តើជំងឺដុំមហារីកបំពង់អាហារ អាចមានរោគសញ្ញាអ្វីខ្លះ? យើងតែងតែសង្កេតឃើញថា អ្នកជំងឺដែលមានដុំមហារីកបំពង់អាហារនេះ គឺមានរោគសញ្ញាដូចជា៖
១. អួលណែន និងពិបាកលេបអាហារចូល (ដំបូង អាហាររឹង បន្ទាប់មករាវ និងចុងក្រោយទឹកក៏ពិបាកលេបដែរ) ។
២. ឈឺចុកចាប់ នៅពេលបរិភោគអាហារ
៣.ក្អូតចង្អោរ បន្ទាប់ពីបរិភោគអាហាររួច
៤. មានការចុកណែនអួល ក្នុងដើមទ្រូង

៥. មានការស្លេកស្លាំង និងខ្វះគ្រាប់ឈាមក្រហម
៦. ចុះខ្សោយ អស់កម្លាំង កំហែង និងល្ហិតល្ហៃ
៧. មិនចង់ទទួលទានអាហារ និងធុំសាច់
៨. ស្រកទម្ងន់ខ្លាំងខុសពីធម្មតា
៩.ពេលខ្លះវាក៏អាចបណ្តាលអោយមានការហូរធ្លាក់ឈាមផងដែរ។ល។

ដូច្នេះ! បើអ្នកមានរោគសញ្ញាខាងលើរយៈពេលយូរនោះ អ្នកគួរទៅពេទ្យដើម្បីពិនិត្យស្ថានភាពរាងកាយរបស់អ្នកផងដែរ។ បើអ្នកមានជំងឺដុំមហារីកវិញនោះ ពេទ្យនឹងធ្វើការព្យាបាលដែលមានប្រសិទ្ធិភាពបំផុតដោយកាំរស្មី ឬការវះកាត់ដើម្បីព្យាបាលជំងឺមហារីកនេះហើយអ្នកជំងឺអាចនិយាយ និងដកដង្ហើមបានធម្មតា៕ អត្ថបទដោយ៖ ទ្រ សុភាព