យោងតាមការចែករំលែករបស់លោកវេជ្ជបណ្ឌិត គួច ម៉េងលី ធ្លាប់បានលើកឡើងថា ជំងឺអាលែហ្ស៊ីច្រមុះនេះផងដែរ បណ្ដាលមកពីការវៀចឆ្អឹងច្រមុះ ដុះសាច់ក្នុងច្រមុះ រលាកហើមសាច់ Choana នៅក្នុងច្រមុះ ដែលបណ្ដាលមកពីធូលីដី លម្អងផ្កា និងបាក់តេរីផ្សេងៗទៀត។
យ៉ាងណាមិញ ភ្ជាប់ជាមួយនឹងបញ្ហាជំងឺកើតមានខាងលើខាងក្រោមនេះ ជាប្រភេទអាហារដែលអ្នកកើតជំងឺអាលែហ្ស៊ីច្រមុះគួរចៀសជាងជាដាច់ខាត បើមិនចង់ឱ្យជំងឺធ្វើទុក្ខពិបាកក្នុងខ្លួនទេ៖
១. អាហារផ្តាប់៖ ផ្អក ម៉ាំ ជ្រក់ ...មានផ្ទុកនូវសារធាតុ Histamines (សមាសធាតុគីមី) ជាសារធាតុមិនអាចរលាយបាននៅក្នុងរាងកាយ។ ករណីអ្នកដែលមានប្រព័ន្ធស៊ាំខ្សោយ ទទួលទានអាចនឹងមិនមានលទ្ធភាពផលិតអង់ស៊ីម ដែលអាចទៅរំលាយសារធាតុនោះទេ។ ជាហេតុធ្វើឱ្យវាជ្រាបចូលទៅក្នុងសរសៃឈាម ហើយបង្កជាប្រតិកម្ម និងងាយបង្កជារោគសញ្ញាដូចជា រមាស់លើស្បែក និងតាមបំពង់ខ្យល់ដណ្តើម ឈឺក្បាល អស់កម្លាំង រាគរូស ក្អូតចង្អោរ ...ជាដើម។
២. ទឹកកក៖ ការផឹកទឹកកក ពិតជាជួយយើងបាត់ស្រេកទឹកបានភ្លាមៗ តែផលប៉ះពាល់នៃការញ៉ាំទឹកកកជាប្រចាំពេលអាចនឹងធ្វើឱ្យប៉ះពាល់ដល់ការរំលាយអាហារ ប្រព័ន្ធការពារចុះខ្សោយ។ ផឹកទឹកត្រជាក់ ក្រោយញ៉ាំអាហារ បង្កើតសារធាតុរម្អិល (Mucus) ជាច្រើន នៅក្នុងរាងកាយរបស់យើង ហើយវាបណ្ដាលឲ្យប្រព័ន្ធការពារចុះខ្សោយ ងាយកើតផ្ដាសាយ និងជំងឺផ្សេងៗទៀត។
៣. គ្រឿងសមុទ្រ៖ គ្រប់អ្នកជំងឺដែលមានជំងឺអាលែហ្ស៊ីក្រុមគ្រូពេទ្យតែងណែនាំ មិនសូវឱ្យញ៉ាំគ្រឿងសមុទ្រជាប៉ុន្មាននោះទេ។ ដោយហេតុថា សារធាតុនៅក្នុងគ្រឿងសមុទ្រ អាចនឹងបង្កជារោគសញ្ញាកន្ទួលរមាស់ ឬប្រតិកម្មសម្រាប់អ្នកមានជំងឺរលាករោលផ្សេងៗ។
៤. គ្រឿងស្រវឹង៖ សារជាតិអាល់កុលដែលមាននៅក្នុងស្រាត្រូវបានគេដឹង ថាមានជាតិ histamine ខ្ពស់ ដែលបង្កប៉ះពាល់ខ្លាំងដល់អ្នកកើតអាលែហ្ស៊ីភាគច្រើន។ ជាទូទៅអ្នកជំងឺអាលែកហ្ស៊ីដែលទទួលទានគ្រឿងស្រវឹងតែងជួបនូវវិបត្តិដូចជា តឹងច្រមុះពិបាកដកដណ្តើម ភ្នែកឡើងរមាស់ក្រហម ឈឺក្បាល ជាដើម។
ជាដំណោះស្រាយបន្ថែមក្នុងការជួយសម្រួល ឬកាត់បន្ថយនៃការធ្វើទុក្ខទោសដល់ខ្លួន ដែលបណ្ដាលមកពីបញ្ហាជំងឺអាលែកហ្ស៊ីនេះ លោកអ្នកគួរទម្លាប់រស់នៅស្អាត ដោយបរិយាកាសកន្លែងរស់នៅមានពន្លឺ និងខ្យល់ចូលគ្រប់គ្រាន់ សម្អាតកន្លែងគេង ជាពិសេស ពូក ខ្នើយ ពួយ ឱ្យបានញឹកញាប់។ ជាងនេះទៅទៀត អ្នកគួរជ្រើសយករបបអាហារដែលសម្បួរទៅដោយវីតាមីនជំនួយសុខភាពដែលមានដូចជា បន្លែបៃតង ទឹកខ្ញី ផ្លែឈើ...ជដើម៕