កត្តានេះដែរ 4ចំណុចខាងក្រោមនេះ នឹងបង្ហាញពីដើមហេតុចម្បងៗដែលត្រូវបានគេរកឃើញថា វាអាចជះឥទ្ធិពលធ្វើឱ្យស្ត្រីប្រឈមនឹងបញ្ហារាំងរដូវ ឬមានវិបត្តិរដូវមិនទៀង៖

1. អតុល្យភាពអ័រម៉ូន៖ ចំពោះវិបត្តិរដូវមិនទៀតដោយសារកត្តាអតុល្យភាពអរម៉ូននេះ ភាគច្រើនគេសង្កេតឃើញកើតមាននៅលើ:

- ក្មេងស្រីទើបតែពេញវ័យ ដោយជាទូទៅល័ក្ខខ័ណ្ឌអរម៉ូនរបស់ពួកគាត់ប្រែប្រួលខុសប្រក្រតីដោយតែកត្តាពួកគាត់ស្ថិតក្នុងវ័យលូតលាស់ ធ្វើឱ្យអរម៉ូនក្នុងខ្លួនរបស់គាត់ដើរពុំទាន់ប្រក្រតីដែលជាហេតុធ្វើឱ្យរដូវមិនទៀង។។

- ការមានផ្ទៃពោះ៖ ការមានផ្ទៃពោះ ជាកត្តាមួយដែលធ្វើឱ្យស្ត្រីមានប្រែប្រួលអរម៉ូនក្នុងរាងកាយផងដែរ ហេតុនេះក្នុងល័ក្ខខ័ណ្ឌស្ត្រីមានដៃគូបាត់រដូវចាប់ពី ២សប្តាហ៍ឡើង គួរតែសាកល្បងធ្វើតេស្តទឹកនោម។

- កត្តាជិតអស់រដូវ៖ ការផ្លាស់ប្តូរទៅជាអស់រដូវ ដែលជាធម្មតាកើតឡើងក្នុងវ័យ 40 ឆ្នាំ ឬ 50 ឆ្នាំរបស់ស្ត្រី អាចបណ្តាលឱ្យមានការផ្លាស់ប្តូររយៈពេល និងលំហូរមករដូវផងដែរ។

2. ភាពតានតឹង៖ បញ្ហាស្ត្រេសតានតឹងក្នុងខ្លួនជាប្រចាំថ្ងៃ ឬស្ត្រីដែលកើតមានបញ្ហាថប់បារម្ភត្រូវដែលបង្កឱ្យកើតបញ្ហាតានតឹងខ្លាំងក្នុងរាងកាយ គឺវាអាចរំខានដល់កម្រិតអម៉ូនក្នុងរាងកាយ ជាហេតុនាំឱ្យស្ត្រីដែលស្ថិតក្នុងល័ក្ខខ័ណ្ឌនេះមានវិបត្តិរដូវមិនទៀង។

3. ការប្រែប្រួលទម្ងន់ខុសប្រក្រតី៖ បញ្ហាលើសទម្ងន់ព្យាយាមសម្រក តាមវិធីតមអាហារខ្លាំងអាចប៉ះពាល់ដល់វដ្តរដូវ។ ដោយហេតុថានៅពេលណាដែលរាងកាយរបស់យើងមិនទទួលបានសារជាតិចិញ្ចឹមគ្រប់គ្រាន់ទៅបំពេញ វាអាចរំខានដល់កម្រិតអរម៉ូន ធ្វើឱ្យអរម៉ូនមានលក្ខណៈប្រែប្រួលរំខានដល់ដំណើរវដ្តរដូវប្រចាំខែ។

4. កត្តារបៀបរស់នៅ៖ សម្រាប់មនុស្សស្រីមួយចំនួនទៀតដែលមាន របបអាហារមិនល្អ កង្វះអាហារូបត្ថម្ភជាប្រចាំថ្ងៃ ជក់បារី ផឹកគ្រឿងស្រវឹង និងមានទម្លាប់គេងមិនទៀងទាត់ម៉ោងជាប្រចាំ អាចធ្វើឱ្យប៉ះពាល់ដល់កម្រិតអរម៉ូនផ្សេងៗក្នុងរាងកាយ អរម៉ូនក្នុងរាងកាយប្តូរចុះឡើងមិននឹងន ដែលបង្កឱ្យប៉ះពាល់ដល់ដំណើរការឈាមរដូវប្រចាំខែ ដោយបញ្ហាមួយកើតមានទៅលើស្ត្រីមិនតិចនាក់ទេនៅជុំវិញពិភពលោក៕