ជារៀងរាល់ឆ្នាំកម្ពុជាមានអ្នកកើតជំងឺមហារីកថ្មីប្រមាណ ២០,០០០ករណី និងមានអ្នកស្លាប់ប្រមាណ ១៤,០០០នាក់ ដែលស្មើនឹងមនុស្សម្នាក់ស្លាប់រៀងរាល់ ៤០នាទី ឬ ៣៨នាក់ក្នុងមួយថ្ងៃ។ យោងតាមសម្តេចមហាបវរធិបតី ហ៊ុន ម៉ាណែត នៅក្នុងពិធីប្រកាសដាក់ឱ្យអនុវត្តជាផ្លូវការ “ផែនការជាតិប្រយុទ្ធនឹងជំងឺមហារីក២០២៥-២០៣០”។ បើអ្នកចង់រស់នៅឱ្យឆ្ងាយពីជំងឺមហារីក អ្នកត្រូវរស់តាមវេជ្ជពណ្ឌិត Raymond Francis ដោយគាត់ធ្វើការបញ្ជាក់ថា នៅឱ្យឆ្ងាយពីជាតិស្ករ ពង្រឹងរាងកាយ គ្មានជំងឺមហារីកនោះទេ។
កាលណាអ្នកទទួលទានសូដ្យូម(អំបិល) និងកាបូនអ៊ីតដ្រាត(ស្ករ) ច្រើនហួសហេតុពេក អ្នកនឹងប្រឈមមុខនិងហានិភ័យលើសសម្ពាធឈាម ជំងឺបេះដូង ទឹកនោមផ្អែម និងខូចខាតសរីរាង្គនាំឱ្យបង្កជំងឺមហារីកជាដើម។ ជាមួយគ្នានេះ ដើម្បីការពារហានិភ័យទាំងនេះ អ្នកត្រូវដឹងពីចំនួនបរិមាណស្ករនិងអំបិលអាចត្រូវទទួលទានប្រចាំថ្ងៃឱ្យបានច្បាស់។
តាមលោកវេជ្ជបណ្ឌិត Raymond Francis មានប្រសាសន៍ថា ជាតិស្ករកែច្នៃមិនល្អសម្រាប់រាងកាយនោះទេ វាស៊ីកោសិកាយើងឱ្យចុះខ្សោយ ឆាប់ឈឺ កើតជំងឺភ្លេចភ្លាំង និងងាយកើតជំងឺមហារីកកាន់តែលឿន។ គ្រាន់តែជាតិស្ករមួយស្លាបព្រាបាយ វាយប្រហាររាងកាយធ្លាក់ខ្សោយប្រហែល ៥០%ទៅហើយ (សម្រាប់ភេជ្ជៈមួយកំប៉ុង មានជាតិស្ករអន់ក៏ ៣ស្លាបព្រាឡើងដែរ)។ កត្តាធំមួយបង្កជំងឺមហារីកគឺជាតិស្ករកែច្នៃដែលអ្នកហូបក្នុងអាហារលើសជាប្រចាំថ្ងៃនេះឯង។
ហើយលោកវេជ្ជបណ្ឌិតបន្តថា សម្រាប់ការពារជំងឺមហារីក អ្នកគួរតែចៀសវាងឆ្ងាយពីជាតិស្ករឱ្យបានច្រើនបំផុត។ ហើយជាតិស្ករក៏អាចបង្កឱ្យកើតជំងឺបេះដូង ហើយកកើតប្រមូលផ្តុំជាតិខ្លាញ់ឱ្យអ្នកលើសគីឡូ។ ពេលអ្នកចៀសវាងឆ្ងាយពីស្ករកែច្នៃកាន់តែយូរ អ្នកកាន់តែមានសុខភាពល្អ និងអារម្មណ៍ផ្លូវចិត្តរស់នៅយ៉ាងរីករាយឆ្ងាយពីជំងឺផងដែរ។ អ្នកគួរប្តូរទម្លាប់មកហូបបន្លែ ផ្លែឈើស្រស់ ពិសារទឹកនិងគេងឱ្យបានគ្រប់គ្រាន់ អ្នកនឹងរស់នៅឆ្ងាយពីជំងឺមហារីកជាមិនខានទេ៕ អត្ថបទដោយ៖ ទ្រ សុភាព