ភាសាសំខាន់ទីមួយគឺភាសាអង់គ្លេស។ ហើយភាសាសំខាន់ទីពីរជាភាសាចិននេះតែម្តង។ ពេលយើងចេះភាសាចិន ងាយស្រួលរកការងារ និងប្រាក់ខែក៏ច្រើនដែរ។ ដូច្នេះ! បើយើងចេះអង់គ្លេសស្ទាត់ខ្លះហើយ ក៏គួរតែមករៀនភាសាចិនតាមវេបសាយទាំង៣ មានបង្រៀនចិនតាំងពីកម្រិតដំបូងដោយឥតគិតថ្លៃ។
១. ChinesePod ៖ វេបសាយមួយនេះដែរ គឺល្អបំផុតសម្រាប់បងប្អូនដែលធ្លាប់ចេះចិនខ្លះៗហើយ ប៉ុន្តែចង់រៀនបន្ថែមទៀតនៅផ្ទះដោយខ្លួនឯងគឺអាចរៀនបាន ព្រោះវេបសាយនេះផ្តោតខ្លាំងទៅលើការស្តាប់ និងការសន្ទនាផងដែរ។
២.Yoyo Chinese ៖ ចំពោះវេបសាយនេះ គឺមានមេរៀនវីដេអូដ៏ច្រើន សម្រាប់អ្នកចង់ចាប់ផ្តើមរៀនចិនជាលើកដំបូង និងអ្នកដែលចង់សិក្សាកម្រិតមធ្យមអាចរៀនតាមរយៈវេបសាយមួយនេះបានព្រោះមានបង្រៀនផ្តោតលើភាសាចិន និងការលើកដាក់សម្លេងផងដែរ។
៣.Everday Chinese ៖ គឺវេបសាយមួយដែលផ្តោតសំខាន់ទៅលើការបង្រៀនឃ្លានិងពាក្យជាភាសាចិនជារៀងរាល់ថ្ងៃដែលអ្នកអាចរៀនពាក្យ ប្រយោគនិងការបញ្ចេញសំឡេង បានទោះមិនធ្លាប់មានប្រវត្តិរៀនភាសាចិនសោះ ជាមួយនឹងគ្រូចិនកុកងឺតែម្តង។
បើបងប្អូនទំនេរពីការងារចង់ពង្រឹងភាសាចិនបន្ថែមបងប្អូនអាចឆ្លៀតរៀនតាមវេបសាយខាងលើនេះ ក្រៅពីវេបសាយខាងលើក៏មានវេបសាយផ្សេងៗជាច្រើនទៀតដែលមានបង្រៀនភាសាចិនផងដែរ។ ដូច្នេះប្រសិនជាបងប្អូនពេញចិត្តវេបសាយមួយណាអាចរៀនពីកន្លែងនោះបានរៀនហើយកុំភ្លេចអនុវត្តន៍ផងណា៕