អាហារ
កុំប្រហែស! ផឹកទឹកមិនគ្រប់ ញ៉ាំអាហារមានជាតិកាល់ស្យូមច្រើនពេកអាចធ្វើឱ្យកើតក្រួសតម្រងនោម
Pheakdey Pao
April 12 2022
2.4 K views

យោងតាមរយៈបទសម្ភាសន៍របស់ក្រុមការងារចាបបៃតងជាមួយនឹងលោកវេជ្ជបណ្ឌិត សៅរ៉ាវី វីរ៉ាសូផុន ឯកទេសផ្នែកជំងឺប្រព័ន្ធផ្លូវទឹកនោម ប្រចាំមន្ទីរពេទ្យរ៉ូយ៉ាល់ភ្នំពេញ ពន្យល់ប្រាប់ថា ក្រួសតម្រងនោមនេះ គឺជាដុំក្រួសដែលនៅក្នុងតម្រងនោមរបស់យើង ដោយសម្រាប់សុខភាពតម្រងនោមទូទៅ គឺពុំមានដុំក្រួសនេះទេ។

តម្រងនោមរបស់យើងមានតួនាទីសំខាន់ក្នុងការជួយបញ្ចេញជាតិពុលចេញពីក្នុងសរីរាង្គឱ្យហូរទៅតាមទឹកនោម។ ហើយនេះគឺ ដោយសាររាងកាយរបស់យើងមានប្រព័ន្ធដេញកាកសំណល់ និងសារជាតិពុលចេញពីសរីរាង្គកាយ ដែលកាកសំណល់នេះមានរាប់រយរាប់ពាន់មុខ បានមកពីការញ៉ាំអាហារជាប្រចាំថ្ងៃរបស់យើង។

វេជ្ជបណ្ឌិតក៏បានបន្តទៀតថា ចំពោះមនុស្សយើងទាំងអស់គ្នាសុទ្ធតែមានឱកាសក្នុងកើតក្រួសតម្រង ហើយជាការសិក្សាបង្ហាញនៅប៉ែកអឺរ៉ុប ក្នុងទឹកដីសហររដ្ឋអាមេរិកស្តែងឱ្យដឹងថា បើទោះជាបុគ្គលនោះ មានសុខភាពរឹងមាំក៏ដោយ ក៏អាចមានឱកាសក្នុងការកើតនៅក្រួសតម្រងនោមបានទៅដល់១០%ដូចគ្នា។ ជាងនេះទៀតសោត ចំពោះសុខភាពប្រជាជនកម្ពុជា និងថៃនាភាគឦសាន ត្រូវអ្នកជំនាញវេជ្ជសាស្ត្រសិក្សាឃើញថា អាចមានឱកាសកើតជំងឺក្រួសតម្រងនោមច្រើនជាង១០%ឯណោះ។

បញ្ហាក្រួសតម្រងនោមនេះ អាចបង្កជាគ្រោះថ្នាក់ធ្ងន់ធ្ងរបាន ពីព្រោះជាទូទៅពេលដែលកើតក្រួសតម្រងនោម ប្រសិនបើវាមានទំហំតូចៗមិនសូវជាអ្វីទេ ប៉ុន្តែវាមានតួលេខរបស់វាដោយមិនឱ្យលើសពី៤មីលីម៉ែត្រឡើយ។ ដោយហេតុថា ប្រសិនបើក្រួសតម្រងនោមនោះមានទំហំចំនួន៤មីលីម៉ែត្រ វាអាចជ្រុះមកដោយខ្លួនឯងបាន ពីព្រោះក្នុងប្រព័ន្ធតម្រងនោមមានបង្ហូរនោមទំហំ៤មីលីម៉ែត្រ ក៏ប៉ុន្តែប្រសិនបើវាមានទំហំលើស៤មីលីម៉ែត្រ នោះអាចនឹងបណ្ដាលស្ទះតម្រងនោម ធ្វើឱ្យចុកនៅតំបន់តម្រងនោមតែម្តង។ ជាងនេះទៀតសោតក្នុងករណីមិនស្ទះតម្រងនោមក៏ដោយ ក៏អាចបង្កមានមេរោគនៅខាងក្នុង ធ្វើឱ្យមានបញ្ហាជារលាកតម្រងនោម ហើយនាថ្ងៃក្រោយអាចបង្កជាបញ្ហាខ្សោយ ឬខូចតម្រងនោម ប្រសិនណាបើទុកក្រួសនេះក្នុងរយៈពេលយូរ។

យ៉ាងណាមិញ ដើម្បីចៀសឆ្ងាយពីបញ្ហាក្រួសតម្រងនោមនេះ វេជ្ជបណ្ឌិត សៅរ៉ាវី វីរ៉ាសូផុន បានណែនាំឱ្យផឹកទឹកឱ្យបានគ្រប់គ្រាន់យ៉ាងហោចណាស់ឱ្យបាន ២លីត្រកន្លះក្នុង១ថ្ងៃ ដើម្បីកុំឱ្យទឹកនោមរបស់យើងមានលក្ខណៈខាប់ពេក។ ដោយហេតុថាក្នុងករណីទឹកនោមខាប់ពេក ធ្វើឱ្យប្រមូលផ្តុំទៅជាក្រួស មានន័យថា ក្នុងករណីទទួលទានម្ហូបអាហារ និងពុំសូវញ៉ាំទឹក ជាពិសេសអាហារដែលសម្បូរទៅដោយសារធាតុកាល់ស្យូមដូចជា ទឹកដោះគោ ឈីស ពពួកសណ្តែកគ្រប់ប្រភេទ សូកូឡា តៅហ៊ូ តែខ្មៅ...លើសកម្រិតបរិមាណ នោះអាចនឹងធ្វើឱ្យងាយកើតក្រួសតម្រងនោមណាស់។

