សព្វថ្ងៃនេះមានបងប្អូនភាគច្រើនតែងតែជួបបញ្ហាឈឺក្បាលជាញឹកញាប់ មិនថាប្រុសឬស្រី ក្មេងឬចាស់នោះទេ ពេលខ្លះឈឺពេញក្បាល ពេលខ្លះឈឺតែមួយចំហៀងក្បាល ពេលខ្លះទៅក៏ឈឺយូរ ពេលខ្លះក៏ឆាប់បាត់ វាអាស្រ័យទៅតាមការឈឺក្បាលតិចឬខ្លាំង ហើយវាកើតមានឡើងពាសពេញសកលលោក ។ តើវាកើតឡើងដោយសាអ្វី? ហើយតើយើងមានដំណោះស្រាយអ្វីខ្លះ ដើម្បីកាត់បន្ថយអាការៈបែបនេះ?យោងទៅតាមប្រសាសន៍របស់លោក ឧកញ៉ាវេជ្ជបណ្ឌិត គួច ម៉េងលីនៅក្នុងយូធូបរបស់លោកផ្ទាល់បានមានប្រសាសន៍ថា«ការឈឺក្បាលគឺជាជំងឺដែលគ្មានរោគសញ្ញា ភាគច្រើនគឺយើងអត់ដឹងថាកើតឡើងមកពីអ្វីនោះទេ ភាគច្រើនកើតលើនារីៗ ហើយយើងអាចស្ទាបស្ទង់មើលថាបរិស្ថានដែលយើងរស់នៅជុំវិញខ្លួន វាអាចកើតចេញពីដំណពូជ ឬក៏ពេលខ្លះគឺកើតចេញពីបញ្ហាផ្លូវចិត្តរបស់ពួកគាត់ កើតចេញពីការស្លន់ស្លោពេក បញ្ហាសតិអារម្មណ៍ផ្សេងៗ ជាដើម។ ទាំងនេះហើយគឺជារោគសញ្ញាដែលបណ្ដាលអោយឈឺក្បាល បើសំរាប់បុរសវិញ ក៏មានបញ្ហាបែបនេះដែរតែវាមិនញឹកញាប់ពេកនោះទេពេលខ្លះដោយសារសំលេងរំខានផ្សេងៗ ។ លោកឧកញ៉ាវេជ្ជបណ្ឌិត គួច ម៉េងលី បានបញ្ជាក់ទៀតថា ជំងឺឈឺក្បាលប្រកាំងនេះដោយសាតែ ទីកន្លែងដែលមានខ្លឹនមិនល្អ ជះពន្លឺខ្លាំងពេក ស្មុគស្មាញ ក៏ធ្វើឱ្យគាត់កើតជំងឺផ្លូវចិត្តស្របគ្នាដែរ ហើយឈឺក្បាលគឺវាពិបាកនិងព្យាបាលដែរ។ តែ លោកឧកញ៉ាវេជ្ជបណ្ឌិត គួច ម៉េងលី បានបញ្ជាក់ទៅបងប្អូនអំពីកាប្រើប្រាស់ថ្នាំឆាប់បាត់និងមានប្រសិទ្ធភាព ដែរត្រូវនិងជំងឺឈឺក្បាលប្រកាំង ដែលគេមានដាក់ពាក្យ MIGRAINE HEADACHE និងថ្នាំ EXCEDRIN ឬ IBUOPROFRN ក្រៅពីប្រើថ្នាំទាំងនេះអាចទៅរកកន្លែងដែរស្ងៀមស្ងាត់ ឬ ទៅរកកន្លែងដែលមានបរិយាកាសស្រស់ស្រាយ កុំឱ្យបងប្អូនមានអារម្មណ៍ថាស្មុគស្មាញគិតច្រើនព្រោះវាមានបញ្ហាអាចប៉ះពាល់ដល់ប្រព័ន្ធប្រាសាទ ឈានដល់ដាច់សរសៃខួរក្បាល ។
និយាយឲ្យខ្លីមកការឈឺក្បាលប្រកាំងគឺមិនមែនត្រឹមតែជាការឈឺចាក់ក្នុងក្បាលតែមួយមុខ នោះទេវាក៏អាចបណ្ដាលឲ្យប៉ះពាល់ដល់សមត្ថភាពរបស់បុគ្គលម្នាក់ៗបានថែមទៀតផង។ លើសពីនេះទៀតនោះឈឺក្បាលប្រកាំងក៏អាចបណ្ដាឲ្យមានការឈឺចាប់ក្នុងទម្រង់ជាច្រើន និងអាចបណ្ដាលឲ្យមានផលវិបាកគម្រាមកំហែងដល់អាយុជីវិតបានទៀតផង។ ហេតុនេះបើមានការឈឺរុំារ៉ៃឬដូសសញ្ញាលើកឡើងខាងលើ សូមបងប្អូនប្រញាប់ទៅឱ្យពេទ្យពិនិត្យនិងទទួលការព្យាបាលឱ្យបានត្រឹមត្រូវតាមវេជ្ជបញ្ជា។
អត្ថបទដោយ៖ ជុជ ណាឃីម