ពេលព្រឹកជាថ្ងៃបើកទំព័រថ្មីនៃជីវិតរបស់អ្នកក្នុងថ្ងៃថ្មី។ តាមព្រះពុទ្ធបានសម្តែងថា ពេលព្រឹកជាថ្ងៃកំណើតថ្មី ចូរចិត្តរីករាយជាមួយជីវិតពេលបច្ចុប្បន្ននេះ ទើបចិត្តមានក្តីសុខ។ ហេតុនេះវាជារឿងចាំបាច់បំផុតដែលអ្នកត្រូវធ្វើឱ្យពេលព្រឹករបស់អ្នកស្រស់ស្រាយជាមួយទម្លាប់ទាំង ៣នេះ៖
១. រីករាយជាមួយកាហ្វេ១កែវ៖ ការផឹកកាហ្វេអត្ថប្រយោជន៍នាំអារម្មណ៍រីករាយ។ តាមរយៈគេហទំព័រ healthline បានបញ្ជាក់ថា កាហ្វេ ១កែវទៅ៣កែវក្នុងមួយថ្ងៃ ជួយកាត់បន្ថយហានិភ័យនៃជំងឺវងេ្វង ឬជំងឺភ្លេចភ្លាំង រហូតដល់៧០ភាគរយ (ក្នុងវ័យ៧០ឆ្នាំ) ដើម្បីជួយជំរុញដល់ស្មារតីឱ្យធ្វើការងារមានលទ្ធផល កាត់បន្ថយភាពស្មុគស្មាញផ្លូវចិត្តជំនួយដោយអារម្មណ៍មានក្តីសុខមកវិញ។ កុំបន្ថែមជាតិស្ករចូលក្នុងកាហ្វេច្រើនពេក។
២. ចូរផឹកទឹកមួយកែវ៖ ការផឹកទឹកពេលអ្នកភ្ញាក់ពីគេងភ្លាមៗ វាមានសារៈសំខាន់ណាស់ ពីព្រោះរាងកាយរបស់យើងបានបាត់បង់ជាតិទឹកជាច្រើនពេលដែលយើងកំពុងគេងលក់នោះ។ តាមលោកវេជ្ជបណ្ឌិតRaymond Francis បានណែនាំឱ្យយើងផឹកទឹកពេលព្រឹកមួយកែវដើម្បីលាងជាតិពុលក្នុងសរសៃឈាមរបស់យើង ដើម្បីរត់បានស្រួល មានកម្លាំង និងងាយស្រួលបន្ទោបង់ផងដែរ។ ជាពិសេសខួរក្បាលស្រស់ស្រាយបានស្រូបជាតិទឹក។
៣. ប្រើរាងកាយនាំចិត្តរីករាយ៖ ធ្វើចលនាតិចតួច ពេលអ្នកក្រោកពីគេង និងជួយឱ្យខួរក្បាលដំណើរការល្អ ជំនួយការចងចាំ ជម្រុញការគិតឆ្លាតងាយរកវវិធីដោះស្រាយបញ្ហាទប់ទល់នឹងការថប់អារម្មណ៍ និងធ្វើឱ្យផ្លូវចិត្តមានលំនឹង។ អ្នកអាចចំណាយពេល១០ទៅ១៥ឬ២០នាទី ធ្វើចលនារាងកាយ ដោយសាររត់ ដើរ យោគៈ ឬជិះកង់ជាដើម។ តាមការសិក្សាគេរកឃើញថាមនុស្សពេញវ័យដែលអសកម្មភាពរាងកាយ និងមិនបានហាត់ប្រាណទៀងទាត់ ប្រឈមនឹងជំងឺវង្វេងជាមនុស្សដែលមានសកម្មភាពរាងកាយ១ដង៕ អត្ថបទដោយ៖ ទ្រ សុភាព