អ្នកឯកទេសរោគសាស្ត្រជនជាតិចិនទទួលបន្ទុកមន្ទីរពិសោធន៍បានឆ្លើយតបនឹងមន្រ្តីអាមេរិកដែលថាចិនទំនងជាប្រភពនៃរោគរាតត្បាត Covid-19 ដោយបញ្ជាក់ថាមិនមានវីរុសណាមួយអាចរួចផុតពីមន្ទីរពិសោធន៍របស់គាត់ទេ នេះបើតាមសេចក្តីរាយការណ៍របស់សារព័ត៌មាន RT។
លោក Yuan Zhiming ប្រធានមន្ទីរពិសោធន៍ជីវសុវត្ថិភាពជាតិ (NBL) បានប្រាប់កាសែតក្នុងស្រុកចិនថា"មន្ទីរពិសោធន៍របស់យើងមិនត្រឹមតែមានហេដ្ឋារចនាសម្ព័ន្ធជីវឧស្ម័នខ្ពស់ប៉ុណ្ណោះទេ យើងក៏បានបង្កើតនូវសំណុំបែបបទ Protocol ជីវសុវត្ថិភាពដើម្បីធានាថាមន្ទីរពិសោធន៍ដំណើរការដោយសុវត្ថិភាពនិងប្រសិទ្ធភាព" ។ ប្រតិបត្តិការ NBL នៃមន្ទីរពិសោធន៍ជាច្រើនរួមទាំងអ្វីដែលគេហៅថា“ Wuhan P4 Lab” បានបំពេញបញ្ចប់កិច្ចសហប្រតិបត្តិការជាមួយបារាំងកាលពីឆ្នា២០១៥ និងជាកន្លែងតែមួយគត់នៅក្នុងប្រទេសចិនដែលគេស្គាល់ជាសាធារណៈ ដែលមានចំណាត់ថ្នាក់ជីវសុវត្ថិភាពកម្រិត ៤ ដែលជាកំរិតខ្ពស់បំផុត។
ទាក់ទិននឹងបទចោទប្រកាន់នេះ មន្ត្រីកំពូល ៗ របស់សហរដ្ឋអាមេរិកដូចជារដ្ឋមន្រ្តីក្រសួងការបរទេសលោក Mike Pompeoបានអះអាងថាមានភ័ស្តុតាងជាច្រើនដែលថាការផ្ទុះឡើងនៃ Covid-19 នៅក្នុងទីក្រុង Wuhan បានចាប់ផ្តើមជាមួយនឹងការលេចធ្លាយវីរុសចេញពី Wuhan Institute of Virology ដែលជាកន្លែងធ្វើជាមន្ទីរពិសោធន៍ P4 ។
ផងដែរ មានរបាយការណ៍អាមេរិកខ្លះបានអះអាងថា នៅវិទ្យាស្ថានចិនមិនសូវគិតសុវត្ថិភាពជាសំខាន់ ដោយលើកឡើងពីកង្វល់កន្លងមករបស់អ្នកការទូតអាមេរិក។
តបនឹងអំណះអំណាងរបស់អាមេរិក លោក Yuan បានផ្តល់បទសម្ភាសន៍ដល់កាសែត The Science and Technology Dailyដែលជាកាសែតផ្លូវការនៃបណ្ឌិត្យសភាវិទ្យាសាស្ត្រចិន (The Chinese Academy of Sciences) ដើម្បីឆ្លើយតបទៅនឹងពាក្យចោទពីទីក្រុង Washington ថាជាសកម្មភាពធ្វេសប្រហែសរបស់ចិន។
លោក Yuan បានពណ៌នាលម្អិតអំពីសំណង់មន្ទីរពិសោធន៍ P4 ដែលមានរចនាសម្ព័ន និងឧបករណ៍សម្ពាធអវិជ្ជមាន បូករួមទាំងនីតិវិធីប្រតិបត្តិការ និងការបណ្តុះបណ្តាលបុគ្គលិកសន្តិសុខនិងការត្រួតពិនិត្យយ៉ាងឯករាជ្យបំផុត។ លោកបានសង្កត់ធ្ងន់ថា “វិធានការណ៍ទាំងអស់នេះធានាថាគ្មានមេរោគណាអាចត្រូវបានលេចធ្លាយចេញពីបន្ទប់ពិសោធន៍ឡើយ” ។
ទោះជាយ៉ាងណា ក៏ Washington នៅតែបន្តការទាមទារសំណងពីទីក្រុង Beijing ចំពោះការខូចខាតដែលបណ្តាលមកពីវីរុសនេះ។បច្ចុប្បន្នសហរដ្ឋអាមេរិកដឹកនាំលើករណីដែលបានកំណត់អត្តសញ្ញាណនិងអ្នកស្លាប់ពី Covid-19 ដោយចំនួនអ្នកស្លាប់មានដល់ទៅ ៨០.០០០ នាក់។ក្រុមអ្នករិះគន់ក្នុងស្រុករបស់លោកប្រធានាធិបតី Donald Trump បានចោទប្រកាន់លោកពីបទរំខានដល់ការឆ្លើយតបរបស់ប្រជាជាតិចំពោះវិបត្តិសុខភាព៕
ប្រភព RT
ប្រែសម្រួលដោយ៖Sochenda Hai