ការញ៉ាំអាហារមុនពេលហាត់ប្រាណអាចមានសារៈសំខាន់សម្រាប់ក្រុមមនុស្សមួយចំនួនដូចជាអត្តពលិក ឬអ្នកដែលហ្វឹកហាត់រយៈពេលយូរដែលប្រើកម្លាំងខ្លាំងដើម្បីបង្កើតសាច់ដុំ និងសម្រកគីឡូ។ ទោះជាយ៉ាងណាក៏ដោយ តើត្រូវញ៉ាំមុន ឬក្រោយពេលហាត់ប្រាណអាចជាបញ្ហាមួយស្ថិតលើចំណង់ចំណូលចិត្តផ្ទាល់ខ្លួន ហើយអាស្រ័យលើស្ថានភាពរាងកាយរបស់មនុស្សម្នាក់ៗ ផងដែរ។
សម្រាប់មនុស្សមួយចំនួនការញ៉ាំអាហារមុនពេលហាត់ប្រាណធ្វើឱ្យពួកគាត់មានអារម្មណ៍ឆ្អែត និងចង់ក្អួត ប៉ុន្តែអ្នកផ្សេងទៀតមានអារម្មណ៍ខ្សោយ និងអស់កម្លាំង បើពួកគាត់មិនទាន់បានញ៉ាំអាហារជាមុន។ អ្នកគទរញ៉ាំពីរបីម៉ោងមុនពេលអ្នកហាត់ប្រាណដើម្បីឱ្យអាហាររំលាយក្លាយជាថាមពលមានសារធាតុចិញ្ចឹមដល់សាច់ដុំ និងឈាមរបស់អ្នកនៅអំឡុងពេល និងក្រោយពេលហាត់ប្រាណផងដែរ។
សម្រាប់អាហារញ៉ាំមុនពេលហាត់ប្រាណ អ្នកញ៉ាំអាហារទាំងនេះ កើនថាមពល ថែមជួយស្រកគីឡូទៀតមានដូចជា ផឹកទឹកមួយកែវ ផឹកទឹកដូង ហូបផ្លែប័រ ហូបស៊ុត សាឡាដ ផ្លែឪឡឹក ចេក ទឹកឃ្មុំ ទឹកដោះគោ ត្រី ដំឡូងជ្វា...អ្នកគួរញ៉ាំអាហារទាំងអស់នេះ រយៈពេលមួយម៉ោង ឬមួយម៉ោងកន្លះ មុនពេលហាត់ប្រាណដើម្បីជួយកើនប៉ូវកម្លាំងឱ្យអ្នកហាត់ប្រាណបានយូរ និងដុតខ្លាញ់ក្បាលពោះបានលឿនជាងពេលធម្មតា។ ចំណែកអាហារនិងភេសជ្ជៈអ្នកគួរចៀសវាងដូចជា គ្រឿងកំប៉ុងមានជាតិហ្គាស ទឹកក្រូច អាហារជាតិហឹង និងជាតិប្រៃ...ជាអាហារមិនគួរហូបមុនពេលហាត់ប្រាណធ្វើឱ្យអ្នកហាត់ប្រាណមិនបានយូរ និងប៉ះពាល់ដល់សុខភាពរបស់អ្នកថែមទៀត៕ អត្ថបទដោយ៖ ទ្រ សុភាព