១. កំណត់ពេលគេង ៧-៨ ម៉ោង៖ យប់ខ្លះអ្នកគេងបាន ៨ម៉ោង អ្នកមានអារម្មណ៍ថាដូចជាអ្នកឈ្នះឆ្នោតអ៊ីចឹង។ ការគេងបានគ្រប់ជួយផ្តល់ថាមពលដល់ខួរក្បាល ពង្រឹងភាពស៊ាំ និងការផ្តោតអារម្មណ៍លើការងារពេញមួយថ្ងៃ។

២. បង្កើតបរិយាកាសក្នុងបន្ទប់គេង៖ បន្ទប់គេងរបស់អ្នកគួរមានអារម្មណ៍ដូចជាកន្លែងសម្រាក មិនមែនជាកន្លែងធ្វើការនោះទេ។ កន្លែងគេងរបស់អ្នកគួរត្រជាក់ ងងឹត និងស្ងប់ស្ងាត់ដើម្បីបង្ហាត់ខួរក្បាលរបស់អ្នកឱ្យស្ងប់។

៣. បំបាត់គំនិត កុំឱ្យគិតច្រើន៖ ពេលគិតច្រើនពីការងារនាំឱ្យអ្នកគេងមិនលក់ទេ។ ដើម្បីបំបាត់គំនិតនេះ ចូរអ្នកសរសេរកំណត់ហេតុ និងការសរសេរបញ្ជីការងារត្រូវធ្វើនៅថ្ងៃស្អែកដើម្បីឱ្យអ្នកដឹងពីកិច្ចការគួរធ្វើជាមុន។

៤. បង្កើតទម្លាប់មុនពេលចូលគេង៖ ការគេងរបស់អ្នកធ្វើតាមទម្លាប់ជាប្រចាំថ្ងៃ។ មានន័យថា អ្នកគួរតែបង្កើតទម្លាប់ល្អ បន្ថយភ្លើងក្នុងបន្ទប់ ពិសាតែរុក្ខជាតិ ងូតទឹកក្តៅឧណ្ហៗ និងធ្វើសមាធិ ១០នាទីមុនចូលគេង ដើម្បីឱ្យចិត្តគំនិតរបស់អ្នកបានសម្រាក ហើយអ្នកឆាប់គេងលក់លឿនដោយស្ងប់ចិត្ត។

៥. គ្រប់គ្រង​ស្ត្រេស៖ ចូរធ្វើសមាធិដោយការដកដង្ហើមជ្រៅៗ ឬបន្ធូរអារម្មណ៍តាមចំណង់ចំណូលចិត្តរបស់អ្នកដើម្បីលុបបំបាត់ស្រ្តេស ឱ្យអ្នកគេងលក់ស្រួលពេញមួយយប់។

៦. ចៀសវាងជាតិកាហ្វេអ៊ីនពេលល្ងាច៖ បើអ្នកផឹកកាហ្វេពេលរសៀល ដើម្បីផ្តល់ថាមពលពេញមួយថ្ងៃ សូមពិចារណាហើយប្តូរទម្លាប់នេះចេញ។ អ្នកគួរតែផឹកកាហ្វេពេលព្រឹកគឺល្អបំផុត៕ អត្ថបទដោយ៖ ទ្រ សុភាព