ទោះបីយើងស្ថិតនៅក្នុងស្ថានការលំបាកកម្រិតណាក៏ដោយ អ្វីដែលសំខាន់ជួយសង្រ្គោះជីវិតនេះ ឱ្យល្អប្រសើឡើងវិញនោះ គឺយើងត្រូវមានឥរិយាបថជាវិជ្ជមាន។ នេះជាសម្តីមាសរបស់មហាសេដ្ឋីចិត្តធម៌ជាងគេក្នុងលោកនេះ គឺលោក Andrew Carnegie នេះឯង។ គាត់ចង់ឱ្យអារម្មណ៍គិតថា ពេលមានបញ្ហាលំបាកអ្វីមួយកើតឡើងក្នុងជីវិតនេះ ទោះបីយើងជាអ្នករកស៊ី និងធ្វើកិច្ចការអ្វីមួយ យើងត្រូវមានគំនិតវិជ្ជមានថា វាជាឱកាស វាជាមេរៀន ហើយត្រូវចេះសម្រួលអារម្មណ៍ឱ្យចិត្តត្រជាក់ៗ ទើបការដែលដោះស្រាយបញ្ហានេះ មានប្រសិទ្ធភាពខ្ពស់។ ហើយនាំឱ្យមនុស្សជុំវិញខ្លួនយើង មានអារម្មណ៍ជាសុខផងដែរ។ លោកបានបន្ថែមថា “កន្លែងណាមានភាពជោគជ័យតិច ក្តីសប្បាយរីករាយក៏តិចដែរ។ ព្រោះអារម្មណ៍មានក្តីសុខ មានតម្លៃជាងទ្រព្យសម្បត្តិ។”

ការរស់នៅលោក Carnegie ទោះបីគាត់មានព្រទ្យសម្បត្តិមហាសាលមែន ប៉ុន្តែគាត់តែងចំណាយប្រាក់ក្នុងផ្លូវឱ្យត្រឹមត្រូវ និងរស់នៅក្នុងជីវិតសាមញ្ញ។ គាត់បានផ្តាំយុវជនថា មនុស្សយើងត្រូវអភិវឌ្ឍទាំងចិត្តគំនិត និងរាងកាយឱ្យរឹងមាំ ដើម្បីមានសមត្ថភាពប្តូរពីទុក្ខលំបាក ទៅជាសេចក្តីសុខវិញ។ ជាពិសេសកុំផឹកគ្រឿងស្រវឹងឱ្យសោះ ទោះបីវាចំនួនតិចក៏ដោយ វាមិនល្អដល់សុខភាពយើងទេ។ ព្រោះយើងត្រូវរាងកាយរឹងមាំ និងគំនិតមុតស្រួច ដើម្បីសម្រេចគោលដៅក្នុងជីវិត។ ហើយគាត់បញ្ជាក់ពីខ្លួនគាត់បន្ថែមថា ខ្ញុំមិនធ្វើអំពើអាក្រក់ ឬទង្វើណាមួយទេ ដោយសារតែគ្រឿងស្រវឹងជាដាច់ខាត។ ព្រោះការសម្រេចជោគជ័យ និងក្តីសុខក្នុងជីវិតមួយនេះ ត្រូវសុខភាព កម្លាំងស្មារតីភ្លឺស្វាង និងបេះដូងមានក្តីស្មោះត្រង់ផងដែរ៕ ខ្ញុំមានជំនឿថា ផ្លូវឆ្ពោះទៅរកភាពជោគជ័យជាបន្តបន្ទាប់ គឺអ្នកត្រូវធ្វើជាម្ចាស់នៃភាពស្មោះត្រង់នឹងការងារ។ សម្តីមាសរបស់លោក Andrew Carnegie

អត្ថបទដោយ៖ ទ្រ សុភាព