ការឈាមកកធ្វើឱ្យដំណើរឈាមហូរយឺតបន្ទាប់ពីរបួសលើអ្វីមួយពីរាងកាយជាការស្ទះសរសៃឈាម។ ហើយករណីខ្លះ វាកើតឡើងដោយស្ងៀមស្ងាត់នៅក្នុងរាងកាយ រហូតវាបណ្តាលឱ្យមានបញ្ហាធ្ងន់ធ្ងរដូចជា ការគាំងបេះដូង ជំងឺដាច់សរសៃឈាមខួរក្បាលជាមូលហេតុឱ្យនាំពិការរាងកាយផង។ យោងតាមគេហទំព័រ WebMD និង Times of India បានចុះផ្សាយថា នេះជារោគសញ្ញាកកឈាមនៅដំណាក់កាលដំបូង ដើម្បីការពារអាយុជីវិត៖
១. ការឈឺទ្រូងភ្លាមៗ ដោយមានសភាពធ្ងន់ធ្ងរអាចបណ្តាលមកពីការកកឈាមដែលដាច់រលុង និងបណ្តាលឱ្យស្ទះសរសៃឈាមផ្នែកសួត។ នេះអាចជាសញ្ញាបញ្ជាក់ថា អ្នកមានកំណកឈាមក្នុងសរសៃឈាមបានបណ្តាលឱ្យគាំងបេះដូង។ អ្នកជំងឺក៏អាចមានអារម្មណ៍ថាខ្លួនឈឺចាប់ដៃផ្នែកខាងឆ្វេងហើយក៏មានសញ្ញាលេចឡើងដូចជានៅត្រង់ជើង ពោះ និងបំពង់កជាដើម។
២. ការហើមនៅកំភួនជើងក៏ជាសញ្ញាឈាមកកមួយដែរ។ ការកកឈាមនាំឱ្យស្ទះលំហូរឈាមអាចបង្កើតនៅក្នុងសរសៃឈាមវ៉ែនដែលបណ្តាលឱ្យហើមកំភួនជើង។ បើការកកឈាមលេចឡើងនៅកំភួនជើង ហើយមានករណីខ្លះដំបៅស្នាមចាស់ហ្នឹងក៏ធ្វើឱ្យខូចខាតដល់សរសៃឈាមផងដែរ។
៣. ការក្អកភ្លាមៗ មិនដឹងមូលហេតុ ក៏ជាសញ្ញាមួយដែលអ្នកគួរប្រុងប្រយ័ត្នឈាមកកដែរ។ ការកំណកឈាមស្ថិតនៅក្នុងសួត វាធ្វើឱ្យស្ទះសរសៃឈាមផ្នែកសួតនាំឱ្យក្អកស្ងួតភ្លាមៗ តែម្តង។
៤. ពេលឈាមកកធ្វើឱ្យស្ទះសរសៃឈាមវ៉ែននៅលើដៃ និងជើងនាំឱ្យស្បែកប្រែជាពណ៌ខៀវ ឬឡើងក្រហម។ ព្រោះស្បែកប្រែពណ៌ដោយសារការខូចខាតសរសៃឈាមជាបន្តបន្ទាប់ ធ្វើឱ្យរលាកស្បែកដែលបណ្តាលឱ្យឡើងក្រហម រមាស់ មានអារម្មណ៍ក្តៅ ហើយមានកន្ទួលក្រហមផងដែរ។
៥. ឈឺថ្គាមដោយមិនដឹងមូលហេតុជាដើម។ ការឈឺទ្រូងជាសញ្ញាបុរាណដែលគេស្គាល់ថា ជាសញ្ញាឈាមកក។ ចំពោះបញ្ហាឈឺថ្គាមនេះ ជាពិសេសស្ត្រីអាចមានឈាមកកដែលមានការទាក់ទងនឹងបញ្ហាគាំងបេះដូង វាបង្ហាញភាពមិនស្រួលក្នុងថ្គាម មកពីវាឡើងសម្ពាធ ឬការតឹងជុំវិញថ្គាម ឬកកម្រិតខ្ពស់នេះឯង៕ អត្ថបទដោយ៖ ទ្រ សុភាព