វេជ្ជបណ្ឌិត មិញ ចាន់ភក្តី អ្នកឯកទេសជំងឺទឹកនោមផ្អែម និងជំងឺទូទៅ នៃគ្លីនីក Family Clinic បានលើកឡើងថា ការថែទាំសុខភាពពិតប្រាកដ មិនមែនមានតែការហាត់ប្រាណនោះទេ ប៉ុន្តែត្រូវការភាពរួមបញ្ចូលគ្នារវាងការពិនិត្យសុខភាព ការចាក់វ៉ាក់សាំងការពារ និងការប្រុងប្រយ័ត្នលើទម្លាប់ប្រចាំថ្ងៃដូចគ្នា។ លោកវេជ្ជបណ្ឌិតបានបញ្ជាក់ថា បើស្ត្រីគួរតែទៅទទួលវ៉ាក់សាំងការពារមហារីកមាត់ស្បូន ហើយបើជាបុរសវិញគួរតែទៅទទួលវ៉ាក់សាំងការពារមេរោគថ្លើមប្រភេទ B។ នេះក៏ដោយសារតែ អ្នកដែលមានមេរោគថ្លើមប្រភេទ B ប្រសិនបើទទួលទានគ្រឿងស្រវឹង នឹងកាន់តែមានហានិភ័យធ្ងន់ធ្ងរចំពោះជំងឺថ្លើម។ 

ជាការពិតទៅ អ្នកដែលហាត់ប្រាណជាប្រចាំ ក៏អាចមានបញ្ហាលើសជាតិខ្លាញ់ ឬមានជាតិអាស៊ីតក្នុងឈាមខ្ពស់ដែរ។ ព្រោះមិនមានការធានាណាមួយដែលថាឱ្យតែរាងស្អាតគឺសុទ្ធតែមានសុខភាពល្អទេ។ ពាក្យថា “សុខភាព” មួយម៉ាត់មិនមែនសម្ដៅលើតែរូបរាងខាងក្រៅ ប៉ុន្តែវាទាមទារឱ្យអ្នកធ្វើការតាដាននិងត្រួតពិនិត្យសុខភាពជាប្រចាំ ដោយអនុវត្តតាមការណែនាំរបស់វេជ្ជបណ្ឌិត។ ហើយដើម្បីទទួលបានភាពជឿជាក់ក្នុងការថែរក្សាសុខភាព អ្នកគួរតែធ្វើ តេស្តឈាម ពិនិត្យទឹកនោម និងពិគ្រោះជាមួយគ្រូពេទ្យឱ្យបានជាប្រចាំ។ ដើម្បីការបង្ការ និងអាចរកឃើញភាពខុសប្រក្រតីណាមួយនៃសុខភាពរបស់យើងហើយអាចកែខៃវាបានទាន់ពេលវេលា នេះគឺជាចំណុចសំខាន់ក្នុងការរក្សាភាពរឹងមាំរបស់រាងកាយ។

គួរបញ្ជាក់ថា ការហាត់ប្រាណជាប្រចាំគឺជាទម្លាប់ល្អមួយ ប៉ុន្តែវាមិនគ្រប់គ្រាន់សម្រាប់ការរក្សាសុខភាពរបស់យើងឱ្យល្អនោះទេ។ អ្នកត្រូវបន្ថែមការពិនិត្យសុខភាព ការទទួលវ៉ាក់សាំងការពារ និងទម្លាប់រស់នៅប្រកបដោយវិន័យ។ ការស្វែងរក និងពិគ្រោះជាមួយគ្រូពេទ្យជាប្រចាំ គឺជាជំហានដ៏សំខាន់ក្នុងការធានាថា សុខភាពរបស់អ្នកត្រូវបានថែរក្សាយ៉ាងពេញលេញ។ 

ដូច្នេះបើអ្នកចង់ពិគ្រោះជំងឺ ឬចង់ទៅទទួលការព្យាបាល អាចទាក់បានតាមរយៈលេខ៖ 012 400 554 ឬតាមរយៈហ្វេសប៊ុកផេក៖ Sky Family Clinic ៕

អត្ថបទដោយ៖ សារួ