លោកយាយ Maria Capovilla កើតនៅឆ្នាំ ១៨៩០ បានរស់នៅដល់ឆ្នាំ ២០០៦ ដែលសរុបលោកយាយមានអាយុ ១១៦ ឆ្នាំ និង៣៤៧ ថ្ងៃ ។ លោកយាយបានលេខ ១០ នៅក្នុងបញ្ជីនៃមនុស្សដែលមានអាយុវែងបំផុតក្នុងពិភពលោក។ លោកយាយ Maria ជាជនជាតិអេក្វាឌ័រ ដែលមានអាយុវែងជាងគេពីអាមេរិកខាងត្បូង។ ទោះបីលោកយាយមានអាយុមួយរយៈជាងក៏ពិតមែន លោកយាយនៅតែមានសុខភាពល្អ មានស្មារតីក្នុងការអាន និងអាចដើរបាន តើមានមូលហេតុអ្វីដែលធ្វើឱ្យលោកយាយមានសុខភាពល្អបែបនេះ? ខាងក្រោមនេះបានបញ្ជាក់ពីលោកយាយ maria ពីការរស់នៅដែលធ្វើឱ្យគាត់មានអាយុវែង៖
១. គុណភាពជីវិតលោកយាយ Maria Capovilla
លោកយាយ Maria Capovilla ជាមនុស្សម្នាក់ដែលមានសុខភាពល្អ។ ទោះបីលោកយាយមានអាយុ ១០០ជាងក៏ដោយ លោកយាយអាចដើរបាន និងមិនត្រូវការរទេះរុញទេ ប៉ុន្តែលោកយាយត្រូវការជំនួយផ្នែកខ្លះក្នុងការរស់នៅ។ លោកយាយបានអានការសែតជាប្រចាំថ្ងៃដោយមិនប្រើវ៉េនតានោះទេ។ ហើយចំណែកការចងចាំ និងការស្តាប់របស់លោកយាយមានការទទួលរងនូវបញ្ហាក្នុងរយៈពេលប៉ុន្មានឆ្នាំចុងក្រោយនៃជីវិតរបស់លោកយាយ។ ពេលលោកយាយមានសុខភាពល្អ មកពីលោកយាយបានធ្វើលំហាត់ប្រាណ របបអាហារល្អ និងបានធ្វើចិត្តរបស់លោកយាយមានចិត្តស្ងប់។
២.របបអាហាររបស់លោកយាយ Maria Capovilla
ក្នុងរយៈពេលប៉ុន្មានឆ្នាំថ្មីៗនេះ លោកយាយបានរស់នៅជាមួយកូនស្រីម្នាក់។ ហើយលោកយាយបានបន្តញ៉ាំអាហារធម្មតាចំនួនបីដងក្នុងមួយថ្ងៃ ហើយចំណាយពេលភាគច្រើនរបស់គាត់ក្នុងការអានកាសែត និងមើលទូរទស្សន៍ជាធម្មតា។ ទោះបីរបបអាហារ និងការធ្វើលំហាត់ប្រាណរបស់លោកយាយមានទំនាក់ទំនងជាមួយគ្នា ដែលធ្វើឱ្យជីវិតរបស់លោកយាយមានសុខភាពល្អ វាក៏មានធាតុផ្សំសំខាន់មួយទៀតសម្រាប់ជីវិតដ៏វែងរបស់លោកយាយ គឺហ្សែន ឬតំណពូជផងដែរ។
លោកយាយចូលចិត្តសាច់មាន់ និងសណ្តែកសម្រាប់អាហារថ្ងៃត្រង់ ហើយលោកយាយចូលចិត្តនំប៉័ងជាមួយឈីស ហើយរាល់ថ្ងៃលោកយាយបានញ៉ាំរសជាតិផ្អែមល្ហែមដូចជាការ៉េម នំខេក...។ លោកយាយមិនដែលជក់បារី ហើយក៏មិនផឹកស្រាដែរ។ តាមពិតលោកយាយជាអ្នកកាន់សាសនាដ៏ល្អម្នាក់។ ហើយលោកយាយបានអធិស្ឋានរៀងរាល់ថ្ងៃ ដើម្បីធ្វើឱ្យចិត្តរបសគាត់កាន់តែមានក្តីស្ងប់ផងដែរ។ មានការស្រាវជ្រាវជាច្រើនពីផ្នែកវេជ្ជសាស្រ្តថា ការធ្វើសមាធិនេះ ជួយដល់ផ្លូវចិត្ត និងសុខភាពខ្លាំង ហើយវាធ្វើឱ្យមនុស្សមានសម្រស់ក្មេងជាងវ័យផងដែរ។
លោកយាយជាមនុស្សម្នាក់ចូលចិត្តលេងព្យាណូដែលធ្វើឱ្យសកម្មភាពនៃផ្នែកស្មារតីរបស់លោកយាយបានល្អ។ សាសនា និងមានគ្រួសារមានកូន ៗ របស់គាត់ចំនួន ៥ នាក់ និងចៅ ៩ នាក់ ដែលនៅជុំវិញខ្លួនលោកយាយ គឺជាថ្នាំបំបាត់ភាពតានតឹង និងជាកម្លាំងចិត្តយ៉ាងកម្លាំង។
មានសាច់ញាតិរបស់លោកយាយបានចាត់ទុកជីវិតដ៏វែងរបស់គាត់ដោយសារតែចរិតស្លូតបូត និងគ្មានចិត្តឆេវឆាវរបស់លោកយាយ។ នៅក្នុងបទសម្ភាសន៍មួយនៅឆ្នាំ ២០០៥ ជាមួយសារព័ត៌មានកាណាឌីយ៉ាកូនស្រីរបស់លោកយាយបាននិយាយថា ម៉ាក់(Maria Capovilla)តែងតែមានចរិតស្ងប់ស្ងាត់។ មានលោកគ្រួម្នាក់បាននិយាយថា មនុស្សចាស់ដែលរកខ្លួនឃើញឯង ជាមនុស្សម្នាក់មានការរស់នៅស្ងប់ស្ងាត់ និងមានសេចក្តីសុខផងដែរ។
អត្ថបទដោយៈ ទ្រ សុភាព