រូបភាព៖ CNBC

ទីប្រឹក្សាប្រតិបត្ដិការ Warp Speed អាមេរិក​​និយាយថាវ៉ាក់ស៊ាំង Pfizer និង BioNTech មានប្រតិកម្មញឹកញាប់ជាងការរំពឹងទុក នេះបើយោងតាម CNN នារសៀលថ្ងៃពុធនេះ។

លោកវេជ្ជបណ្ឌិត Moncef Slaoui ប្រធានទីប្រឹក្សាវិទ្យាសាស្ត្រនៃប្រតិបត្តិការ Warp Speed ​​បាននិយាយថាភាពញឹកញាប់នៃប្រតិកម្មអាឡែស៊ីទៅនឹងវ៉ាក់ស៊ាំងកូវីដ ១៩ គឺច្រើនជាងចំនួនករណីដែលត្រូវបានរំពឹងទុកសម្រាប់វ៉ាក់ស៊ាំងដទៃទៀត។ លោកបានមានប្រសាសន៍ថា គិតត្រឹមថ្ងៃអង្គារ ប្រតិកម្មអាឡែហ្ស៊ីលើអ្នកចាក់វ៉ាក់ស៊ាំងបានកើនដល់ ៦ ករណី។ លោកបានកត់សម្គាល់ថាទិន្នន័យស្តីពីការចាក់វ៉ាក់ស៊ាំងកូវីដ ១៩ ជាក់ស្តែងកំពុងមានចំនួនតិចជាងចំនួនដែលបានកំណត់។

ផងដែរ លោកបានមានប្រសាសន៍បន្ថែមទៀតថា “មានការពិភាក្សាគ្នារវាងអ្នកបង្កើតវ៉ាក់ស៊ាំង និងវិទ្យាស្ថានសុខភាពជាតិដើម្បីពិចារណាលើដំណើរការនៃការចាក់វ៉ាក់ស៊ាំងកូវីដ ១៩ ក្នុងចំនោមប្រជាជនដែលមានអាឡែរហ្សីខ្លាំង ដូចជាអ្នកដែលត្រូវប្រើ EpiPen ជាមួយគ្រប់ពេល។

លោកបាននិយាយថាការសាកល្បងវ៉ាក់ស៊ាំងអាចជួយឱ្យអ្នកវិទ្យាសាស្ត្រយល់ពីអត្រានៃប្រតិកម្មអាឡែហ្ស៊ី និងមូលហេតុដែលធ្វើឱ្យប្រតិកម្មអាឡែហ្ស៊ីនោះកើតឡើង ដើម្បីស្វែងរកដំណោះស្រាយ៕

ដោយ ហៃ សុចិន្តា

ប្រភព CNN