ហើយគាត់បានលើកឡើងថានៅគម្រោង EU នេះមានអត្ថប្រយោជន៍ច្រើនណាស់ ជាដៃគូសហការគ្នានេះ ធ្វើឱ្យអាជីវកម្មគាត់ដែលមានលក្ខណៈជាគ្រួសាបានរប្រែក្លាយទៅជាអាជីវកម្មស្តងដាអន្តរជាតិ។ វាធ្វើឱ្យអាជីវកម្មយើងគ្មានភាពឯកាទេ ដោយសារយើងមានប្រព័ន្ធទំនាក់ទំនងគ្នាល្អ មានព័ត៌មានឆាប់រហ័សដើម្បីកែតមម្រូវការតាមទីផ្សារដែលគេចង់បាន។ កាលពីមុន យើងធ្វើតែម្នាក់ឯង យើងអត់ដឹងពីរបៀបនាំចេញ ហើយចាយពេលយូរណាស់។

 គាត់បានបន្តថា ពេលយើងស្ថិតក្នុងគម្រោង EU នេះ ធ្វើឱ្យយើងចំណេញពេលប្រហែង ១០ទៅ១៥ឆ្នាំឯណោះ ទម្រាំយើងនាំអាជីវកម្មមកដល់ចំណុចនេះ។ គ្រាន់តែធ្វើការជាមួយគម្រោងនេះតែ ២ឆ្នាំប៉ុណ្ណោះ យើងបានផលចំណេញជាងយើងធ្វើតែម្នាក់ឯងប្រហែល ១០ឆ្នាំជាង។ ហើយអាជីវកម្មយើងអាចផលិតត្រីបានក្នុងមួយថ្ងៃបានជិតមួយតោន តាមត្រីតូចត្រីធំដែរ។ ហើយយើងបាននាំចេញត្រីសរុបទៅកាន់ក្រៅប្រទេសជាពិសេសប្រទេសអូស្ត្រាលី ១២តោន។

ដោយការផ្អែកលើកេរ្តិ៍ឈ្មោះនិងបទពិសោធន៍របស់សិប្បកម្មកែច្នៃត្រី សាន់នី ហ្វីស ក្នុងការផលិតផលិតផលត្រីងៀត ត្រីឆ្អើរ ត្រីបង្កក និងផលិតផលផ្អាប់ពីត្រីដែលមានគុណភាពខ្ពស់ ធ្វើសិប្បកម្មនេះបានបំពេញតម្រូវការទាំងបរិមាណស្តង់ដារដោយមានសុវត្ថិភាព អនាម័យល្អចំពោះម្ហូបអាហារ និងគុណភាពយ៉ាងតឹងរឹងសម្រាប់ការនាំចេញទៅទីផ្សារអន្តរជាតិជាពិសេសប្រទេសអូស្ត្រាលី។ ហើយចុះកិច្ចសន្យាជាមួយទីផ្សារក្រៅស្រុកថ្មីៗ រួមមានសហរដ្ឋអាមេរិក និងអ្នកចែកចាយបន្តនៅប្រទេសបារាំងបន្ថែម៕