ក្រុមវេជ្ជបណ្ឌិតជំនាញ នឹងធ្វើការព្យាបាលទៅតាមស្ថានភាពសុខភាពអ្នកជំងឺ ដើម្បីឱ្យចៀសផុតពីបញ្ហាពិការភាព និងបញ្ហាគ្រោះថ្នាក់ដល់អាយុជីវិត។ គិតមកទល់នាពេលបច្ចុប្បន្ន ចំពោះការជួយសង្គ្រោះអ្នកជំងឺចេញពីបញ្ហាដាច់សរសៃឈាមខួរក្បាល គឺមានភាគរយខ្ពស់ ដោយសារតែវិធីសាស្ត្រនៅក្នុងការព្យាបាល មានភ្ជាប់ជាមួយនឹងបច្ចេកវិទ្យាទំនើបៗចុងក្រោយ។

តួយ៉ាងនោះ ប្រសិនណាមានអ្នកជំងឺមកមន្ទីរពេទ្យស្ថិតក្នុងករណីស្ទះសរសៃឈាមខួរក្បាល ដោយសារតែមានកំណកឈាមនៅក្នុងសរសៃឈាមខួរក្បាល ការបញ្ជូនអ្នកជំងឺមកកាន់តែមន្ទីរពេទ្យបានមុន៤ម៉ោងកន្លះ បន្ទាប់ពីសង្កេតឃើញមានរោគសញ្ញា ​អត្រាជួយសង្គ្រោះអ្នកជំងឺអាចនឹងមានភាគរយខ្ពស់ ដោយក្រុមគ្រូពេទ្យជំនាញអាចនឹងប្រើប្រាស់នូវប្រភេទថ្នាំរំលាយកំណកឈាម ដើម្បីឱ្យសរសៃឈាមដែលស្ទះនោះបើក លំហូរឈាមអាចរត់ទៅចិញ្ចឹមខួរក្បាលបានធម្មតាវិញ។

ដោយឡែក ប្រសិនការបញ្ជូនអ្នកជំងឺមកដល់មន្ទីរពេទ្យលើសពី៤ម៉ោងកន្លះ ក្រុមគ្រូពេទ្យឯកទេសក៏នៅតែមានវិធីជួយសង្គ្រោះអ្នកជំងឺដូចគ្នា ​ផ្អែកទៅលើដំណាក់កាលស្ថានភាពជំងឺ៖

- Angioplasty and stenting procedures៖ សុងប្រើបំពង់ស្តើង ឬបំពង់សំណាញ់តូចមួយដាក់ចូលទៅក្នុងសរសៃឈាម ដើម្បីពង្រីកសរសៃឈាមដែលរឹងត្បៀត ធ្វើឱ្យលំហូរឈាមរត់បានស្រួលទៅចិញ្ចឹមកោសិកាខួរក្បាលបានធម្មតាវិញ។

- stent retriever៖ សុងយកកំណកឈាមដែលធ្វើឱ្យស្ទះសរសៃឈាមខួរក្បាលចេញ ធ្វើឱ្យសរសៃឈាមបើក ឈាមអាចរត់ទៅចិញ្ចឹមខួរក្បាលបានដូចដើម។

គួរបន្ថែមឱ្យដឹងដែរថា ចំពោះបច្ចេកវិទ្យាទំនើបចុងក្រោយបង្អស់ សម្រាប់ជួយសង្គ្រោះអ្នកជំងឺស្ទះសរសៃឈាមខួរក្បាល នៅក្នុងមន្ទីរពេទ្យរ៉ូយ៉ាល់ភ្នំពេញក៏មានផងដែរ ធ្វើឡើងដោយក្រុមវេជ្ជបណ្ឌិតឯកទេសមានជំនាញច្បាស់លាស់ និងបទពិសោធន៍រាប់ឆ្នាំ។

<<<ណាត់ជួបជាមួយនឹងវេជ្ជបណ្ឌិត Surachet Srikaew ឯកទេសខាងផ្នែកវះកាត់ប្រព័ន្ធប្រសាទខួរក្បាល តាមរយៈផេក Royal Phnom Penh Hospital ឬទំនាក់ទំនងតាមលេខ 023 991 000/ 012 991 000>>>