វេជ្ជបណ្ឌិតបានណែនាំបន្ថែមថា ក្នុងលក្ខខណ្ឌអ្នកកើតបញ្ហាក្រួសតម្រងនេះ បើទោះបីជាព្យាបាលយកក្រួសនេះចេញហើយក៏ដោយក្តី​ ក៏ត្រូវតាមដានសុខភាពឱ្យបាន១ឆ្នាំម្តង តាមរយៈការអេកូរតម្រងនោម ឬស្កេនមើល ដើម្បីបញ្ជាក់ថា មិនមានបញ្ហាតម្រងនោមទៀតទេ។ ពីព្រោះអ្នកដែលធ្លាប់កើតក្រួសតម្រងនោមនេះ គឺងាយកើតទៀតណាស់ ដោយជាការសិក្សាពិសោធន៍ត្រូវបានបង្ហាញថា ក្រោយពីព្យាបាលរួចតទៅ១០ឆ្នាំខាងមុខអ្នកដែលកើតតម្រងនោមងាយកើតម្តងទៀតរហូតដល់៥០%ឯណោះ។

បើលោកអ្នកចង់ពិនិត្យសុខភាព ឬពិនិត្យបញ្ហាក្រួសតម្រងនោម អាចធ្វើការទំនាក់ទំនង មន្ទីរពេទ្យ រ៉ូយ៉ាល់ ភ្នំពេញ Royal Phnom Penh Royalទំនាក់ទំនង៖ 023 991 000 / 012 991 000

ស្វែងយល់បន្ថែមអំពីជំងឺក្រួសក្នុងតម្រងនោម

តើគ្រួសតម្រងនោមគ្រប់ប្រភេទ តម្រូវអោយមានការព្យាបាល ជាការពិតដែរឬទេ?

តើម៉ាស៊ីនបំបែកគ្រួសតម្រងនោមជំនាន់ទី ៤ មានប្រសិទ្ធិភាពនឹងវាដំណើរការបាញបំបែកគ្រួសតាមរបៀបយ៉ាងណា?

ទំនាក់ទំនងវេជ្ជបណ្ឌិតសៅរ៉ាវី វីរ៉ាសូផុន(Better with Dr.Pom) ឯកទេសផ្នែកជំងឺប្រព័ន្ធផ្លូវទឹកនោម ប្រចាំមន្ទីរពេទ្យរ៉ូយ៉ាល់ភ្នំពេញ។

Pheakdey Pao
អំពីអ្នកនិពន្ធ
ជំរាបសួរ! នាងខ្ញុំឈ្មោះ ប៉ាវ ភក្តី ជាអ្នកនិពន្ធខាងសុខភាពផ្នែកចំណីអាហារ។ នាងខ្ញុំមកទីនេះក្នុងគោលបំណងពាំនាំនូវចំណេះដឹងថ្មីៗទាក់ទងទៅនឹងសុខភាព និងបញ្ហាចំណីអាហារដែលកំពុងកើតមាននាសម័យបច្ចុប្បន្ន ដើម្បីចែកជូនទៅកាន់ប្រិយមិត្តអ្នកអានគ្រប់រូប។ ប្រសិនបើលោកអ្នកមានចម្ងល់អ្វីទៅនឹងអត្ថបទរបស់នាងខ្ញុំ ឬចង់ចែករំលែកចំណេះដឹងថ្មីៗ សូមទំនាក់ទំនងមកកាន់នាងខ្ញុំផ្ទាល់តាមរយៈ Tel: 087742030, Telegram: 087742030 Facebook: Ah Nuk។ សូមអរគុណ!

អត្ថបទសរុប៖ 1340

អត្ថបទទាក់ទង
អត្ថបទថ្មីៗ
#ព័ត៌មានApril 18 2025
ខេត្ត ១នេះ បានលេខ២ មានអ្នកចូលរួមសង្ក្រាន្តរយៈពេល ៣ថ្ងៃគឺ ២លាននាក់ជាង
#ព័ត៌មានApril 18 2025
អបអរសាទរ! រាជធានីជើងខ្លាំង ១នេះមានអ្នកចូលរួមលេងសង្ក្រាន្តឆ្នាំ២០២៥ ច្រើនជាងគេ
#ចិត្តសាស្ត្រApril 17 2025
៤ចំណុចជួយអ្នកកាត់កាត់ស្រ្តេស កាត់បញ្ហាបាក់ទឹកចិត្ត ឱ្យអ្នករស់នៅបានយូរ
#អាហារApril 17 2025
អាហារទាំង ៤មុខនេះ សម្បូរវីតាមីន D ជួយប៉ូវឆ្អឹងរឹងមាំដល់ចាស់
#ព័ត៌មានApril 13 2025
នាយកដ្ឋាននគរបាលបង្ការពន្លត់អគ្គិភ័យក្រើនរម្លឹកពលរដ្ឋឱ្យប្រយ័ត្នអគ្គិភ័យថ្ងៃចូលឆ្នាំ ៣ថ្ងៃនេះ
#អាហារApril 13 2025
អ្នកមើលទូរស័ព្ទច្រើន ញ៉ាំអាហារបែបនេះ ការពារព្រិលភ្នែក ម្ញូប និងឈឺភ្នែក

Cambodia most reliable health website aiming to help Cambodian people spend less and live more out of life.

ទំនាក់ទំនងពួកយើង

#HH36, St 265, Sangkat Teok Laok III, Khan Toul Kork

sam.businesscambodia@gmail.com

(+855) 98 850 854 / (+855) 17 300 755 / 93 300 755

©2024 Healthy Cambodia. All Rights Reserved.

Developed by: Technology Cambodia