ប្រជាជនយើងជាច្រើនតែមានទម្លាប់មួយគឺពេលដែលឈឺមិនស្រួលខ្លួនដូចជាឈឺក្បាលអស់កម្លាំង វិលមុខក្ដៅខ្លួនខ្យល់គដួលសន្លាប់ជាដើមគឺចូលចិត្តប្រើវិធីដើម្បីព្យាបាលជំងឺនិងឱ្យធូរស្បើយឡើងជាទម្លាប់ទៅហើយគឺ កោសខ្យល់។
តើការកោសខ្យល់ជួយឱ្យស្ថានភាពជំងឺធូរស្បើយ និងមានផលប៉ះពាល់ដល់រាងកាយដែរឬទេ?
ជាការពិតណាស់បានតាមការចែករំលែករបស់អ្នកឧកញាវេជ្ជបណ្ឌិត គួច ម៉េងលី បានបញ្ជាក់ឱ្យដឹងថាវិធីកោសខ្យល់គឺបានមកពីប្រទេសចិនតាំងពីរាប់ពាន់ឆ្នាំមកហើយ ឆ្លងកាត់ការផ្លាស់ប្ដូរពីមួយជំនាន់ទៅមួយជំនាន់រហូតមកដល់ប្រទេសអាស៊ីយើងនេះ។កាលពីមុនការកោសខ្យល់គឺគេកោសតិចៗធម្មតាៗទេ តែពេលឆ្លងមកដល់អាស៊ីវិធីកោសខ្យល់គឺរីករាលដានខ្លាំងៗឡើងអាចថាជាវិធីពេញនិយមមួយពេលឈឺគឺចូលចិត្តកោសខ្យល់។
តួយ៉ាងអ្នកឧកញ្ញាបានបន្តថានៅសរីរាង្គនៅក្នុងខ្លួនរបស់យើងឬហៅថាប្រព័ន្ធការពាររាងកាយរបស់យើង គឺតែងមានការឆ្លើយតបឬក៏ប្រឆាំងជាមួយមេរោគដែលចូលមកឈ្លានពានក្នុងរាងលកាយ។ជាឧទាហរណ៍ក្នុងខ្លួនយើងកំពុងតែឆ្លងមេរោគ បាក់តេរី វីរុសជាដើម។ជា ហេតុបណ្ដាលឱ្យសរីរាង្គនៅក្នុងខ្លួនរបស់យើងកើតមានប្រតិកម្មឡើងមក ទ័ពពិសេសជួរមុខក្នុងខ្លួនមនុស្សមាន៣គឺឈាមក្រហម ឈាមស និងឈាមប្លាកែតហើយឈាមសនេះ គឺឈាមស ដែលមានមុខងារទៅសម្លាប់មេរោគនៅពេលដែលមានរបួសមានបំបៅកើតឡើងម្ដងៗ។
មួយវិញទៀតកាលណាឈាមសប្រឆាំងជាមួយមេរោគគឺធ្វើឱ្យឈាមសបញ្ចេញមកច្រើននិងបង្កើតទៅជាកម្ដៅឡើងមក ដែលជាហេតុបណ្ដាលឱ្យយើងកើតមានអាការក្ដៅខ្លួនឡើងមកបែបនិង។អ្នកឧកញ្ញាបានបន្ដបន្ថែមថានៅពេលក្ដៅខ្លួនគេមិនណែនាំមិនសូវឱ្យញុំាថ្នាំទេ តែគេចូលចិត្តឱ្យជូតខ្លួនវិញល្អ។ តែប្រសិនជាដល់កម្រិតក្ដៅខ្លាំងមិនបាត់បានគេឱ្យញុំាថ្នាំព្រោះដើម្បីការពារការរលាកស្រោមខួរឡើងមក។
ប៉ុន្ដែជាក់ស្ដែងនៅជំនាន់ដើម មិនមានជាប្រភេទថ្នាំដែលបំបាត់កម្ដៅនៅក្នុងខ្លួនបានទេជាហេតុមួយគឺប្រើវិធីកោសខ្យល់នេះឡើងមក។ ការកោសខ្យល់នេះមានប្រយោជន៍ត្រង់ថាគឺដើម្បីទៅបំបែកសរសៃចេញជាតិក្ដៅ ពីក្នុងខ្លួនដើម្បីធ្វើឱ្យឈាមរត់ស្រួលធម្មតាមកវិញលែងក្ដៅសីតុណ្ហភាពក្នុងខ្លួនថយចុះ។ប៉ុន្ដែមិនអាចព្យាបាលជាគ្រប់ជំងឺនោះឡើយជាឧទារហណ៍ដូចជាជំងឺមហារីក បាក់ឆ្អឹង យើងមិនអាចព្យាបាលប្រើវិធីកោសខ្យល់ឱ្យជានោះគឺមិនបានទេ ហើយចំពោះការកោសខ្យល់វិញមិនមែនកោសខ្លាំងធ្វើឱ្យអ្នកជំងឺឈឺខ្លាំងរើបម្រាស់ឡើងអស់កម្លាំង ចង់សន្លាប់ទម្រាំតែកោសហើយនោះទេ គឺកោសតិចៗធម្មតាៗទៅបានហើយ។ជាងនេះទៅទៀតសម្រាប់អ្នកដែលកើតខ្យល់គ មិនថាមនុស្សចាស់ឬក៏ក្មេងគឺជាសញ្ញាបង្ហាញថាចង់កើតអាការគាំងបេះដូងឡើងមកហើយត្រូវប្រយ័ត្ន។តែអ្នកមិនដឹងមិនព្រមនាំអ្នកជំងឺទៅព្យាបាលពេទ្យបែរជាប្រើវីធីកោសខ្យល់ឱ្យអ្នកជំងឺសម្រាកទៅវិញអ្នកឧកញ្ញាបានប្រាប់ថាបើមានអាការខ្យល់គជាលើកទី២អាចប៉ះពាល់ដល់អាយុជីវិតបានឬពេលភ្លាមៗនឹងអាចបាត់បង់ជិវិតបាន។
ជាចុងក្រោយការកោសខ្យល់ក៏បានផ្ដល់ជាផលប្រយោជន៍ដូចគ្នាពេលដែលក្ដៅខ្លួនកោសទៅនាំឱ្យកម្ដៅក្នុងខ្លួនថយចុះប្រសើរជាងមុន។តែប្រសិនណាអ្នកជំងឺខ្យល់គ ប្រើវិធីកោសខ្យល់ ហើយកុំទុកឱ្យគាត់សម្រាកតែម្យ៉ាងឱ្យសោះ ត្រូវប្រញាប់ទៅព្យាបាលនៅមន្ទីរពេទ្យជាបន្ទាន់ព្រោះអាចជារោគសញ្ញាជំងឺគាំងបេះដូងអាចបណ្ដាលឱ្យស្លាប់បាត់បង់ជីវិតភ្លាមៗចៀសវាងមានការស្ដាយក្រោយដោយសារមិនដឹងពីវិធីសង្រ្គោះច្បាស់៕
អត្ថបទដោយ៖ប៉ែត ធីតា