អាហារពេលព្រឹកជាអាហារដំបូងដែលមានអត្ថប្រយោជន៍ច្រើនសម្រាប់សុខភាពខួរក្បាលរបស់អ្នកបំផុត។ បើអ្នកមានទម្លាប់ហូបអាហារពេលព្រឹកមិនទៀងទាមមួយថ្ងៃកាត់មួយថ្ងៃកោនោះ វានាំប៉ះពាល់ដល់ខួរក្បាលនិងឈឺក្រពះទៅវិញទេ។បើញុំាអាហារខុសដែលមានជាតិខ្លាញ់ និងស្ករច្រើន វាធ្វើឱ្យអ្នកឡើងគីឡូ។ អាហារ ៣នេះប៉ូវខួរក្បាល៖
១. ញ៉ាំគ្រាប់ជីលាយជាមួយទឹកដោះគោជូ បន្ថែមផ្លែឈើប៉ូវខួរក្បាលឱ្យមានលំហូរឈាមដើរស្រួល។ ពេលព្រឹកនេះអ្នកអាចសាកល្បងញុំាអាហារប្រភេទគ្រាប់ជីលាយជាមួយទឹកដោះគោជូ និងបន្ថែមផ្លែឈើខ្លះៗ វាពិតជាមានប្រយោជន៍ច្រើនជួយដល់ក្រពះពោះវៀន រួមទាំងល្អខួរក្បាលរីករាយ ហើយបង្កើនអង្គចងចាំបានល្អ និងការពារជំងឺដាច់សរសៃឈាមរបស់ខួរក្បាលផងដែរ។
២. ញ៉ាំស៊ុត១គ្រាប់ពេលព្រឹកមួយគ្រាប់នាំខួរក្បាលរីករាយគិតបានល្អលឿន។ ព្រោះស៊ុតមានផ្ទុកទៅដោយមីក្រូសារជាតិមួយហៅថា choline ដែលអាចដុតបំផ្លាញជាតិខ្លាញ់មិនល្អនៅក្នុងខ្លួន និងជួយដល់ការរំលាយអាហារឱ្យដំណើរការបានរលូន។ ជាមួយគ្នានេះ ស៊ុតក្រហមឆៅក៏សម្បូរទៅដោយវីតាមីន B និងអាស៊ីតអាមីណូដែលជួយកសាង និងរក្សាសាច់ដុំគ្មានខ្លាញ់ ដែលជាគន្លឹះជួយជំរុញថាមពលសម្រាប់អ្នកមានសុខភាពទន់ខ្សោយ និងចាំបាច់សម្រាប់ការអភិវឌ្ឍន៍ខួរក្បាលមិនងាយភ្លេចនោះទេ។
៣.ផ្លែទទឹមពិតជាមានសារធាតុប្រឆាំងអុកស៊ីតកម្មជួយពន្យារការវិវត្តនៃជំងឺភ្លេចភ្លាំងរបស់ខួរក្បាលបានយ៉ាងល្អ។ ព្រោះសារធាតុប្រឆាំងអុកស៊ីតកម្មនេះជួយពង្រឹងការចងចាំ និងមុខងារនៃការយល់ដឹង ហើយវាអាចជួយឱ្យមនុស្សវ័យចំណាស់ ចៀសពីជំងឺវង្វេងវង្វាន់ផងដែរ៕ អត្ថបទដោយ៖ ទ្រ សុភាព