ជំងឺគ្រុនស្វិតដៃជើងគ្មានថ្នាំព្យាបាលទេ ប៉ុន្តែអាចការពារបានដោយថ្នាំបង្ការ! សូមអញ្ជើញពុកម៉ែបងប្អូន នាំកុមារដែលមានអាយុក្រោម៥ឆ្នាំទាំងអស់ មកទទួលថ្នាំបង្ការជម្ងឺគ្រុនស្វិតដៃជើង ដូសបន្ថែម ឱ្យបាន២ដងបន្ថែមទៀតដោយឥតគិតថ្លៃ ឱ្យបានគ្រប់ៗគ្នា ទោះបីកុមារធ្លាប់បានទទួលគ្រប់ចំនួន ឬមិនទាន់គ្រប់ចំនួន ឬមិនធ្លាប់បានទទួលថ្នាំបង្ការ ឬទើបនឹងទទួលរួចថ្មីៗនេះមកហើយក៏ដោយ។
កាលបរិច្ឆេទ៖ លើកទី១៖ ចាប់ពីថ្ងៃទី៣០ ខែមីនា ដល់ថ្ងៃទី១០ខែមេសា ឆ្នាំ២០២៦
លើកទី២៖ ចាប់ពីថ្ងៃទី៤ ដល់ថ្ងៃទី១៤ខែឧសភា ឆ្នាំ២០២៦
នៅ ៨ រាជធានី ខេត្ត៖ ខេត្តព្រះវិហារ ស្ទឹងត្រែង រតនគិរី មណ្ឌលគិរី ឩត្តរមានជ័យ បន្ទាយមានជ័យ កណ្តាល និងរាជធានីភ្នំពេញ នៅតាមទីតាំងដែលមានចងបដាសម្គាល់នៅក្នុងភូមិ សាលារៀន ឬមណ្ឌលសុខភាព។
ជំងឺគ្រុនស្វិតដៃជើងគ្មានថ្នាំព្យាបាលទេ ប៉ុន្តែអាចការពារបានដោយថ្នាំបង្ការ! សំរាប់ព័ត៌មានបន្ថែម សូមសាកសួរ ប្រធានភូមិ ក្រុមទ្រទ្រង់សុខភាពភូមិ ឬបុគ្គលិកមណ្ឌលសុខភាព ដែលនៅជិតលោកអ្នកបំផុត។ យុទ្ធនាការនេះរៀបចំដោយកម្មវិធីជាតិផ្តល់ថ្នាំបង្ការនៃមជ្ឈមណ្ឌលជាតិគាំពារមាតានិងទារក នៃក្រសួងសុខាភិបាលនៃព្រះរាជាណាចក្រកម្ពុជា។ យោងតាម៖ UNICEF Cambodia - ដើម្បីកុមារគ្រប់រូប
