១. និយាយពីអារម្មណ៍របស់អ្នក៖ និយាយពីអារម្មណ៍របស់អ្នកមិនមែនជាសញ្ញានៃភាពទន់ខ្សោយទេ។ វាជាផ្នែកមួយនៃការទទួលខុសត្រូវសុខុមាលភាពរបស់អ្នកដើម្បីធ្វើឱ្យអារម្មណ៍តានតឹងចេញពីក្នុងចិត្តដោយការនិយាយចេញមកខាងក្រៅនេះ។ ការនិយាយអាចជាវិធីមួយដើម្បីដោះស្រាយបញ្ហាដែលអ្នកបានជួបប្រទះ និងជួយឱ្យអ្នកមានអារម្មណ៍ថាមានការគាំទ្រ ហើយគ្មានអារម្មណ័ថាខ្លួនឯកានោះទេ។

២. រក្សាសកម្មភាព៖ អ្នកជំនាញជាច្រើនជឿជាក់ថាការធ្វើលំហាត់ប្រាណ បានបញ្ចេញនូវសារធាតុគីមីនៅក្នុងខួរក្បាលរបស់អ្នកដែលធ្វើឱ្យអ្នកមានអារម្មណ៍បន្ធូរស្រាលចេញពីស្រ្តេសនិងភាពតានតឹង។ ការហាត់ប្រាណជួយបង្កើននូវភាពជឿជាក់លើខ្លួនឯង និងជួយឱ្យអ្នកមានអារម្មណ៍គេងលក់ស្រួលហើយធូរស្បើយភាពតប់ប្រមល់។

៣. ការសម្រាក៖ បើអ្នកពិតជានឿយហត់ណាស់សូមទុកពេលឱ្យខ្លួនឯង នៅក្នុងពេលណាមួយសម្រាកប្រហែល ១០ទៅ២០នាទីដើម្បីបន្ធូរអារម្មណ៍តានតឹងឱ្យចិត្តរបស់អ្នកមានថាមពលឡើងវិញ។ ពេលអ្នកនៅម្នាក់ឯងចូរដកដង្ហើមវែងៗ សាកល្បងធ្វើយូហ្គា ឬសមាធិជាដើម។

៥. ធ្វើនូវអ្វីដែលអ្នកយល់ថាល្អ៖ ការរីករាយនឹងខ្លួនអ្នកជួយបំបាត់ភាពតានតឹង។ ការធ្វើសកម្មភាពដែលអ្នកចូលចិត្តមានន័យថាអ្នកពូកែធ្វើវាហើយ ការសំរេចបានអ្វីមួយជួយអោយអ្នកមានការជឿជាក់លើខ្លួនឯង។ ការផ្តោតអារម្មណ៍លើចំណង់ចំណូលចិត្តដូចជាការថែសួន ឬជួយអ្នកឱ្យភ្លេចពីកង្វល់មួយរយៈ ហើយផ្លាស់ប្តូរអារម្មណ៍របស់អ្នកដែរ៕ អត្ថបទដោយ៖ ទ្រ សុភាព