មនុស្សនៅសង្គមរបស់យើងមានអ្នកធាត់ច្រើន មកពីគ្មានការលំហាត់ប្រាណ និងរបបអាហារមិនល្អ ពិសេសមានជាតិខ្លាញ់ និងស្ករច្រើន។ ពីមនុស្សធាត់បានប្រែក្លាយជាអ្នកមានគោលដៅកាយវប្បកម្ម គឺលោក Alastair Wilson តើគាត់បានប្រែក្លាយខ្លួនគាត់បែបណា?
នៅឆ្នាំ ២០១២ លោក Alastair Wilson មានអាយុប្រហែង ២០ ឆ្នាំ ដែលមានទម្ងន់ ២៨០ ផោន ដែលមានសញ្ជាតិស្តុតឡេន។ ជំងឺធាត់នេះ បានជះឥទ្ធិពលអាក្រក់មកលើសុខភាពរបស់គាត់ជាខ្លាំង។ លោក Alastair Wilson បានដឹងថា គាត់ត្រូវការផ្លាស់ប្តូរអ្វីយ៉ាង ដើម្បីឱ្យជីវិតរបស់គាត់បានល្អប្រសើរ ហើយគាត់បានចាប់ផ្តើមទៅកន្លែងហាត់ប្រាណ ដើម្បីសុខភាពល្អ និងសម្រកគីឡូ។
គាត់បានដឹងថា របបអាហាររបស់គាត់មានភាពស្មុគស្មាញធ្វើឱ្យគាត់មានជំងឺធាត់ខ្លាំង មកពីគាត់ហូបអាហារមានជាតិខ្លាញ់ច្រើន។ លោក Wilson បាននិយាយថា “ខ្ញុំមិនបានមើលថែខ្លួនឯងឱ្យបានល្អ ប៉ុន្តែខ្ញុំអាចធ្វើការផ្លាស់ប្តូរជិវិតនះបាន។” គាត់ព្យាយាមហាត់ប្រាណ និងគោរពរបបអាហារឱ្យបានត្រឹមត្រូវ គាត់បានសម្រកគីឡូនៅសល់ ១៦៨ ផោន។
ពេលគាត់ហាត់កាយវប្បកម្ម លោក Alastair Wilson ត្រូវបរិភោគស៊ុពណ៌សចំនួន ៦ដុំ សាច់អាំង ៤០០០ ក្រាម ត្រី ៤០០០និងសាច់ចំនួន ៦០០ក្រាម ក្នុងមួយថ្ងៃ វាជារបបអាហារដែលមានតម្លៃថ្លៃ។ គាត់គ្មានលុយទេ តែគាត់បានទៅចរចាជាមួយអ្នកលក់សាច់ក្នុងតម្លៃថោក ជាថ្នូមកវិញ ពេលគាត់ឈ្នះកាយវប្បកម្មនឹងជួយមុខជំនួញនេះឱ្យល្បី។ ទោះបីគាត់ធាត់ក៏ដោយ គាត់បានប្រឹងប្រែក្នុងការហាត់ប្រាណ និងហូបរបបអាហារឱ្យបានត្រឹមត្រូវ។ គាត់ក៏បានឈ្នះ ពាន់រង្វន់ជាតិ និងអន្តជាតិ គាត់ទទួលបានភាពជោគជ័យផ្នែកកាយវប្បកម្ម និងមានភាពល្បីផងដែរ។
អត្ថបទស្រាវជ្រាវដោយ៖ ទ្រ សុភាព