រោគសញ្ញាងាចបង្ហាញថាអ្នកកំពុងប្រឈមជំងឺខាន់លឿន ត្រូវប្រយ័ត្ន
យោងតាមរយៈការចែករំលែករបស់មន្ទីរពេទ្យកាល់ម៉ែត្រ បានឱ្យដឹងថា ខាន់លឿង (Ictère) គឺជាការលេចចេញនូវពណ៌លឿងតាមស្បែក និងភ្នែក ដោយសារការកើនឡើងសារធាតុប៊ីលីរុយប៊ីនក្នុងឈាម (Bilirubine)។ មូលហេតុនៃការកើតខាន់លឿង បណ្តាលមកពីមូលហេតុចំបងធំ២ ទី១ ការរលាកថ្លើម ឫក្រិនថ្លើម គ្រួសក្នុងថង់ទឹកប្រម៉ាត់ ការរលាកលំពែងរ៉ាំរ៉ៃ ការរលាកផ្លូវទឹកប្រម៉ាត់រ៉ាំរ៉ៃ មហារីក (ថ្លើម លំពែង និងផ្លូវទឹកប្រម៉ាត់ជាដើម) ទី២ គឺជាការកើនឡើងនូវសារធាតុប៊ីលីរុយប៊ីន មិនទាន់បំលែងរួចក្នុងថ្លើម (Ictère à Bilirubine non Conjuguée) ដោយសារ ការបែកគ្រាប់ឈាមក្រហម។
ចំពោះរោគសញ្ញាខ័ណ្ឌលឿនមានដូចជា
- ការឡើងលឿងតាមស្បែក និងភ្នែក
- រមាស់លើស្បែក
- លាមកពណ៌ស
- ទឹកនោមលឿងចាស់
- រោគសញ្ញាបន្ទាប់បន្សំមួយចំនួនទៀតទៅតាមមូលហេតុផ្សេងៗដូចជា
- ឈឺចុងដង្ហើម ឫផ្នែកខាងក្រោយឆ្អឹងជំនីខាងស្តាំ
-ស្ទាបប៉ះដុំពោះ
-ថ្លើមរីក
-ក្តៅខ្លួន និងរោគសញ្ញាផ្សេងទៀត ។
ចំពោះការព្យាបាលខាន់លឿង មានលក្ខណៈខុសគ្នាទៅតាមមូលហេតុដែលបង្កជំងឺ។ ការព្យាបាលអាចជា ការប្រើប្រាស់ថ្នាំគ្រាប់ ការឆ្លុះចាប់គ្រួស ការវះកាត់ផ្សេងៗ។
គូសបញ្ជាក់ថា ការកើតលឿងគឺជារោគសញ្ញាមួយនៃជំងឺផ្សេងៗជាច្រើន ដែលតំរូវអោយមានការសាកសួរដោយយកចិត្តទុកដាក់ខ្ពស់ ព្រមទាំងការស្នើសុំនូវការវិភាគអមវេជ្ជសាស្ត្រ មួយចំនួនដែលមានលក្ខណៈចាំបាច់សំរាប់អ្នកជំងឺ។ បន្ថែមលើសពីនេះបើសិនបងប្អូនមានរោគសញ្ញាដូចបានរៀបរាប់ខាងលើកុំទុកយូរ ប្រញាប់មកធ្វើរោគវិនិឆ្ឆ័យឱ្យបានលឿនដើម្បីអាចដឹងពីស្ថានភាពជំងឺរបស់យើងកាន់តែច្បាស់ បើយើងមានបញ្ហាអ្វីគឺអាចនឹងធ្វើបាលបានលឿន៕