នៅថ្ងៃទី៥ ខែកញ្ញា ឆ្នាំ២០២៥ នេះ ឯកឧត្តម សុខ សំណាង ជំនួយការសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជាតំណាងអោយមូលនិធិ(GLS)និងជាប្រធានកិត្តិយសសមាគមគ្រូពេទ្យព្យាបាលដោយចលនាកម្ពុជា ចូលរួមអមដំណើរជាមួយ ឯកឧត្តម ម៉ម ប៊ុននាងប្រធានគណៈកម្មការអង្កេត បោសសម្អាត និងប្រឆាំងអំពើពុករលួយ នៃព្រឹទ្ធសភាកម្ពុជា ដើម្បីនាំយកអំណោយជា ឧបករណ៍វេសាស្ត្រ ឱសថ និងសម្ភារៈប្រើប្រាស់ប្រចាំថ្ងៃ ដល់ខេត្តត្បូងឃ្មុំ ខេត្តកំពង់ចាម ខេត្តស្ទឹងត្រែង និងព្រះវិហា ដែលជាជំនួយមូលនិធិចែករំលែកសង្គ្រោះជីវិតសកល (Global Life Sharing)នៃសាធារណរដ្ឋកូរ៉េ។
ឯកឧត្តម ម៉ម ប៊ុននាង ប្រធានគណៈកម្មការទី១០ព្រឹទ្ធសភា តំណាងដ៏ខ្ពង់ខ្ពស់របស់ឯកឧត្តម អ៊ុច បូររិទ្ធ ប្រធានស្តីទីព្រឹទ្ធសភា បានអញ្ជើញប្រគល់ឱសថ និងសម្ភារៈប្រើប្រាស់ប្រចាំថ្ងៃ ជូនរដ្ឋបាលរដ្ឋបាលស្រុកស្រីសន្ធរ ខេត្តកំពង់ចាម និងរដ្ឋបាលស្រុកក្រូចឆ្មារ ខេត្តត្បូងឃ្មុំ នៅសាលពិសេស វិមានព្រឹទ្ធសភា។
បន្ថែមពីលើនេះ ឯកឧត្តម ម៉ម ប៊ុននាង ក៏បានអញ្ជើញប្រគល់ ឱសថ ឧបករណ៍វេសាស្ត្រ និងសម្ភារៈប្រើប្រាស់ប្រចាំថ្ងៃ ជូនរដ្ឋបាលខេត្តស្ទឹងត្រែង និងខេត្តព្រះវិហារ នៅសាលពិសេស វិមានព្រឹទ្ធសភា។
អំណោយដែលប្រគល់ជូនរដ្ឋបាលខេត្តទាំង៤ នាពេលនេះ គឺជាអំណោយរបស់ព្រឹទ្ធសភា និងមូលនិធិចែករំលែកសង្គ្រោះជីវិតសកលនៃសាធារណៈរដ្ឋកូរ៉េ។
ឆ្លៀតក្នុងឱកាសនេះ ឯកឧត្តម សុខ សំណាង ក៏សូមថ្លែងអំណរគុណដល់លោក MIN BYONG JANG នាយកគ្រប់គ្រងអគារ PGCT ដែលតែងតែជួយសម្របសម្រួលការងារមូនិធិកូរ៉េ ក៏ដូចជាផ្តល់ទីតាំងសម្រាប់ទំនាក់ទំនង ប្រជុំកិច្ចការសប្បុរសធម៌នេះ ដែលផ្តល់ភាពងាយស្រួលរវាងភាគីកម្ពុជា និងកូរ៉េដើម្បីសហប្រត្តិបត្តិការការងារ ផ្តល់នូវផលប្រយោជន៍ជាច្រើនដល់ប្រជាជនខ្មែរយើង។
សូមបញ្ជាក់ថាកន្លងមក តាមរយៈឯកឧត្តមសុខ សំណាង បាននាំយកអំណោយ ជាជំនួយមូលនិធិចែករំលែកសង្គ្រោះជីវិតសកល (Global Life Sharing)នៃសាធារណរដ្ឋកូរ៉េ រួមមានថ្នាំពេទ្យ ស្បៀងអាហារ និងសម្ភារៈប្រើប្រាស់ប្រចាំថ្ងៃ ដែលត្រូវបានចែកចាយទៅតាមរាជធានីភ្នំពេញ និងខេត្តសំខាន់ៗចំនួន ១៣ រួមមាន៖ កណ្តាល កំពង់ស្ពឺ ឧត្តរមានជ័យ បន្ទាយមានជ័យ កំពង់ចាម ត្បូងឃ្មុំ បាត់ដំបង ពោធិ៍សាត់ ព្រៃវែង ស្វាយរៀង ព្រះវិហារ សៀមរាប និងស្ទឹងត្រែង៕
