អ្នកជំនាញព្យាករណ៍ថា ឆ្នាំ ២០៥០ជំងឺមហារីក អាចរីករាលដាលពេញពិភពលោកើនរហូតដល់៧៧%
យោងតាមរយៈការចុះផ្សាយរបស់cnnកាលពីខែ មេសា ឆ្នាំ ២០២៤ គេបានព្យាករណ៍ថា នៅក្នុងឆ្នាំ ២០៥០ខាងមុខជំងឺមហារីកថ្មី និងកើតមានឡើងប្រមាណ ៣៥លានករណីទៀត នៅឆ្នាំ ២០៥០គឺវាស្មើនឹង៧៧ភាគរយនៅទូទាំងពិភពលោកនេះបើយោងតាមរបាយការណ៍របស់wHO។ ជាក់ស្ដែង ជំងឺមហារីកនិងកើតមានឡើងច្រើនទៅលើប្រទេសដែលមានចំណូលទាប និងក៏កើតច្រើនលើប្រទេសអ្នកមានដូចគ្នា ដោយសារកត្តាបង្កជាច្រើន ដូចជា ជំងឺធាត់លើសទម្ងន់ខ្លាំង ការជក់បារី ការញុំាអាហារមិនល្អៗ កត្តារស់នៅជាដើម ទាំងអស់នេះសុទ្ធសឹងជាកត្តាបង្កជាជំងឺមហារីកឡើងមក។
តាមប្រភពដដែលបានបញ្ជាក់ថាតាមរយៈការចេញផ្សាយរបស់ CA: A Cancer Journal for Cliniciansកាលពីឆ្នាំ២០២២គេបានរកឃើញអ្នកកើតជំងឺមហារីកទូទៅលើពិភពលោកកើតមានប្រមាណ២០លាននាក់ និងប្រមាណ៩.៧លាននាក់បានស្លាប់ដោយសារជំងឺមហារីក។ បន្ថែមលើសពីនេះ បើតាមការប៉ានប្រមាណ របស់អ្នកសិក្សាគេបានបញ្ជាក់ថា ១នាក់ ក្នុងចំណោម៥នាក់ គឺអាចប្រឈមជំងឺមហារីកកើតឡើង។
នៅក្នុងឆ្នាំ ២០២២គេបានសិក្សារកឃើញម្ដងហើយថា សម្រាប់ជំងឺមហារីកទូទៅដែលជាប់លំដាប់ថ្នាក់លេខ១ទូទៅពិភពលោក គឺជាប្រភេទជំងឺមហារីកសួត ជំងឺមហារីកស្បួន ជំងឺមហារីកពោះវៀនធំ ជំឺងឺមហារីកទាំង៣នេះគឺជាជំងឺមហារកដែលកើតច្រើនណាស់ហើយបានសម្លាប់មនុស្សអស់ច្រើនដូចគ្នា។ ដូច្នេះហើយបងប្អូនត្រូវបង្កើនការប្រុងប្រយ័ត្នឱ្យមែនទែន ញុំាអាហារល្អៗ រស់នៅស្អាត ឧស្សាហ៍ធ្វើលំហាត់ប្រាណឱ្យបានទៀងទាត់ និងចៀសវាងកត្តាជម្រុញជំងឺមហារីកផ្សេងៗ៕