កូនជារឿងសំខាន់សម្រាប់ដៃគូ។ ព្រោះកូនជាផ្នែកមួយនៃក្តីសុខក្នុងគ្រួសារ។ តាមលោកវេជ្ជបណ្ឌិត លោកវេជ្ជបណ្ឌិត Tu Thanh Tri Dung ប្រធាននាយកដ្ឋាន Andrology នៃមន្ទីរពេទ្យ Tam Anh General Hospital បានលើកឡើងថា បុរសអាចមានកូនបានលុះត្រាមានមេជីវិតឈ្មោលដែលមានសុខភាពល្អ មានបរិមាណមេជីវិតឈ្មោលគ្រប់គ្រាន់ក្នុងទឹកកាម។ ប៉ុន្តែមានបុរសខ្លះ គ្មានកូនព្រោះមេជីវិតឈ្មោលមានបញ្ហាគឺបណ្តាលមកពីកត្តារបៀបរស់នៅដូចជាផឹកគ្រឿងស្រវឹងលើសកម្រិតជាប្រចាំថ្ងៃលើកដាច់ៗ និងជក់បារីជាដើម។ ហើយបុរសមានជំងឺ varicocele មកពីការឆ្លងមេរោគពេលរួមភេទជាមួយដៃមានរោគផ្សេងៗ និងបញ្ហាបញ្ចេញទឹកកាមផងដែរ។
តាមលោកវេជ្ជបណ្ឌិត Tu Thanh Tri Dung បានបញ្ជាក់ថា ភាពគ្មានកូនរបស់បុរសកាន់តែច្រើនឡើងៗ ដែលបណ្តាលឱ្យបុរសភាគច្រើនកាន់តែបាត់បង់ទំនុកចិត្ត និងប៉ះពាល់ដល់សុភមង្គលគ្រួសារ។ ក្នុងចំណោមមូលហេតុជាច្រើននៃភាពគ្មានកូនចំពោះគូស្នេហ៍ មាន ៣០%ក្នុងករណីគ្មានកូនគឺដោយសារបុរស។ ភាពគ្មានកូនរបស់បុរស វាបណ្តាលមកពីហ្សែន និងទម្លាប់ជាប្រចាំថ្ងៃដូចជាសម្បូរភាពតឹងតែងអារម្មណ៍ ធាត់ និងហូបអាហារប្រៃផ្អែមពេក។
បុរសគួរត្រូវធ្វើការពិនិត្យសុខភាពមុនរៀបការ និងពិនិត្យសុខភាពផ្លូវភេទអាចមានរោគសញ្ញាដូចជា៖
១. ភាពមិនប្រក្រតីនៃមុខងារផ្លូវភេទរួមមានពិបាកក្នុងការបញ្ចេញទឹកកាម ការថយចុះចំណង់ផ្លូវភេទ និងលិង្គលែងខឹង (ងាប់លិង្គ)។
២. ហើម ឈឺចាប់ មិនស្រួលក្នុងលិង្គ ឬដុំពងស្វាស។
៣. ការឆ្លងមេរោគផ្លូវដង្ហើមស្រួចស្រាវ។
៤. អសមត្ថភាពក្នុងការរួមភេទឆាប់ចេញទឹកកាមលឿនពេក ហើយមានការធុំក្លិន។
ការពិនិត្យសុខភាពធ្វើឱ្យគ្រូពេទ្យបានវិភាគទឹកកាម ដើម្បីវាយតម្លៃពីបរិមាណមេជីវិត ភាពមិនប្រក្រតីនៃរូបរាង និងចលនារបស់មេជីវិតឈ្មោល និងសមាសធាតុនៅក្នុងទឹកកាមជាដើម៕ អត្ថបទដោយ៖ ទ្រ សុភាព