១. គេងមិនគ្រប់គ្រាន់៖ តាមលោកគ្រូពេទ្យ ហួ ភារ៉ា បានលើកឡើងថា មនុស្សសម័យថ្មីហាក់មិនបានយកចិត្តទុកដាក់លើការគេង បែរជាទម្លាប់ចូលគេងដាច់យប់ ឆ្លងថ្ងៃជាប្រចាំទៅវិញ។ អំឡុងពេលដែលអ្នកគេងពេលយប់ វាប្រៀបបានដូចជាការសម្រាលបន្ទុកឱ្យតម្រងនោមធ្វើការ កាលណាយើងគេងបានតិច តម្រងនោមក៏នឹងចាប់ផ្ដើមចុះខ្សោយ។ ហើយតាមការស្រាវជ្រាវត្រូវបានបង្ហាញនៅក្នុងកិច្ចប្រជុំប្រចាំឆ្នាំរបស់សមាគមអឺរ៉ុបសម្រាប់ការសិក្សាជំងឺទឹកនោមផ្អែម (EASD) នៅទីក្រុងម៉ាឌ្រីដ អ្នកវិទ្យាសាស្ត្របានរកឃើញថាការគេងច្រើនពេកអាចបង្កើនការខូចខាតមីក្រូសរសៃឈាមចំពោះអ្នកជំងឺទឹកនោមផ្អែម 31% ។ ខណៈដែលការគេងមិនបានគ្រប់គ្រាន់អាចបង្កើនការខូចតម្រោនោមដល់ទៅ 38% ឯណោះ។

២. អាហារមានជាតិសូដ្យូម៖ ប្រភេទក្រុមអាហារមានជាតិសូដ្យូម មានដូចជាប្រភេទសាច់ក្រក ត្រីងៀត ភីក្សា មីកំប៉ុងជាដើម អាហារប្រភេទនេះ អ្នកមិនមានបញ្ហាខ្សោយតម្រងនោមគួរចៀសវាង ហើយអ្នកមានបញ្ហា កាន់តែចៀសដាច់ខាតទៀត ព្រោះជាតិសូដ្យូមគឺនឹងធ្វើឱ្យក្រលៀនខ្សោយខ្លាំងបំផុត។

៣. យោងតាមគេហទំព័រ Times of India បានលើកឡើងថា ការប្រើប្រាស់ថ្នាំបំបាត់ការឈឺចាប់អង់ទីប៊ីយូទិកលើសកម្រិត ញឹកញាប់ពេក ងាយនឹងធ្វើឱ្យមានបញ្ហាផ្សេងៗពាក់ព័ន្ធនឹងប្រព័ន្ធតម្រងនោម។ ការប្រើប្រាស់ថ្នាំបំបាត់ការឈឺចាប់រយៈពេលយូរធ្វើឱ្យតម្រងនោមខូចខាតលឿន​ ហេតុនេះបើអ្នកសង្ស័យមានបញ្ហាតម្រងនោម គប្បីគួរទៅជួបវេជ្ជបណ្ឌិតជំនាញបន្ថែមដើម្បីពិគ្រោះ ប្រឹក្សាយោបល់។ ចំណែកឯការប្រើប្រាស់ថ្នាំវិញ កុំចេះតែប្រើតាមគ្នាផ្តេសផ្តាស មុនលេបចូលទៅកុំភ្លេចពិគ្រោះជាមួយនឹងឱសថការីជំនាញដែលអ្នកបានទិញថ្នាំមកនោះផង៕ អត្ថបទដោយ៖ ទ្រ សុភាព