មានអ្នកខ្លះគាត់មានបញ្ហានៅក្នុងខ្លួនដោយអត់ដឹងខ្លួននោះទេ។ ជាពិសេសអ្នកខ្វះសារធាតុ (Selenium) សេលេញ៉ូមមានការទាក់ទងជាមួយមុខងារប្រព័ន្ធភាពស៊ាំនិងក្រពេញទីរ៉ូអ៊ីត។ សេលេញ៉ូម (SELENIUM)ជាជីវជាតិដែលរាងកាយរបស់មនុស្សយើងត្រូវតែមានដើម្បីពង្រីកសុខភាព។ សេលេញ៉ូមជួយកាត់បន្ថយពីហានិភ័យការជ្រុះសក់ កើតជំងឺមហារីកពោះវៀន ប្លោកនោម ស្បែក និងក្រពះ។ បើអ្នកកង្វះសារធាតុសេលេញ៉ូមអាចបណ្តាលឱ្យអស់កម្លាំង ជ្រុះសក់ និងខ្សោយសាច់ដុំវិញផង។ ខាងក្រោមនេះជាសញ្ញាប្រាប់អ្នកខ្វះសារធាតុ Selenium។
១. អស់កម្លាំង៖ ពេលរាងកាយរបស់អ្នកអស់កម្លាំងជារឿងធម្មតាទេ វាអាចមកពីបង្វះសារធាតុរ៉ែ។ ប៉ុន្តែវាអាចផ្សារភ្ជាប់ទៅនឹងកម្រិតសារធាតុ selenium នៅក្នុងខ្លួនតិចផងដែរ។ ដោយសារតែសារធាតុរ៉ែនេះប៉ះពាល់ដល់ដំណើរការនៃក្រពេញទីរ៉ូអ៊ីតធ្វើឱ្យអ្នកចេះតែអស់កម្លាំង។
២. ជ្រុះសក់៖ ការលូតលាស់នៃអរម៉ូនទីរ៉ូអ៊ីតនាំឱ្យសក់របស់អ្នកដុះកាន់តែល្អ។ ពេលសំយោគអរម៉ូនទីរ៉ូអ៊ីតថយចុះព្រោះអ្នកខ្វះសារជាតិ selenium ធ្វើឱ្យសក់ជ្រុះលឿនជាងធម្មតា។ នេះដោយសារតែកោសិកានៅក្នុងឫសសក់របស់អ្នកមានប្រតិកម្មទៅនឹងការថយចុះនៃអរម៉ូន Selenium នេះ។ ហើយសម្រាប់ជំងឺជ្រុះសក់ក៏មានជាប់ពាក់ព័ន្ធជាមួយបម្រែបម្រួលអ័រម៉ូនតេតូស្តេរ៉ូន និងបញ្ហាតំណពូជផងដែរ។ សម្រាប់នារីៗ កើតឡើងពេលមានការកើនឡើងនូវអ័រម៉ូនអង់ដ្រូសែន និងក្នុងពេលមានបញ្ហាគីសក្នុងក្រពេញអូវែច្រើន។បើមករដូវមកមិនទៀងក៏ធ្វើឱ្យនារីជ្រុះសក់ដែរ។
៣. ខ្សោយសាច់ដុំ៖ សេលេញ៉ូមដើរតួយ៉ាងសំខាន់ក្នុងការសំយោគ និងការរំលាយអាហារ។ ជាពិសេសវាអាចបំប្លែងអាហារទៅជាថាមពល។ សាច់ដុំមិនទទួលបានថាមពលគ្រប់គ្រាន់ពីរបបអាហារដើម្បីរក្សាកម្លាំង ហើយសកម្មភាពប្រចាំថ្ងៃនាំអស់កម្លាំងហើយខ្សោយសាច់ដុំ។ សម្រាប់ហេតុផលនេះ ភាពទន់ខ្សោយសាច់ដុំអាចបណ្តាលមកពីកង្វះសារជាតិ selenium នេះឯង។
បើអ្នកមានបញ្ហារោគសញ្ញាទាំងបីខាងលើនេះបណ្តាលមកពីសារធាតុ selenium សូមអ្នកញ៉ាំអាហារមានដូចជាទំពាំងបាយជូ បឺរី ត្របែក ក្រូច ត្រីសាឌីន ផ្លែប័រ ស៊ុត អាហារសមុទ្រ និងសាច់គោ...ពេលអ្នកហូបអាហារល្អៗ សុខភាពរបស់អ្នកកាន់តែរឹងមាំ៕ អត្ថបទដោយ៖ ទ្រ សុភាព