូវទៅថតអេកូនៅរៀងរាល់ពេលដែលអស់វដ្តរដូវប្រចាំខែចាប់ពី៥ ទៅ ៦ថ្ងៃ។ ប្រសិនជាករណីឃើញដុំគីសទំហំធំជាង ៣សង់ទីម៉ែត្រមិនទាន់រលាយនោះមានន័យអ្នកកំពុងកើតដុំគីសកាចប្រភេទទី២ហើយ។ ជាចុងក្រោយលើកទឹកចិត្តឱ្យបងៗស្រ្តីគ្រប់គ្នាទៅពិនិត្យនិងតាមដានសុខភាពជាមួយគ្រូពេទ្យទើបដឹងច្បាស់ និងសូមបន្តការពារថែរក្សាសុខភាពខ្លួនឯងឱ្យបានល្អកុំមានការធ្វេសប្រហែសឱ្យសោះ៕

Ovarian Cyst Ayurvedic Treatment | 12 Best Natural Remedies, Diet, Yoga

អត្ថបទដោយ៖ មឿន គន្ធា

 

 

 

Mourn Kunthea
អំពីអ្នកនិពន្ធ
ជំរាបសួរប្រិយមិត្ត! នាងខ្ញុំឈ្មោះ មឿន គន្ធា ជាអ្នកនិពន្ធផ្នែកសម្រស់។ នាងខ្ញុំនៅទីនេះក្នុងគោលបំណងចែករំលែកចំណេះដឹងផ្នែកសម្រស់ ដើម្បីចែកជូនដល់មិត្តអ្នកអាន និងប្រជាជនខ្មែរទូទាំងប្រទេស។ ប្រសិនជាបងប្អូនមានចម្ងល់ ឬចង់ចែករំលែកគំនិតថ្មីៗ អាចទាក់ទងមកខ្ញុំផ្ទាល់បានតាមរយៈ Tell: 098 71 75 74 Telegram: 098 71 75 74 Facebook: Mourn kunthea សូមអរគុណ។

អត្ថបទសរុប៖ 910

Cambodia most reliable health website aiming to help Cambodian people spend less and live more out of life.

ទំនាក់ទំនងពួកយើង

#HH36, St 265, Sangkat Teok Laok III, Khan Toul Kork

sam.businesscambodia@gmail.com

(+855) 98 850 854 / (+855) 17 300 755 / 93 300 755

©2024 Healthy Cambodia. All Rights Reserved.

Developed by: Technology Cambodia