រូបភាព៖ Financial Time

គណៈកម្មការនៃសហភាពអឺរ៉ុបបានអំពាវនាវដល់រដ្ឋជាសមាជិកនានាឱ្យ ដកបម្រាមធ្វើដំណើរដែលបានដាក់ប្រឆាំងនឹងចក្រភពអង់គ្លេសចំពេលមានការភ័យខ្លាចចំពោះការរាតត្បាតកូវីដ ​១៩ ថ្មីៗទៀតនៅអង់គ្លេស ព្រោះចាប់តាំងពីបារាំងបានបិទព្រំដែនមិនឱ្យអ្នកដំណើរ និងដឹកទំនិញពីចក្រភពអង់គ្លេស កាលពីចុងសប្តាហ៍នេះ បានបង្កឱ្យមានការរំខាន និងកកស្ទះនៅកំពង់ផែភាគខាងត្បូងរបស់អង់គ្លេសដែលជាច្រកសំខាន់មួយសម្រាប់ទំនិញចូលនិងនាំចេញពីចក្រភពអង់គ្លេស ដែលធ្វើឱ្យឡានដឹកទំនិញជាង ៣០០០ គ្រឿងបានជាប់គាំង បង្កឱ្យមានការព្រមានអំពីការខ្វះខាតការផ្គត់ផ្គង់ទំនិញនៅថ្ងៃបុណ្យណូអែល។

នេះបើយោងតាមសារព័ត៌មាន BBC កាលពីថ្ងៃអង្គារនេះ។

ក្នុងកិច្ចប្រជុំរបស់ឯកអគ្គរដ្ឋទូតមកពីប្លុកដែលមានសមាជិក ២៧ រូប បណ្តាប្រទេសសហភាពអឺរ៉ុបមានសេរីភាពក្នុងការកំនត់វិធានផ្ទាល់ខ្លួនរបស់ប្រទេសលើការគ្រប់គ្រងព្រំដែនថាតើពួកគេអាចបន្តអនុវត្តគោលនយោបាយប្រទេស។ ទន្ទឹមនឹងនេះបារាំងនិងអង់គ្លេសបាននិយាយថាពួកគេបានឈានដល់កិច្ចព្រមព្រៀងដើម្បីបន្ធូរបន្ថយការរឹតត្បិតនៅព្រុំដែន។

ថ្វីត្បិតតែសហភាពអឺរ៉ុបមិនទាន់ដាក់ចេញជាសញ្ញានៃគោលនយោបាយរួម ហើយស្ទើរតែសមាជិកទាំង ២៧ នៃសហភាពអឺរ៉ុបបច្ចុប្បន្នកំពុងរារាំងអ្នកធ្វើដំណើរពីចក្រភពអង់គ្លេសមិនឱ្យចូលប្រទេសខ្លួន។ ហេតុនេះហើយ ដើម្បីអភិវឌ្ឍគោលនយោបាយរួមបន្ទាប់នៅដើមឆ្នាំក្រោយនេះ និងដោយមើលឃើញសមាជិកជិតបិទព្រំដែនដូច្នោះ សហភាពអឺរ៉ុបបានបើកកិច្ចប្រជុំបន្ទាន់។

នៅក្នុងសេចក្តីថ្លែងការណ៍មួយគណៈកម្មការបានផ្តល់អនុសាសន៍ឱ្យសមាជិករបស់ខ្លួនអនុញ្ញាតឱ្យប្រជាជនធ្វើដំណើរទៅកាន់ប្រទេសដែលពួកគេរស់នៅ តែត្រូវធ្វើតេស្តកូវីដ ១៩ សិន ឬត្រូវនៅដាច់ដោយឡែកដោយខ្លួនឯង ហើយកាត់បន្ថយឫចៀសវាងការធ្វើដំណើរដែលមិនចាំបាច់។ ផងដែរ បុគ្គលិកដឹកជញ្ជូននៅសហភាពអឺរ៉ុបដូចជាអ្នកបើកឡានដឹកទំនិញគួរតែត្រូវបានរួចផុតពីការរឹតត្បិតការធ្វើដំណើរ និងការធ្វើតេស្តចាំបាច់។

គួរបញ្ជាក់ផងដែរថា នៅចក្រភពអង់គ្លេស អ្នកបើកបរយានយន្តគួរតែតម្រូវឱ្យមានការធ្វើតេស្ត កូវីដ ១៩ មុនពេលចេញពីចក្រភពអង់គ្លេសទៅកាន់ប្រទេសបារាំង និងបណ្តាប្រទេសអ៊ឺរ៉ុបផ្សេងទៀត ដើម្បីចៀសវាងការរំខានដល់ការដឹកជញ្ជូន។

ទោះជាយ៉ាងណា កាលពីថ្ងៃអង្គារនេះ កិច្ចប្រជុំបានបញ្ចប់ តែមានសញ្ញាតិចតួចដែលថាអនុសាសន៍នឹងត្រូវបានអនុវត្ត។ សូមជម្រាបថា ជើងហោះហើរខ្លះនឹងបន្តនៅថ្ងៃពុធសម្រាប់ជនជាតិប៊ែលហ្សិកដែលវិលត្រឡប់ទៅផ្ទះវិញ ប៉ុន្តែប្រទេសអាល្លឺម៉ង់បានរិតបណ្តឹងបន្ថែមលើការហាមឃាត់ការធ្វើដំណើរ និងអ្នកដំណើររបស់ចក្រភពអង់គ្លេស។

នៅពេលដែលបញ្ជីនៃបណ្តាប្រទេសដែលដាក់កំហិតលើការធ្វើដំណើរលើចក្រភពអង់គ្លេសបានកើនឡើង ប្រធានអង្គការអឺរ៉ុបនៃអង្គការសុខភាពពិភពលោក (WHO) លោក Hans Kluge បាននិយាយថារដ្ឋជាសមាជិកនឹងកោះប្រជុំដើម្បីពិភាក្សាអំពីយុទ្ធសាស្ត្រ និងការកំណត់ការធ្វើដំណើរខណៈពេលដែលរក្សាការធ្វើពាណិជ្ជកម្មអន្តរជាតិ។ ក្រុមអ្នកជំនាញបាននិយាយថាវីរុសកូវីដប្រភេទថ្មីអាចចម្លងលឿនជាងមុន ហើយមិនងាយស្លាប់ ទេ ថែមទាំងអាចធន់នឹងវ៉ាក់ស៊ាំងទៀតផង៕

ដោយ ហៃ សុចិន្តា

ប្រភព BBC