ខ្លាញ់ជាធាតុផ្សំមួយដ៏សំខាន់ដើម្បីរក្សាមុខងាររាងកាយនិងមានតួនាទីសំខាន់ក្នុងរចនាសម្ព័ន្ធកោសិកា ការផលិតអរម៉ូន និងបញ្ចូលវីតាមីនពង្រឹងសុខភាព។ ការជ្រើសជាតិខ្លាញ់ជាកំណត់វាសនាការសម្រកគីឡូឬការឡើងគីឡូ។ មានករណីល្អជួយការពារលើសឈាម និងគាំងបេះដូង។ ប្រភេទខ្លាញ់ល្អមានគុណប្រយោជន៍ដូចជា៖
១. ប្រេងអូលីវសម្បូរសារធាតុប្រឆាំងអុកស៊ីតកម្មនិងជួយបន្ថយខ្លាញ់អាក្រក់បង្កើនខ្លាញ់ល្អក្នុងរាងកាយឡើងវិញ។ ព្រោះខ្លាញ់ Monounsaturated ត្រូវបានគេរកឃើញថាមានអត្ថប្រយោជន៍ប្រឆាំងនឹងការរលាក និងថែរក្សាសុខភាពបេះដូងហើយថែមទាំងល្អសម្រាប់អ្នកចង់សម្រកគីឡូផងដែរ។
២. ផ្លែប័រក៏មានខ្លាញ់ monounsaturated ដូចជាប្រេងអលីវដែរ។ ប្លែប័រសម្បូរទៅដោយវីតាមីន E ជាតិសរសៃ និងសមាសធាតុរុក្ខជាតិជួយកាត់បន្ថយហានិភ័យជំងឺបេះដូង និងដុតខ្លាញ់បានល្អ។ ការហូបផ្លែប័រជាមួយអាហារពេលព្រឹក ទឹកក្រឡុកឬសាឡាដ(កុំដាក់ស្ករកែច្នៃ) ជួយផ្តល់គុណប្រយោជន៍ក្នុងការគ្រប់គ្រងគីឡូបានល្អបំផុត។
៣. គ្រាប់អាល់ម៉ុនមានបរិមាណជាតិអាស៊ីតខ្លាញ់អូមេហ្គា៣ និងអូមេហ្គា៦ ក្នុងការផ្តល់នូវជាតិប្រូតេអ៊ីន ម៉ាញ៉េស្យូម និងសារធាតុប្រឆាំងអុកស៊ីតកម្មជួយដល់មុខងារខួរក្បាល កាត់បន្ថយការរលាកក្នុងរាងកាយ និងការពារជំងឺដាច់សរសៃឈាមបេះដូង។ សម្រាប់អ្នកចង់សម្រកគីឡូគួរហូបគ្រាប់អាល់ម៉ុនជួយកម្ចាត់ខ្លាញ់បានលឿន។
៤. ត្រីមានជាតិខ្លាញ់ល្អដូចជា ត្រីសាម៉ុង ត្រីធូណា ត្រីអន្កែង ត្រីរស សម្បូរទៅដោយអាស៊ីតខ្លាញ់អូមេហ្គា៣ ជួយកាត់បន្ថយការរលាក ពង្រឹងសុខភាពបេះដូង ប៉ូវខួរក្បាល។ ជាពិសេសអ្នកគួរញ៉ាំត្រីខ្លាញ់បីឬទបួនដងក្នុងមួយសប្តាហ៍ ដើម្បីផ្តល់ជាតិខ្លាញ់ល្អគ្រប់គ្រាន់សម្រាប់រាងកាយ និងបន្ថយជាតិខ្លាញ់អាក្រក់ក្នុងខ្លួន៕ អត្ថបទដោយ៖ ទ្រ សុភាព