កត្តាដែលមានឈាមនៅក្នុងទឹកនោមអាខជាសញ្ញានៃស្ថានភាពផ្នែកវេជ្ជសាស្រ្ត ជាពិសេសចំពោះអ្នក ដែលប៉ះពាល់លើតម្រងនោម ប្លោកនោម ឬក្រពេញប្រូស្តាត(លើបុរស) និងអាចជាសញ្ញាដំបូងនៃជំងឺ ធ្ងន់ធ្ងរ។ ទោះជាយ៉ាងណាក៏ដោយប្រសិនបើអ្នកកត់សម្គាល់ឃើញឈាមនៅក្នុងទឹកនោមសូមកុំប្រងើយកន្តើយ អាចមានមូលហេតុជាច្រើន ដែលអ្នកគួរតែពិគ្រោះជាមួយគ្រូពេទ្យ។ កាលដែលមានទឹកនោមពណ៌ លឿងចាស់ក៏មិនមានន័យជាករណីឈាមក្នុងទឹកនោមដែល អាចមានបណ្តាលមកពីមូលហេតុនៃការ ទទួលទានអាហារ ការប្រើប្រាស់ឱសថ ឱសថវិតាមីនមួយចំនួន ក៏អាចជាផ្នែកមួយដែលធ្វើឱ្យផ្លាស់ប្តូរ ពណ៌នៃទឹកនោម។
ដើម្បីកំណត់ថាការប្រែប្រួលពណ៌នៃទឹកនោមដែលបង្ករឱ្យជាបញ្ហាដល់សុខភាព អាចបន្ថែមជាមួយ នឹងរោគសញ្ញាដូចជា៖
-ភាពមិនស្រួល ឬឈឺចាប់ពេលនោម
-មានអាការៈនោមជាបន្ទាន់
-នោមញឹកញាប់
-ស្រកទម្ងន់
-អសមត្ថភាពក្នុងការនោម
-ក្តៅខ្លួន ឬគ្រុនក្តៅ
-ចង្អោរឬក្អួត
-ឈឺពោះ
មូលហេតុដែលបណ្តាលឱ្យមានឈាមក្នុងទឹកនោមអាចជាសញ្ញានៃស្ថានភាពសុខភាពខុសៗគ្នា ជាច្រើនរួមមាន៖
-គ្រូសក្នុងតម្រងនោម
-ជំងឺតម្រងនោម
-របួសតម្រងនោម
-ក្រពេញប្រូស្តាតរីកធំ
-ការឆ្លងមេរោគលើប្រព័ន្ធផ្លូវបង្ហូរទឹកម៉ូត្រ
-ជំងឺតម្រងនោម
-មហារីកតម្រងនោម ប្លោកនោម បង្ហូរនោម
ការធ្វើលំហាត់ប្រាណខ្លាំងពេកក៏ជាកត្តាបណ្តាលឱ្យមានបញ្ហាឈាមក្នុកទឹកនោមនេះផងដែរ ដោយសារការប៉ះទង្គិច កង្វះសារជាតិទឹក ឬបណ្តាលមកពីការរងរបូសលើកោសិកា។ ចំពោះស្រ្តីអាច បណ្តាលមកពីកត្តាវដ្តឈាមរដូវ ហើយចំពោះបុរសអាចជាបញ្ហាក្រពេញប្រូស្តាត ឬបញ្ហាលើចលនាពោះវៀនដោយសារមានជំងឺឫសដូងបាត៕
អត្ថបទដោយ៖ សែម សុធារី