តាមអ្នកវិទ្យាសាស្ត្រក៏ឯកភាពគ្នាដែរថា ការគេងជាវិធីសាស្ត្រប៉ូវសម្រស់ ព្រោះវាជួយបង្កើតមេឡានីនជាអ័រម៉ូនកើតឡើងដោយធម្មជាតិនៅក្នុងខ្លួនដើម្បីថែស្បែកនៅក្មេងជាងវ័យ។ ឬអាចហៅថា មុខក្មេងអាយុច្រើន។

មេឡានីនជាសារធាតុប្រឆាំងអុកស៊ីតកម្មជួយឱ្យមនុស្សអាយុវែងដោយមានអត្ថប្រយោជន៍ដូចជាជួយពង្រឹងប្រព័ន្ធភាពស៊ាំ។ ជួយប្រឆាំងនឹងជំងឺមហារីក។ ជួយរក្សាជាតិស្ករក្នុងខ្លួនមានលំនឹង។ ជួយកាត់បន្ថយការភ្លេចភ្លាំ។ ជួយការពារជំងឺពុកឆ្អឹង និងប្រឆាំងជំងឺបេះដូងផងដែរ។ ពេលរាងកាយរបស់អ្នកតាមផ្នែកនីមួយៗ រឹងមាំហើយនោះ សម្រស់ និងស្បែករបស់អ្នក នៅតែក្មេងជាងវ័យ នៅតែស្អាត។ ហើយគេមើលមកសរសើថា អ្នកកម្រចាស់ម្ល៉េះ!

អរម៉ូនមេឡានីនរបស់មនុស្សនឹងថយចុះនៅពេលអាយុឈានដល់ ៣០ឆ្នាំ។ ដើម្បីពង្រឹងសម្រស់និងស្បែក អ្នកគួរមានទម្លាប់នេះបន្ថែមនៅក្នុងជីវិតប្រចាំថ្ងៃ៖

១. ញ៉ាំអាហារបន្លែ ផ្លែឈើឱ្យច្រើនជាងមុន និងសាច់សម្បូរជាតិវិតាមីន និងសារធាតុកាល់ស្យូមបន្ថែម។

២. ប្រើរាងកាយស្រូបយកពន្លឺព្រះអាទិត្យបានគ្រប់គ្រាន់ជារៀងរាល់ថ្ងៃនៅម៉ោង ៨ ឬម៉ោង៩ពេលព្រឹក។

៣. គេងឱ្យបានគ្រប់គ្រាន់គឺចាប់ពី៧ទៅ៩ម៉ោង និងឆ្លៀតធ្វើលំហាត់ប្រាណមួយថ្ងៃ ៣០នាទី។

៤. កាត់បន្ថយការអង្គុយនាំលំហូរឈាមដើរមិនស្រួល និងកើនជាតិខ្លាញ់ក្បាលពោះ។ អង្គុយត្រឹមតែ ៤០នាទីងើបចេញដើរធ្វើចលនារាងកាយ ទើបរាងកាយមិនស្ពឹកហើយបញ្ចូនលំហូរឈាមទៅកាន់ស្បែករបស់អ្នកឡើងវិញ៕ អត្ថបទដោយ៖ ទ្រ សុភាព