តាមលោកវេជ្ជបណ្ឌិត Vinh បាននិយាយថា នេះជាករណីធម្មតានៃជំងឺគាំងបេះដូង ហើយវាក៏អាចមានចំពោះវ័យក្មេងដែរ។ ហើយជំងឺនេះភាគច្រើនកើតចំពោះមនុស្សអាយុ ៤៥ឆ្នាំមានហានិភ័យដល់អាយុជីវិត។ ទម្លាប់នាំឱ្យកើតជំងឺហ្នឹងរួមមាន របៀបរស់នៅគ្មានអនាម័យ របបអាហារមិនល្អ ជក់បារី ហូបអាហារតាមអារម្មណ៍នាំឱ្យលើសគីឡូ កង្វះលំហាត់ប្រាណ ស្រ្តេសច្រើន សម្ពាធឈាមខ្ពស់ កូលេស្តេរ៉ុលខ្ពស់ និងជំងឺទឹកនោមផ្អែម។ លោកឡាមក៏មានបញ្ហាដោយសារកត្តាទាំងអស់នេះហើយគាត់ក៏ធ្វើការវះកាត់បេះដូងដាក់ឧបករណ៍ឱ្យឈាមដើរស្រួលឡើងវិញ។

បើអ្នកមានរោគសញ្ញារួមមានការឈឺទ្រូង អារម្មណ៍ឈឺចាប់ សម្ពាធ និងរមួលក្នុងទ្រូង។ ការឈឺចាប់អាចរាលដាលដល់ខ្នង ក ឬដៃ។ មានអារម្មណ៍ឈឺទ្រូង ដកដង្ហើមខ្លី អស់កម្លាំង បែកញើស ជួនកាលដួលសន្លប់។ ករណីខ្លះបែបនេះព្រោះតែបេះដូងដើរខុសប្រក្រតី ខ្សោយបេះដូង រលាកស្រោមបេះដូងជាដើម។ បើយោងតាមការចុះផ្សាយរបស់គេហៈទំព័រ Medline Plus បានលើកឡើងថា កម្រិតកូឡេស្ដេរ៉ុលខ្ពស់អាចធ្វើឱ្យអ្នកស្ទះសរសៃឈាមដែលបង្កើនហានិភ័យនៃការកើតជំងឺគាំងបេះដូង។ ដូច្នេះអ្នកត្រូវតែផ្លាស់ប្ដូររបៀបរស់នៅរបស់អ្នក ហើយត្រូវកាត់បន្ថយកម្រិតកូលេស្ដេរ៉ុលក្នុងឈាមផង។ ពេលអ្នកមានទម្លាប់ល្អដូចជាធ្វើលំហាត់ប្រាណ ហូបអាហារសុខភាព និងគេងឱ្យបានគ្រប់គ្រាន់ដើម្បីឱ្យសរសៃឈាមដើរស្រួល៕ អត្ថបទដោយ៖ ទ្រ សុភាព